រុស្ស៊ី​ព​​ង្រឹង​កម្លាំង​នៅ​​ភា​គ​​ខាងលិច​ដើ​ម្បី​ដោះស្រាយ​ជា​មួយ​ណាតូ

 រដ្ឋមន្ត្រីការពារជាតិរុស្ស៊ីបាននិយាយថាខ្លួននឹងបង្កើនកងកម្លាំងនៅភាគខាងលិចនៃប្រទេសដើម្បីឆ្លើយតបទៅនឹងការគំរាមកំហែងពីអង្គការណាតូ បន្ទាប់ពីហ្វាំងឡង់បានចូលរួមជាមួយសម្ព័ន្ធមិត្ត។រដ្ឋមន្ត្រីការពារជាតិរុស្ស៊ី លោក Sergey Shoigu បាននិយាយកាលពីថ្ងៃទី៩ខែសីហាថា "សមូហភាពលោកខាងលិចកំពុងធ្វើសង្រ្គាមប្រឆាំងនឹងប្រទេសរុស្ស៊ី" ដោយចង្អុលបង្ហាញថាលោកខាងលិចបានផ្តល់"ការគាំទ្រដែលមិនធ្លាប់មានពីមុនមក"ដល់អ៊ុយក្រែនដោយផ្គត់ផ្គង់អាវុធរាប់សិបពាន់លានដុល្លារដើម្បីជួយគៀវប្រឆាំងនឹងទីក្រុងម៉ូស្គូ។

រដ្ឋមន្ត្រីការពារជាតិរុស្ស៊ី លោក Sergey Shoigu នៅទីក្រុងម៉ូស្គូ កាលពីថ្ងៃទី៣១ ខែកក្កដា។ រូបថត៖Reuters

រដ្ឋមន្ត្រីរុស្ស៊ីបានហៅការចូលជាសមាជិករបស់ហ្វាំងឡង់ទៅកាន់អង្គការណាតូនិងស៊ុយអែតដែលជិតចូលជាសមាជិកនៃប្លុកនេះថាជា "កត្តាអស្ថិរភាពធ្ងន់ធ្ងរ"។ លោក Shoiguព្យាករណ៍ថា កងកម្លាំងនិងសព្វាវុធសំខាន់ៗរបស់អង្គការណាតូ នឹងត្រូវដាក់ពង្រាយនៅក្នុងប្រទេសហ្វាំងឡង់ដែលជាប្រទេសជិតខាង ហើយនឹងអាចវាយប្រហារគោលដៅយ៉ាងជ្រៅនៅក្នុងតំបន់ភាគពាយ័ព្យនៃប្រទេសរុស្ស៊ី។លោក Shoigu បានបន្ថែមថា "យើងនឹងពិចារណាលើបញ្ហាដែលទាក់ទងនឹងការបង្កើតតំបន់យោធា LeningradនិងMoscowក៏ដូចជាការពង្រឹងក្រុមនៅតាមព្រំដែនភាគខាងលិច" Shoigu បានបន្ថែម។រដ្ឋមន្ត្រីការពារជាតិរុស្ស៊ីក៏បាននិយាយផងដែរថា ប្រទេសប៉ូឡូញបានប្រកាសពីចេតនារបស់ខ្លួនក្នុងការកសាងកងទ័ពដ៏មានឥទ្ធិពលបំផុតនៅលើទ្វីបហើយបានក្លាយទៅជា"ឧបករណ៍សំខាន់នៃគោលនយោបាយប្រឆាំងរុស្ស៊ីរបស់សហរដ្ឋអាមេរិក"។យោងតាមលោក Shoigu អង្គភាពយោធាណាតូមកពីខាងក្រៅតំបន់ដែលឈរជើងនៅអឺរ៉ុបខាងកើតបានកើនឡើង២.៥ដងចាប់តាំងពីខែកុម្ភៈឆ្នាំ២០២២ហើយឥឡូវនេះមានកងទ័ពសរុបចំនួន៣0,000 ។រដ្ឋមន្ត្រីការពារជាតិរុស្ស៊ីបាននិយាយថា "ការគំរាមកំហែងទាំងនេះទាមទារឱ្យមានការឆ្លើយតបទាន់ពេលវេលា និងពេញលេញ"។ហ្វាំងឡង់និងស៊ុយអែតបានដាក់ពាក្យចូលជាសមាជិកណាតូក្នុងខែឧសភាឆ្នាំ២០២២ដោយបញ្ចប់រយៈពេលជាច្រើនទសវត្សរ៍នៃគោលនយោបាយមិនចូលបក្សសម្ព័ន្ធ។ ប្រទេសហ្វាំងឡង់បានទទួលការគាំទ្រពីប្រទេសទាំង៣០នៃអង្គការណាតូ ហើយបានក្លាយជាសមាជិកនៃប្លុកនេះនៅក្នុងខែមេសាខណៈដែលស៊ុយអែតនៅតែរង់ចាំឱ្យតួកគីនិងហុងគ្រីផ្តល់សច្ចាប័ន៕ប្រភពReuters