តួក​គីព្រ​មានពី'ដើរតាមផ្លូវដាច់​ដោយឡែក'ជា​មួយEU

 ប្រធានាធិបតីErdoganបានរិះគន់របាយការណ៍របស់សហភាពអឺរ៉ុបស្តីពីតួកគីចូលរួមក្នុងសម្ព័ន្ធមិត្តដោយព្រមានថាទីក្រុងអង់ការ៉ាអាច "ទៅផ្លូវដាច់ដោយឡែក"ជាមួយទីក្រុងព្រុចសែល។ប្រធានាធិបតីតួកគីលោក Tayyip Erdogan បាននិយាយនៅក្នុងទីក្រុងអ៊ីស្តង់ប៊ុលកាលពីថ្ងៃទី ១៦ ខែកញ្ញាថា"សហភាពអឺរ៉ុប(EU)កំពុងព្យាយាមដកខ្លួនចេញពីតួកគី" ។ "យើងនឹងវាយតម្លៃការវិវឌ្ឍន៍ទាំងនេះ។ ហើយប្រសិនបើចាំបាច់ យើងអាចទៅផ្លូវដាច់ដោយឡែករបស់យើងជាមួយ EU"។

ប្រធានាធិបតីErdogan។AFP

លោក Erdogan បានធ្វើអត្ថាធិប្បាយបន្ទាប់ពីសភាអឺរ៉ុប (EP) នៅថ្ងៃទី១៣ខែកញ្ញាបានអនុម័តរបាយការណ៍មួយទាក់ទងនឹងការចូលជាសមាជិកសហភាពអឺរ៉ុបរបស់តួកគី។ យោងតាមរបាយការណ៍ ដំណើរការចូលប្រទេសតួកគីមិនអាចបន្តឡើងវិញបានទេក្នុងបរិបទបច្ចុប្បន្ន ហើយសហភាពអឺរ៉ុបត្រូវសិក្សា"ក្របខណ្ឌភាពជាក់ស្តែងស្របគ្នា" សម្រាប់ទំនាក់ទំនងទីក្រុងប្រ៊ុចសែល-អង់ការ៉ា។ក្រសួងការបរទេសតួកគី បាននិយាយពីមុនថា របាយការណ៍របស់ EP មានការចោទប្រកាន់គ្មានមូលដ្ឋាននិងមានការរើសអើង ដោយអនុវត្តវិធីសាស្រ្ត "មើលងាយ" ចំពោះទំនាក់ទំនងរវាងភាគីទាំង២។តួកគីបានដាក់ពាក្យសុំចូលជាសមាជិកសហភាពអឺរ៉ុបជាលើកដំបូងក្នុងឆ្នាំ១៩៨៧។ ការចរចាស្តីពីសមាជិកភាពរបស់ប្រទេសតួកគីបានចាប់ផ្តើមនៅឆ្នាំ២00៥ នៅពេលដែលលោក Erdogan ជានាយករដ្ឋមន្ត្រី ។ប៉ុន្តែមានការរីកចម្រើនតិចតួច។បន្ទាប់ពីដំណើរការចរចារបានជាប់គាំង ទំនាក់ទំនងរវាងភាគីទាំង២កាន់តែយ៉ាប់យ៉ឺនជាលំដាប់ ជាពិសេសចាប់តាំងពីការធ្វើរដ្ឋប្រហារបរាជ័យដោយកងទ័ពតួកគីក្នុងឆ្នាំ ២០១៦។ ទំនាក់ទំនងរវាងទីក្រុងអង់ការ៉ា - ព្រុចសែល មានភាពប្រសើរឡើងបន្តិចម្តងៗខណៈដែលសហភាពអឺរ៉ុបពឹងផ្អែកកាន់តែខ្លាំងលើតួកគីក្នុងការឆ្លើយតបទៅនឹងវិបត្តិជនអន្តោប្រវេសន៍។ប្រធានាធិបតី Erdogan បាននិយាយកាលពីថ្ងៃទី១០ ខែកក្កដាថា EU គួរតែបើកផ្លូវដើម្បីបន្តការចរចាឡើងវិញ បន្ទាប់ពីតួកគី "បានផ្តល់ភ្លើងខៀវ" ដើម្បីគាំទ្រស៊ុយអែតឱ្យចូលរួមជាមួយណាតូ។ អ្នកនាំពាក្យគណៈកម្មាធិការអឺរ៉ុប លោក Dana Spinant បាននិយាយនៅពេលនោះថា ការពង្រីកណាតូ និងសហភាពអឺរ៉ុប គឺជា "បញ្ហាផ្សេងគ្នា"ហើយថាដំណើរការទាំង២មិនអាចភ្ជាប់គ្នាបានទេ៕ប្រភពReuters, Politico