យោធាចិ​​នព្រមានមន្ត្រី"ដើរលេ​ងជា​មួយមិ​ត្តខុស"

យោធាចិនអំពាវនាវឱ្យមេដឹកនាំត្រូវប្រុងប្រយ័ត្នចំពោះមនុស្សដែលខ្លួនសេពគប់ព្រោះការសេពគប់ជាមួយមនុស្សមិនសមរម្យគឺជាហេតុផលចម្បងដែលនាំឱ្យមន្ត្រីមួយចំនួន«ធ្លាក់ពីគុណធម៌»។មេដឹកនាំយោធាចិនគួរតែ"បន្សុទ្ធ" បណ្តាញទំនាក់ទំនងរបស់ពួកគេដែលជាការអត្ថាធិប្បាយមួយដែលត្រូវបានចេញផ្សាយនាពេលថ្មីៗនេះនៅក្នុង PLA Daily ដែលជាកាសែតផ្លូវការរបស់កងទ័ពរំដោះប្រជាជនចិនបាននិយាយថា។

ទាហាន​ចិន​ម្នាក់​អំឡុង​ពេល​ធ្វើ​សមយុទ្ធ​នៅ​ប្រទេស​Kyrgyzstanក្នុង​ឆ្នាំ ២០១៦ (រូបថត៖ Getty)។

ការអត្ថាធិប្បាយនេះបាននិយាយថា"មធ្យោបាយដ៏មានប្រសិទ្ធភាពបំផុតក្នុងការនៅឱ្យឆ្ងាយពីគ្រោះថ្នាក់ និងការល្បួងគឺធ្វើ "ការដាក់ឱ្យនៅដាច់ពីគេ" ដោយយោងទៅក្រមសីលធម៌សម្រាប់អន្តរកម្មសង្គមរបស់កម្មាភិបាលដែលចេញដោយគណៈកម្មាធិការយោធាមជ្ឈិម។អ្នក​និពន្ធ​បទ​អត្ថាធិប្បាយ​បាន​សរសេរ​ថា ព្រឹត្តិការណ៍ ឬ​ការ​ណាត់​អាហារ​ណា​ដែល​មិន​សំខាន់​គួរ​ចៀសវាង។អត្ថបទ​នោះ​បាន​រំលឹក​ថា​៖ «​សម្រាប់​អ្នក​ដឹកនាំ អ្នក​កាន់​តែ​យក​ចិត្ត​ទុក​ដាក់ អ្នក​ត្រូវ​តែ​ប្រុង​ប្រយ័ត្ន អ្នក​ដទៃ​កាន់​តែ​គោរព​អ្នក នោះ​អ្នក​ត្រូវ​តែ​មាន​ការ​គោរព​កាន់​តែ​ខ្លាំង»។ "ការប្រាស្រ័យទាក់ទងដោយមិនយកចិត្តទុកដាក់គឺជាហេតុផលចម្បងដែលធ្វើអោយកម្មាភិបាលមួយចំនួនធ្លាក់ចុះ"។ក្រមសីលធម៌ដែលណែនាំដោយគណៈកម្មាការយោធាមជ្ឈិមរបស់ចិនក្នុងខែមិថុនា អនុវត្តចំពោះទាំងមន្ត្រីយោធាបច្ចុប្បន្ន និងចូលនិវត្តន៍។អាស្រ័យហេតុនេះ ក្រមសីលធម៌ផ្តល់នូវតម្រូវការ និងបទប្បញ្ញត្តិជាក់លាក់សម្រាប់ឥរិយាបថសង្គមរបស់មន្ត្រីយោធាក្នុងទិដ្ឋភាពជាច្រើន ដូចជាការប្រាស្រ័យទាក់ទងជាមួយភ្នាក់ងាររដ្ឋាភិបាល អង្គការគណបក្សក្នុងស្រុក ជាមួយមិត្តរួមក្រុម អង្គការសាធារណៈ អង្គការសង្គម ប្រព័ន្ធផ្សព្វផ្សាយ ជនជាតិភាគតិច អង្គការសាសនា អង្គការអន្តរជាតិ សង្គម៕ប្រភព Bloomberg, PLA Daily