ព្រះមហាក្សត្រ នរោត្តម សីហមុនី បានត្រាស់បង្គាប់តែងតាំងលោក ប្រាក់ សុភ័ណជាអភិបាលខេត្តសៀមរាបជំនួសលោក ទៀសីហាដែលត្រូវកាន់តំណែងជាឧបនាយករដ្ឋមន្ត្រីនិងជារដ្ឋមន្ត្រីក្រសួងការពារជាតិ ខណៈលោក សួន សុម៉ាលីន តែងតែជាអភិបាលខេត្តព្រៃវែងជំនួសលោក ជា សុមេធី ដែលត្រូវកាន់តំណែងជារដ្ឋមន្ត្រីក្រសួងសង្គមកិច្ចនិងតែងតាំងលោក ប៉េង ពោធិ៍សាជាអភិបាលខេត្តស្វាយរៀងជំនួសលោក ម៉ែន វិបុល ដែលបានផុតអាណត្តិ។ការត្រាស់បង្គាប់តែងតាំងនេះ បន្ទាប់ពីមានការស្នើសុំពីឯកឧត្តមនាយករដ្ឋមន្ត្រី ហ៊ុន ម៉ាណែត។
 |
| លោក សួន សុម៉ាលីន លោក ប៉េង ពោធិ៍សា និងលោក ប្រាក់ សោភ័ណ។ រូបភាព៖ កម្ពុជាថ្មី /Fresh News/Khmer Times |
ព្រះរាជក្រឹត្យរបស់ព្រះមហាក្សត្រ នរោត្តម សីហមុនី ធ្វើនៅថ្ងៃទី២៣ ខែសីហា បានត្រាស់បង្គាប់តែងតាំងលោក សួន សុម៉ាលីន ជាអភិបាលខេត្តព្រៃវែងជំនួសលោក ជា សុមេធី ដែលត្រូវកាន់តែជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាសម្រាប់អាណត្តិថ្មីនេះ។ លោក សួន សុម៉ាលីន ធ្លាប់ជាអភិបាលរងខេត្តព្រៃវែងនិងជាប្រធានក្លិបកីឡាបាល់ទាត់ខេត្តព្រៃវែង។លោក ប៉េង ពោធិ៍សា អភិបាលរងខេត្តស្វាយរៀងត្រូវបានព្រះមហាក្សត្រត្រាស់បង្គាប់តែងតាំងមុខតំណែងជាអភិបាលខេត្តស្វាយរៀងជំនួសលោក ម៉ែន វិបុល ដែលបានផុតអាណត្តិ។ លោក ប៉េង ពោធិ៍សា ត្រូវបានគេស្គាល់ថាជាកូនប្រុសរបស់លោកស្រី ម៉ែន សំអន ដែលជាអតីតរដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងបច្ចុប្បន្ននេះមានតួនាទីជាឧត្តមប្រឹក្សាផ្ទាល់ព្រះមហាក្សត្រ។លោក ប៉េង ពោធិ៍សា គឺជាបងប្រុសរបស់លោក ប៉េង ពោធិ៍នា ដែលត្រូវបានតែងតាំងជារដ្ឋមន្ត្រីក្រសួងសាធារណការនិងដឹកជញ្ជូនក្នុងរដ្ឋាភិបាលអាណត្តិទី៧នេះ។លោក ប្រាក់ សោភ័ណ ត្រូវបានព្រះមហាក្សត្រត្រាស់បង្គាប់តែងតាំងមុខតំណែងជាអភិបាលខេត្តសៀមរាបជំនួសលោក ទៀ សីហា ដែលត្រូវកាន់តំណែងជាឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិសម្រាប់អាណត្តិទី៧។លោក ប្រាក់ សោភ័ណ ត្រូវបានគេស្គាល់ថា ជាកូនប្រុសរបស់លោក ប្រាក់សុខុន អតីតឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស។ លោកបានក្លាយជាអភិបាលរងខេត្តនៅខែកុម្ភៈ ឆ្នាំ២០២២ ជំនួសលោក ង៉ាន់ ភិរុណ ដែលត្រូវផ្ទេរតួនាទីនិងតែងតាំងជាអគ្គារធិការដ្ឋាននៃក្រសួងមហាផ្ទៃ។ ជាមួយនឹងគ្នានោះ លោកក៏កាន់តួនាទីជាប្រធានសហភាពសហព័ន្ធយុវជនកម្ពុជាសម្រាប់ខេត្តសៀមរាបផងដែរ។លោក ប្រាក់ សោភ័ណ អភិបាលខេត្តសៀមរាប បានប្រាប់ខ្មែរថាមស៍ពីម្សិលមិញថា មុនមានព្រះរាជក្រឹត្យត្រាស់បង្គាប់តែងតាំងមុខតំណែងនេះដល់លោក គឺលោកបានចូលរួមបម្រើការក្នុងខេត្តនេះអស់រយៈពេល១២ឆ្នាំមកម៉្លេះ ហើយលោកពុំដែលគិតថាលោកនឹងក្លាយជាអភិបាលខេត្តនេះឡើយ។លោកបានរំលឹកថា កាលពីលោកត្រូវបានផ្ដល់តំណែងជាអភិបាលរងខេត្តសៀមរាប គឺលោកកាន់កិច្ចការងារកសិកម្មនិងកិច្ចការងារគ្រប់គ្រងគ្រោះមហន្តរាយ។ ក្រោយមកលោកត្រូវជួយលើកិច្ចការងារផ្សេងៗរបស់អភិបាលខេត្ត។លោកបង្ហាញពីសេចក្ដីស្រឡាញ់ចំពោះប្រជាពលរដ្ឋនៅក្នុងខេត្តសៀមរាប ហើយប្ដេជ្ញាចិត្តបន្តឆន្ទៈរបស់អតីតអភិបាលខេត្តសៀមរាប ដើម្បីការពារនិងថែរក្សាពលរដ្ឋក្នុងខេត្តសៀមរាប។លោកបាននិយាយថា លោកនឹងចាប់ផ្ដើមធ្វើការងារលើគ្រប់វិស័យក្នុងពេលតែមួយ ជាពិសេសផ្ដោតសំខាន់លើការលើកស្ទួយជីវភាពរបស់ប្រជាពលរដ្ឋ៕Khmer Times
/unnamed.png
Post a Comment