សម្តេចនាយករដ្ឋមន្ត្រីហ៊ុន សែនប្រកាសលាលែងពីតំណែង
សម្តេចហ៊ុន សែនប្រកាសថាសម្តេចនឹងលែងធ្វើជានាយករដ្ឋមន្ត្រីកម្ពុជាទៀតហើយ ដោយថាកូនប្រុសលោក ហ៊ុន ម៉ាណែត នឹងដឹកនាំរដ្ឋាភិបាលថ្មីនៅប៉ុន្មានសប្តាហ៍ខាងមុខ។សម្តេចនាយករដ្ឋមន្ត្រី ហ៊ុន សែន ថ្លែងក្នុងសុន្ទរកថាតាមទូរទស្សន៍នៅម៉ោង២៖១០នាទីរសៀលថ្ងៃនេះថា “ខ្ញុំនឹងលែងកាន់តំណែងជានាយករដ្ឋមន្ត្រីទៀតហើយសុំការយោគយល់របស់ប្រជាពលរដ្ឋជាមួយនឹងការសម្រេចចិត្តនេះ”។
សម្តេចនាយករដ្ឋមន្ត្រី ហ៊ុន សែនខាងឆ្វេងនិងកូនប្រុសរបស់សម្តេចនិងជាស្នងតំណែងលោក ហ៊ុន ម៉ាណែតនៅរាជធានីភ្នំពេញកាលពីខែកក្កដា។ (Cindy Liu/Reuters)
សម្តេចនាយករដ្ឋមន្ត្រី ហ៊ុន សែន បានប្រកាសថា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី នឹងប្រកាសសេចក្តីសម្រេចតែងតាំងលោក ហ៊ុន ម៉ាណែត ដែលជាកូនប្រុសច្បងរបស់សម្តេចហ៊ុនសែនឲ្យដឹកនាំរដ្ឋាភិបាលថ្មីក្នុងរយៈពេលប្រហែល៣សប្តាហ៍។សម្តេចបញ្ជាក់ថាសម្តេចនឹងមិនលូកដៃចូលក្នុងការគ្រប់គ្រងរដ្ឋាភិបាលលោក ហ៊ុន ម៉ាណែត ទៅថ្ងៃអនាគតហើយការតែងតាំងកូនប្រុសសម្តេចឡើងកាន់តំណែងនាយករដ្ឋមន្ត្រីគឺត្រឹមត្រូវទាំងស្រុង។សម្តេចនាយករដ្ឋមន្ត្រី ហ៊ុន សែន មានប្រសាសន៍ថាការសម្រេចចិត្តចុះចេញពីតំណែង គឺជាការលះបង់ដ៏ធំដើម្បីធានាបាននូវគ្រឹះស្ថិរភាពយូរអង្វែងសម្រាប់ការអភិវឌ្ឍន៍ប្រទេសដោយសម្តេចបានបន្ថែមថាសម្តេចកំពុងធ្វើតាមគំរូរបស់សម្តេចព្រះនរោត្តម សីហនុ ដែលបានប្រកាស “ចូលនិវត្តន៍” ដោយសារបញ្ហាសុខភាពក្នុងឆ្នាំ២០០៤ដើម្បីថ្វាយព្រះរាជបល្ល័ង្កថ្វាយព្រះនរោត្តម សីហមុនី។បន្ទាប់ពីលាលែងពីតំណែងជានាយករដ្ឋមន្ត្រី សម្តេច ហ៊ុន សែនត្រូវបានគេរំពឹងថានឹងត្រូវបានតែងតាំងជាប្រធានឧត្តមក្រុមប្រឹក្សាព្រះមហាក្សត្រដែលជាស្ថាប័នមានសមាជិកចំនួន៩រូបទទួលបន្ទុកជ្រើសរើសព្រះមហាក្សត្រ។សម្តេចក៏នឹងក្លាយជាប្រធានព្រឹទ្ធសភាជំនួសលោកសាយ ឈុំ។សម្តេចនាយករដ្ឋមន្ត្រី ហ៊ុន សែន មានអាយុ ៧០ឆ្នាំ ជាមេដឹកនាំម្នាក់ក្នុងចំណោមមេដឹកនាំដែលកាន់អំណាចយូរជាងគេបំផុតលើពិភពលោក ដោយកាន់អំណាច៣៨ ឆ្នាំ។សម្តេចបានចូលកាន់តំណែងនៅថ្ងៃទី១៤ ខែមករា ឆ្នាំ ១៩៨៥ ដោយក្លាយជានាយករដ្ឋមន្ត្រីក្មេងបំផុតក្នុងលោកក្នុងវ័យ៣២ឆ្នាំ។កូនប្រុសរបស់លោក ហ៊ុន ម៉ាណែត អាយុ ៤៥ ឆ្នាំ គឺជាជនជាតិខ្មែរដំបូងគេដែលបញ្ចប់ការសិក្សាពីសាលាយោធាWest Point របស់សហរដ្ឋអាមេរិក។ លោកត្រូវបានគេនិយាយថាបានចូលរួមចំណែកយ៉ាងសំខាន់ក្នុងដំណើរការចរចាជាមួយប្រទេសថៃនៅពេលដែលកងទ័ពនៃប្រទេសទាំង២បានប៉ះទង្គិចគ្នានៅទីតាំងប្រាសាទបុរាណប្រាសាទព្រះវិហារក្នុងឆ្នាំ២០០៨។គណបក្សប្រជាជនកម្ពុជាដែលកំពុងកាន់អំណាចរបស់សម្តេចនាយករដ្ឋមន្ត្រី ហ៊ុន សែន កាលពីថ្ងៃទី២៣ ខែកក្កដា បានប្រកាសពីជ័យជម្នះដ៏លើសលប់ក្នុងការបោះឆ្នោតសភា ដោយទទួលបានអាសនៈចំនួន ១២០ ក្នុងចំណោម ១២៥ អាសនៈ។ គណបក្សហ្វ៊ុនស៊ិនប៉ិច ដឹកនាំដោយព្រះអង្គម្ចាស់នរោត្តម ចក្រាវុធ ទទួលបាន៥អាសនៈ។តាមច្បាប់ បេក្ខជនមកពីគណបក្សឈ្នះឆ្នោតក្នុងការបោះឆ្នោតសភាក្លាយជានាយករដ្ឋមន្ត្រី។ អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថាគណបក្សនេះមានបេក្ខជននាយករដ្ឋមន្ត្រី២រូប គឺសម្តេច ហ៊ុន សែន និងលោក ហ៊ុន ម៉ាណែត។តំណែងនាយករដ្ឋមន្ត្រីត្រូវបានតែងតាំងដោយព្រះមហាក្សត្រនៃព្រះរាជាណាចក្រកម្ពុជាតាមការស្នើរបស់ប្រធាននិងអនុប្រធានរដ្ឋសភា។ នាយករដ្ឋមន្ត្រីក៏ត្រូវការការបោះឆ្នោតទុកចិត្តពីរដ្ឋសភាផងដែរ។ក្នុងការបោះឆ្នោតឆ្នាំនេះ លោក ហ៊ុន ម៉ាណែត បានឈរឈ្មោះជាតំណាងរាស្រ្តមណ្ឌលភ្នំពេញ។ រដ្ឋធម្មនុញ្ញរបស់ប្រទេសកម្ពុជាបានចែងថានាយករដ្ឋមន្ត្រីត្រូវតែជាសមាជិកសភាជាមុនសិន។នៅមុនការបោះឆ្នោតសម្តេច ហ៊ុន សែន អះអាងដដែលៗថា កូនប្រុសលោក ហ៊ុន ម៉ាណែត «សមនឹងទទួលបាន»និងមានសមត្ថភាពពេញលេញក្នុងការដឹកនាំរដ្ឋាភិបាល ដោយសារសមត្ថភាពរបស់គាត់។លោក ហ៊ុន ម៉ាណែត កាលពីថ្ងៃទី២៤ ខែកក្កដា បានថ្លែងអំណរគុណដល់ប្រជាពលរដ្ឋកម្ពុជា ដែលបានទៅបោះឆ្នោត ជាពិសេសចំពោះការជឿទុកចិត្ត និងស្រឡាញ់គណបក្សកាន់អំណាច។លោកក៏បានសន្យាថានឹងបន្តបម្រើប្រទេសជាតិនិងប្រជាជនកម្ពុជាឲ្យកាន់តែល្អប្រសើរនិងកាន់តែប្រសើរឡើង៕Khmer Times
/unnamed.png
Post a Comment