ប៉ូឡូញ​​គ្រោ​​ង​​​នឹ​ង​​បញ្ជូន​ទា​​ហាន​​១​០.០០០​នា​ក់​បន្ថែ​ម​ទៀត​​​​ទៅ​ព្រំដែន​ជា​មួ​យ​​បេ​ឡារុ​ស

ប្រទេសប៉ូឡូញគ្រោងនឹងបញ្ជូនទាហាន១0,000បន្ថែមទៀតទៅកាន់ព្រំដែនជាមួយប្រទេសបេឡារុស្សដើម្បីជួយឆ្មាំព្រំដែនការពារការវាយប្រហារដែលអាចកើតមាន។

ប៉ូលីសនិងទាហានប៉ូឡូញតាមដានជនចំណាកស្រុកនៅព្រំដែនជាមួយបេឡារុស្ស ក្បែរភូមិ Kuznica ក្នុងខែវិច្ឆិកា ឆ្នាំ២០២១។ រូបថត៖Reuters

រដ្ឋមន្ត្រីការពារជាតិប៉ូឡូញ លោក Mariusz Blaszczak បាននិយាយកាលពីថ្ងៃទី១០ខែសីហាថា "ពួកគេ៤,000 នាក់នឹងគាំទ្រដោយផ្ទាល់ដល់ឆ្មាំព្រំដែន ហើយ៦,000 នាក់នឹងត្រូវដាក់ក្នុងបម្រុង" ។លោក Blaszczak បានបន្ថែមថា "យើងបានបញ្ជូនកងទ័ពទៅកាន់ព្រំដែនជាមួយប្រទេសបេឡារុស ដើម្បីបណ្តេញអ្នកវាយប្រហារចេញដើម្បីកុំឱ្យពួកគេហ៊ានវាយប្រហារប៉ូឡូញ" ។ការ​សម្រេច​ចិត្ត​នេះ​ធ្វើ​ឱ្យ​ចំនួន​ទាហាន​ប៉ូឡូញ​នៅ​តាម​ព្រំដែន​ជាមួយ​បេឡារុស​មាន​ចំនួន​ច្រើន​ជាង​ផែនការ​មុន​។ប្រទេសប៉ូឡូញបានដាក់ពង្រាយទាហានចំនួន២,000 នាក់នៅជិតព្រំដែនជាមួយប្រទេសបេឡារុស្ស។អនុរដ្ឋមន្ត្រីមហាផ្ទៃប្រទេសប៉ូឡូញ លោក Maciej Wasik កាលពីម្សិលមិញបាននិយាយថា កងទ័ពនឹងបន្ថែមទាហានចំនួន២,000 នាក់បន្ថែមទៀតទៅកាន់តំបន់នេះ ដើម្បីគាំទ្រដល់ឆ្មាំព្រំដែន។ប្រទេសប៉ូឡូញមានការព្រួយបារម្ភកាន់តែខ្លាំងឡើងអំពីព្រំដែនចាប់តាំងពីសមាជិកWagnerរាប់រយនាក់បានមកដល់ប្រទេសបេឡារុស្សកាលពីខែមុនតាមការអញ្ជើញរបស់ប្រធានាធិបតី Alexander Lukashenko។បេឡារុស្សបានបន្តធ្វើសមយុទ្ធយោធានៅជិតព្រំដែនក្នុងសប្តាហ៍នេះ ហើយប្រធានាធិបតី Lukashenko បាននិយាយម្តងហើយម្តងទៀតថាលោកកំពុងរារាំងសមាជិក Wagner ដែល"ចង់ចូលប្រទេសប៉ូឡូញ"។ប្រទេសប៉ូឡូញក៏បានឃើញការកើនឡើងនៃចំនួនជនចំណាកស្រុកដែលភាគច្រើនមកពីមជ្ឈិមបូព៌ានិងអាហ្រ្វិក ដែលព្យាយាមឆ្លងកាត់ព្រំដែនក្នុងប៉ុន្មានខែថ្មីៗនេះ។ប្រធានកងកម្លាំងព្រំដែនលោកTomasz Praga បាននិយាយនៅដើមសប្តាហ៍នេះថាមនុស្ស ១៩.000 នាក់បានព្យាយាមឆ្លងកាត់ព្រំដែនប៉ូឡូញ-បេឡារុស្សនៅឆ្នាំនេះ កើនឡើងពី ១៦.000 នាក់កាលពីឆ្នាំមុន។នាយករដ្ឋមន្ត្រីប៉ូឡូញ លោក MateuszMorawieckiមុននេះបានសម្តែងការព្រួយបារម្ភអំពីការឈរជើងរបស់ក្រុមយោធា Wagner នៅក្នុងប្រទេសបេឡារុស្ស។ លោកបាននិយាយថា ទាហាន Wagner អាចធ្វើជាឆ្មាំព្រំដែនបេឡារុស្ស ដើម្បីជួយមនុស្សដែលឆ្លងដែនខុសច្បាប់ចូលទៅក្នុងប្រទេសប៉ូឡូញ ឬលាយឡំជាមួយនឹងលំហូរជនចំណាកស្រុកចូលប្រទេស។សហភាពអឺរ៉ុប (EU)ក្នុងឆ្នាំ២០២១បានចោទប្រកាន់ប្រទេសបេឡារុស្សថាបានបង្កវិបត្តិជនចំណាកស្រុកនៅតាមព្រំដែនដោយសម្របសម្រួលជនចំណាកស្រុករាប់ពាន់នាក់ពីមជ្ឈិមបូព៌ា អាហ្វ្រិក និងអាស៊ី ទៅកាន់ប្រទេសប៉ូឡូញ ដើម្បីចូលទៅក្នុងប្លុកនេះ។បេឡារុស្សបដិសេធរឿងនេះ។ ទីក្រុង Minsk ក៏បានចោទប្រកាន់ប៉ូឡូញពីបទលាក់ទុក"ជននិរទេសដែលត្រូវបានបណ្តុះបណ្តាលសម្រាប់ការបះបោរ"៕ប្រភពReuters