Elon Mus​kបាន​​បញ្ជាក់​ថា​​នឹង​​រា​រាំង​អ៊ុយក្រែន​មិ​​ន​ឱ្យ​វាយ​ប្រ​ហា​រ​​ឧបទ្វីប​គ្រី​មៀ

មហាសេដ្ឋីMuskបាននិយាយថាលោកបានបដិសេធសំណើសុំផ្តល់ការតភ្ជាប់ផ្កាយរណបStarlinkទៅកាន់Sevastopolដោយរារាំងអ៊ុយក្រែនពីការវាយឆ្មក់កងនាវារុស្ស៊ីនៅគ្រីមៀកាលពីឆ្នាំមុន។មហាសេដ្ឋី Elon Musk កាលពីថ្ងៃទី៧ខែកញ្ញា បានបង្ហោះនៅលើបណ្តាញសង្គម X ដោយសំអាងលើទីក្រុងកំពង់ផែនេះថា"ទីភ្នាក់ងាររដ្ឋាភិបាលអ៊ុយក្រែនស្នើសុំជាបន្ទាន់ដើម្បីធ្វើឱ្យការតភ្ជាប់ Starlink រហូតដល់ Sevastopol ។ ឧបទ្វីបគ្រីមៀ ជាកន្លែងដែលកងនាវាចរសមុទ្រខ្មៅរបស់រុស្ស៊ីឈរជើង។

មហាសេដ្ឋីElon Musk ក្នុង​ព្រឹត្តិការណ៍​មួយ​ក្នុង​ទីក្រុង​ប៉ារីស ប្រទេស​បារាំង កាល​ពី​ថ្ងៃ​ទី​១៦ ខែ​មិថុនា។ រូបថត៖Reuters

Musk បានពន្យល់ថា "ប្រសិនបើខ្ញុំយល់ព្រមតាមសំណើរបស់ពួកគេ SpaceX នឹងចូលរួមយ៉ាងច្បាស់លាស់ក្នុងការប្រព្រឹត្តដែលបង្កើនអរិភាព និងជម្លោះ" ។ ក្រុមហ៊ុន SpaceX ដែលជាក្រុមហ៊ុនបង្កើត និងដឹកនាំដោយមហាសេដ្ឋី Muskគឺជាអ្នកផ្តល់សេវាអ៊ីនធឺណិតផ្កាយរណប Starlink ។ការអត្ថាធិប្បាយនេះ ត្រូវបានធ្វើឡើងដោយមហាសេដ្ឋីអាមេរិក បន្ទាប់ពីប្រព័ន្ធផ្សព្វផ្សាយរបស់ប្រទេសនេះបានចុះផ្សាយអត្ថបទដកស្រង់ពីជីវប្រវត្តិរបស់ Elon Musk ដែលសរសេរដោយ Walter Isaacson។ នៅក្នុងការដកស្រង់នេះ អ្នកនិពន្ធ Isaacson បាននិយាយថា "យោធាអ៊ុយក្រែននៅខែកញ្ញាឆ្នាំ២០២២បានព្យាយាមបើកការវាយឆ្មក់ដោយសម្ងាត់ប្រឆាំងនឹងកងនាវារុស្ស៊ីដែលឈរជើងនៅ Sevastopol, Crimea"។បន្ទាប់មកកងកម្លាំងអ៊ុយក្រែនមានបំណងប្រើប្រាស់នាវាមុជទឹកគ្មានមនុស្សបើកចំនួន៦គ្រឿងដែលផ្ទុកដោយគ្រឿងផ្ទុះក្នុងការវាយប្រហារលើមូលដ្ឋានកងនាវាចរសមុទ្រខ្មៅក្នុងទីក្រុង Sevastopol ។ ពួកគេប្រើការភ្ជាប់ផ្កាយរណប Starlink ដើម្បីរុករកទៅកាន់គោលដៅ។យោងតាមអ្នកនិពន្ធ Isaacson មហាសេដ្ឋី Musk "បានសុំឱ្យវិស្វករដោយសម្ងាត់ឱ្យបិទការគ្របដណ្តប់ក្នុងចម្ងាយ១00 គីឡូម៉ែត្រនៃឆ្នេរសមុទ្រ Crimean" ។ លោក Isaacson បានសរសេរថា "ជាលទ្ធផល នៅពេលដែលនាវាមុជទឹកគ្មានមនុស្សបើករបស់អ៊ុយក្រែន ចូលទៅជិតទីតាំងរបស់កងនាវារុស្ស៊ីនៅ Sevastopol ពួកគេបានបាត់បង់ការតភ្ជាប់និងបានរសាត់ទៅឆ្នេរសមុទ្រ"។យ៉ាង​ណា​មិញ ក្នុង​ការ​បង្ហោះ​លើ​បណ្ដាញ​សង្គម។មហាសេដ្ឋី Musk ក៏បានអំពាវនាវឱ្យមានបទឈប់បាញ់ក្នុងជម្លោះរុស្ស៊ី-អ៊ុយក្រែន។ លោក Musk បាននិយាយថា"ភាគីទាំង២គួរតែយល់ព្រមលើបទឈប់បាញ់មួយ។ ជារៀងរាល់ថ្ងៃដែលកន្លងផុតទៅយុវជនរុស្ស៊ីនិងអ៊ុយក្រែនកាន់តែច្រើនបានស្លាប់។ នេះមិនមានតម្លៃទេ" ។ទន្ទឹមនឹងនេះ អនុប្រធានក្រុមប្រឹក្សាសន្តិសុខនៃសហព័ន្ធរុស្ស៊ី លោក Dmitry Medvedev បានអត្ថាធិប្បាយថា "ប្រសិនបើអ្វីដែល Isaacson បានសរសេរនៅក្នុងសៀវភៅរបស់គាត់គឺជាការពិត ប្រហែលជាលោក Musk គឺជាមនុស្សមានប្រាជ្ញាចុងក្រោយនៅអាមេរិកខាងជើង"។SpaceX នៅខែមីនាឆ្នាំ២០២២បានធ្វើឱ្យសកម្មសេវាអ៊ីនធឺណិតតាមផ្កាយរណប Starlink ហើយបានបញ្ជូនឧបករណ៍ប្រហែល២0,000 ទៅអ៊ុយក្រែន។ Musk បាននិយាយថាប្រទេសរុស្ស៊ីបានព្យាយាមរារាំង Starlink។ប៉ុន្តែ SpaceXបានឆ្លើយតបជាមួយនឹងការធ្វើឱ្យប្រសើរ។ក្នុងអំឡុងសន្និសីទមួយកាលពីថ្ងៃទី៨ខែកុម្ភៈ នៅទីក្រុង Washington, DC ប្រធាន និងជានាយកប្រតិបត្តិក្រុមហ៊ុន SpaceX លោក Gwynne Shotwell បាននិយាយថាក្រុមហ៊ុនបានចាត់វិធានការមួយចំនួនដើម្បីការពារយោធាអ៊ុយក្រែនពីការប្រើប្រាស់ការតភ្ជាប់ផ្កាយរណប Starlink ដើម្បីវាយប្រហារកងកម្លាំងរុស្ស៊ីរួមទាំងការវាយឆ្មក់របស់យន្តហោះគ្មានមនុស្សបើក (UAV)អ្នកស្រី Shotwell មិនបានបង្ហាញពីវិធានការអនុវត្តដោយ SpaceX ទេ ។ប៉ុន្តែបានបញ្ជាក់ថា ក្រុមហ៊ុនអាចប្រើប្រាស់ដំណោះស្រាយផ្សេងទៀត។ អ្នកស្រី Shotwell បាននិយាយថា "យើងដឹងថា យោធាអ៊ុយក្រែន ប្រើប្រាស់សេវាកម្មទំនាក់ទំនង វាមិនអីទេ។ ទោះបីជាយ៉ាងណាក៏ដោយ យើងមិនដែលចង់ឱ្យពួកគេ ប្រើប្រាស់សេវាកម្មនេះ ដើម្បីវាយប្រហារសត្រូវនោះទេ"៕ប្រភពAFP