ជន​ជា​​តិ​ជប៉ុន​២នា​ក់​ត្រូវ​​បាននិរទេ​ស​ចេញ​ពី​ក​ម្ពុជា​

 នគរបាល​បាន​ចាប់ខ្លួន​បុរស​ជនជាតិ​ជប៉ុន២នាក់​កាលពី​ថ្ងៃ​ពុធ​ជុំវិញ​ការ​ចោទប្រកាន់​នឹងបទ​ជាប់​ពាក់ព័ន្ធ​​ការ​ក្លែងបន្លំ​នៅ​ប្រទេស​កម្ពុជា​បន្ទាប់​ពី​ពួកគេត្រូវបានបញ្ជូនត្រឡប់ទៅប្រទេសជប៉ុនវិញ​។ជនសង្ស័យឈ្មោះ Shigeru Sato អាយុ ៥៥ ឆ្នាំ និង Hiroki Ito អាយុ៤៨ ឆ្នាំត្រូវបានចាប់ខ្លួនពីបទក្លែងបន្លំពេលជិះយន្តហោះឆ្ពោះទៅអាកាសយានដ្ឋាន Haneda ទីក្រុងតូក្យូ ដែលបានចុះចតនៅម៉ោងប្រហែល ៦ព្រឹក។

Shigeru Sato (កណ្តាល)ត្រូវបាននិរទេសចេញពីប្រទេសកម្ពុជា ហើយត្រូវបានចាប់ខ្លួនពីបទក្លែងបន្លំពេលកំពុងជិះយន្តហោះទៅកាន់ទីក្រុងតូក្យូកាលពីថ្ងៃទី១៦ខែសីហា។Kyodo News/Khmer Times

ប្រភពស៊ើបអង្កេតនិងអ្នកដែលដឹងពីរឿងនេះបាននិយាយថា អ្នកទាំង២គឺជាមនុស្សចុងក្រោយក្នុងចំណោមក្រុមជនជាតិជប៉ុន៧ នាក់ដែលត្រូវបានឃុំខ្លួនពាក់ព័ន្ធនឹងការក្លែងបន្លំ។ អ្នក​ទាំងនោះ​បាន​ត្រឡប់​មក​ប្រទេស​ជប៉ុន​វិញ ហើយ​ត្រូវ​បាន​នគរបាល​ជប៉ុន​សាកសួរ។ប្រភពស៊ើបអង្កេតបានបន្ថែមថាអ្នកទាំង២ត្រូវបានគេសង្ស័យថាបានបោកប្រាស់ប្រជាពលរដ្ឋម្នាក់រស់នៅខេត្តSaga ភាគនិរតីប្រទេសជប៉ុន។ការចាប់ខ្លួនអ្នកទាំង២នេះធ្វើឡើងចំពេលដែលមានជនជាតិជប៉ុនជាច្រើននៅបរទេសបានប្រព្រឹត្តបទឧក្រិដ្ឋនៅក្នុងប្រទេសកំណើតរបស់ពួកគេ។ក្នុងចំណោមនោះ មានសំណុំរឿងឧក្រិដ្ឋកម្ម “Luffy” ដ៏ល្បីមួយ ដែលជនជាតិជប៉ុន ៤នាក់ ត្រូវបាននិរទេសចេញពីប្រទេសហ្វីលីពីន កាលពីខែកុម្ភៈពាក់ព័ន្ធនឹងករណីប្លន់ដែលត្រូវបានរៀបចំឡើងនៅទូទាំងប្រទេសជប៉ុន។ ជនសង្ស័យបានហៅខ្លួនឯងថា Luffy ដែលនេះជាឈ្មោះតួអង្គគំនូរជីវចលដ៏ពេញនិយមមួយ៕The MainichiShigeru Sato (កណ្តាល)ត្រូវបាននិរទេសចេញពីប្រទេសកម្ពុជា ហើយត្រូវបានចាប់ខ្លួនពីបទក្លែងបន្លំពេលកំពុងជិះយន្តហោះទៅកាន់ទីក្រុងតូក្យូកាលពីថ្ងៃទី១៦ខែសីហា។Kyodo News/Khmer Times