ជប៉ុន​ចា​ប់​ខ្លួន​ជន​ស​ង្ស័យ​ឆបោក​​២​នាក់និងបាន​​និរទេសចេញ​ពី​​ក​ម្ពុជា

 នគរបាល​បាន​ចាប់ខ្លួន​បុរស​ជនជាតិ​ជប៉ុន​២នាក់​កាលពី​ថ្ងៃ​ពុធ​ជុំវិញ​ការ​ចោទប្រកាន់​ថា​ពួកគេ​ជាប់​ពាក់ព័ន្ធ​នឹង​ក្រុមឆបោក​នៅក្នុង​ប្រទេស​កម្ពុជា​បន្ទាប់​ពី​ការ​និរទេស​ចេញ​ពី​កម្ពុជា​។ជនសង្ស័យឈ្មោះ Shigeru Sato អាយុ៥៥ ឆ្នាំ និង Hiroki Ito អាយុ៤៨ឆ្នាំ ត្រូវបានចាប់ខ្លួនពីបទឆបោកខណៈជិះយន្តហោះឆ្ពោះទៅអាកាសយានដ្ឋាន Haneda ទីក្រុងតូក្យូ ដែលបានចុះចតនៅម៉ោងប្រហែល ៦ព្រឹក។

TimesHiroki Ito (កណ្តាល)ដែលត្រូវបានចាប់ខ្លួនកាលពីថ្ងៃពុធ រួមជាមួយនឹង ShigeruSatoអាយុ៥៥ឆ្នាំជុំវិញការជាប់ពាក់ព័ន្ធក្នុងក្រុមឆបោកដែលមានមូលដ្ឋាននៅប្រទេសកម្ពុជាបានមកដល់អាកាសយានដ្ឋាន Haneda នៅថ្ងៃព្រហស្បតិ៍បន្ទាប់ពីការនិរទេសពីប្រទេសកម្ពុជា។ KYODO

ប្រភពស៊ើបអង្កេត និងអ្នកដែលដឹងពីរឿងនេះបាននិយាយថា អ្នកទាំងពីរគឺជាមនុស្សចុងក្រោយក្នុងចំណោមក្រុមជនជាតិជប៉ុន៧នាក់ដែលត្រូវបានឃុំខ្លួន ពាក់ព័ន្ធនឹងក្រុមឆបោក។ ក្រៅពីនោះ ត្រូវបានបញ្ជូនខ្លួនដល់​ប្រទេស​ជប៉ុនរួច​ហើយនិង​ត្រូវ​បាន​នគរបាល​ជប៉ុនធ្វើការ​សាកសួរ។ប្រភព​ស៊ើប​អង្កេត​បាន​និយាយ​ថា អ្នក​ទាំង​២ត្រូវ​បាន​គេ​សង្ស័យ​ថា​បាន​ឆបោក​អ្នក​ស្រុក​នៅ​ខេត្ត Saga ។ការចាប់ខ្លួនអ្នកទាំង២នេះ ធ្វើឡើងចំពេលមានករណីជាច្រើនកើតឡើងលើជនជាតិជប៉ុន ដែលប្រើប្រាស់មូលដ្ឋាននៅក្រៅប្រទេសដើម្បីប្រព្រឹត្តបទឧក្រិដ្ឋនៅក្នុងប្រទេសកំណើតរបស់ពួកគេ។ក្នុងចំណោមនោះ មានសំណុំរឿងឧក្រិដ្ឋកម្ម “Luffy” ដ៏ល្បីមួយដែលជនជាតិជប៉ុន៤នាក់ត្រូវបាននិរទេសចេញពីប្រទេសហ្វីលីពីន កាលពីខែកុម្ភៈពាក់ព័ន្ធនឹងករណីប្លន់មួយចំនួនដែលរៀបចំនៅទូទាំងប្រទេសជប៉ុន។ជនសង្ស័យបានហៅខ្លួនឯងថា Luffy ដូចតួអង្គគំនូរជីវចលដ៏ពេញនិយមមួយ៕ Kyodo/Khmer