រោងមហោស្រពBankheadនឹងចាក់បញ្ចាំងភាពយន្តឯកសារ“ស៊ីសាមុតElvisខ្មែរ”
រោងមហោស្រព Bankhead នៅទីក្រុង Livermore នឹងរៀបចំការបញ្ចាំងភាពយន្តឯកសារ “ស៊ីសាមុត Elvis ខ្មែរ” “Elvis of Cambodia” នៅរដ្ឋកាលីហ្វ័រញ៉ាភាគខាងជើង នៅម៉ោង៦ល្ងាច។ នៅថ្ងៃអង្គារ ទី១២ ខែកញ្ញា។
ភាពយន្តនេះត្រូវបានបង្ហាញដោយ ណុប មុន្នី និង ម៉ៅ សុផាលីន ដែលជនភៀសខ្លួនខ្មែរទាំង២និងសមាជិកនៃក្រុម មុនី ណុប នៃក្រុមហ៊ុន Compass Real Estate in Livermore សហការជាមួយ Barang Films។ភាពយន្តខ្នាតខ្លីនេះ បង្ហាញពីជីវិត និងកេរដំណែលរបស់តារាចម្រៀងដ៏ល្បីបំផុតរបស់ប្រទេសកម្ពុជា គឺលោក ស៊ីន ស៊ីសាមុត ដែលល្បីល្បាញក្នុងទសវត្សរ៍ ១៩៥០ និង៦០។លោក ស៊ីសាមុត ត្រូវបានខ្មែរក្រហមសម្លាប់នៅឆ្នាំ១៩៧៦ រួមជាមួយនឹងសិល្បករសិល្បការនីទូទាំងប្រទេសប្រមាណ ៩០% ក្នុងរបបដ៏ឃោរឃៅរបស់បក្សកុម្មុយនីស្តកម្ពុជាពីឆ្នាំ ១៩៧៤ ដល់ឆ្នាំ ១៩៧៩។ ពេលនោះ គាត់មានអាយុ ៤៣ ឆ្នាំ។ក្នុងនាមជាពលរដ្ឋខ្មែរអាមេរិកាំង ដែលទទួលរងផលប៉ះពាល់ដោយផ្ទាល់ពីអំពើប្រល័យពូជសាសន៍ លោក ណុប និងម៉ៅ បាននិយាយថា ពួកគេមានកាតព្វកិច្ចក្នុងការនាំយកខ្សែភាពយន្តឯកសារនេះទៅកាន់ Livermore។ណុប បាននិយាយថា “តន្ត្រីបម្រើជាឧបករណ៍ភ្ជាប់វប្បធម៌និងលាតសន្ធឹងហួសពីភាសា” ដោយបានបន្ថែមថា “Elvis of Cambodia” មិនត្រឹមតែជាភាពយន្តអំពីស៊ីសាមុតប៉ុណ្ណោះទេ។ ប៉ុន្តែជា “លក្ខណៈនៃអត្តសញ្ញាណខ្មែរ ប្រវត្តិតន្ត្រីដ៏សំបូរបែបរបស់យើង និងភាពរឹងប៉ឹងនៃសហគមន៍មួយដែលបន្តកេរដំណែលនេះ»។ណុប ក៏មានតួនាទីជាឯកអគ្គរដ្ឋទូតសិល្បៈសម្រាប់មហោស្រព Bankhead ផងដែរ។ការចាក់បញ្ចាំងនឹងបន្តដោយកម្មវិធីសួរចម្លើយជាមួយនឹងអ្នកដឹកនាំរឿងគឺ Chris Parkhurst ដែលបាននិយាយថាគាត់បានដឹងពីលោកស៊ីសាមុត និងកេរ្តិ៍ដំណែលរបស់គាត់ ពេលកំពុងធ្វើការលើភាពយន្តឯកសារមួយផ្សេងទៀតនៅក្នុងប្រទេសកម្ពុជា។លោក Parkhurst បាននិយាយថា ប្រជាជនខ្មែរ «បាននិយាយពីតន្ត្រីរបស់ លោក [ស៊ីសាមុត] ដែលនាំពួកគេនឹកឃើញគ្រាដែលសប្បាយរីករាយ នៅពេលដែលប្រទេសកម្ពុជាទទួលបានសន្តិភាពនិងភាពរុងរឿង»។សំបុត្រមានតម្លៃចាប់ពី ២៥ ដល់ ៥០ដុល្លារ ជាមួយនឹងការបញ្ចុះតម្លៃសម្រាប់សិស្សានុសិស្ស មនុស្សចាស់ និងសមាជិកសកម្មនៃយោធា ហើយមានលក់នៅលើអ៊ីនធឺណិត តាមរយៈគេហទំព័រlivermorearts.org ៕Independentnews.com/KhmerTimes
Post a Comment