មេដឹកនាំKim Jong-unនិងកូនស្រីរបស់លោកបានទស្សនាការដង្ហែរក្បួនយោធានៅទីក្រុងព្យុងយ៉ាងនៃកងជីវពលការពារដើម្បីអបអរសាទរទិវាជាតិរបស់ប្រទេសកូរ៉េខាងជើង។ប្រទេសកូរ៉េខាងជើងកាលពីថ្ងៃទី៨ ខែកញ្ញា បានធ្វើព្យុហយាត្រាយោធានៅទីលាន Kim Il Sung ក្នុងរដ្ឋធានីព្យុងយ៉ាង ដើម្បីប្រារព្ធខួបលើកទី៧៥នៃឯករាជ្យភាពរបស់ខ្លួន។ព្រឹត្តិការណ៍នេះបានចល័តកងកម្លាំងជីវពល និងប្រព័ន្ធរ៉ុក្កែតបាញ់បង្ហោះជាច្រើនដែលទុកនៅក្នុងរថយន្តដោយអង្គភាពយោធានិងអាវុធទំនើបៗដូចជាមីស៊ីលផ្លោងនិងរថក្រោះជាដើម។
 |
| មេដឹកនាំKim Jong-unនិងកូនស្រីរបស់លោក Ju-ae ក្នុងពេលធ្វើព្យុហយាត្រាយោធាក្នុងក្រុងព្យុងយ៉ាងកាលពីយប់ថ្ងៃទី៨ ខែកញ្ញា។ រូបថត៖ KCNA |
មេដឹកនាំកូរ៉េខាងជើង លោកKim Jong-unនិងកូនស្រីលោក Kim Ju-ae បានទស្សនាព្រឹត្តិការណ៍នេះពីកន្លែងឈរហ៊ុំព័ទ្ធដោយឧត្តមសេនីយ៍យោធា និងមន្ត្រីរដ្ឋាភិបាលជាច្រើន។ ក្រៅពីក្បួនដង្ហែកងជីវពល កូរ៉េខាងជើងក៏បានធ្វើការបាញ់កាំជ្រួចដើម្បីអបអរទិវាជាតិរបស់ខ្លួននៅថ្ងៃទី៩ ខែកញ្ញា។ទីភ្នាក់ងារសារព័ត៌មានកណ្តាលរបស់កូរ៉េខាងជើង KCNA បាននិយាយថា លោកKim Jong-un បន្ទាប់មកបានជួបពិភាក្សាជាមួយអនុនាយករដ្ឋមន្ត្រីចិនលោក Liu Guozhongដែលកំពុងដឹកនាំគណៈប្រតិភូជាន់ខ្ពស់ទីក្រុងប៉េកាំងទៅបំពេញទស្សនកិច្ចនៅទីក្រុងព្យុងយ៉ាង។នៅថ្ងៃទី៥ខែកញ្ញា ក្រសួងបង្រួបបង្រួមកូរ៉េខាងត្បូងបានចេញផ្សាយទិន្នន័យដែលបង្ហាញថា RodongSinmunដែលជាមុខមាត់របស់គណបក្សពលករកូរ៉េបានរាយការណ៍អំពីព្រឹត្តិការណ៍សាធារណៈចំនួន១៥ដែលចូលរួមដោយ Kim Ju-ae ក្មេងស្រីនេះគឺជាកូនទី២របស់មេដឹកនាំកូរ៉េខាងជើងដែលត្រូវបានគេជឿថាកើតនៅឆ្នាំ២០១២ ឬ២០១៣។មន្ត្រីជាន់ខ្ពស់កូរ៉េជឿថាវានៅតែលឿនពេកក្នុងការវាយតម្លៃតួនាទីនាពេលអនាគតរបស់ Ju-ae ។ប៉ុន្តែការបង្ហាញខ្លួនរបស់នាងហាក់ដូចជាបង្ហាញពីសារមួយផ្នែកអំពីអ្នកស្នងតំណែងនាពេលអនាគតរបស់លោក Kim ។ មន្ត្រីរូបនេះបានអត្ថាធិប្បាយថា កូរ៉េខាងជើងបានបង្កើតស្តង់ដារពិធីការជាពិសេសសម្រាប់ Ju-ae ។ក្រសួងបង្រួបបង្រួមកូរ៉េខាងត្បូងបានវិភាគបន្ថែមទៀតថា Ju-ae បានចូលរួមព្រឹត្តិការណ៍ទាក់ទងនឹងយោធានៅក្នុងប្រទេសកូរ៉េខាងជើងចំនួន ១២ដង ដែលស្មើនឹង៨០% នៃព្រឹត្តិការណ៍ដែលនាងបានបង្ហាញខ្លួន ចាប់តាំងពីពេលដែលនាងនិងឪពុករបស់នាងបានត្រួតពិនិត្យកន្លែងបាញ់មីស៊ីល Hwasong- 17នៅពាក់កណ្តាលខែវិច្ឆិកា ឆ្នាំ២០២២។ ក្មេងស្រីរូបនេះបានចូលរួមព្រឹត្តិការណ៍សេដ្ឋកិច្ច និងសង្គមត្រឹមតែ៣ដងប៉ុណ្ណោះរួមទាំងព្រឹត្តិការណ៍កីឡាចំនួន២និងពិធីបើកការដ្ឋានសាងសង់ផ្លូវថ្មីនៅតំបន់ Sopho ទីក្រុងព្យុងយ៉ាង។ក្រសួងបង្រួបបង្រួមរបស់កូរ៉េខាងត្បូងបាននិយាយថា "Ju-aeភាគច្រើនចូលរួមនៅក្នុងព្រឹត្តិការណ៍ដែលផ្តោតលើសមិទ្ធផលយោធា និងសេដ្ឋកិច្ចជំរុញភាពស្មោះត្រង់ពីយោធា"៕ប្រភព KCNA,Reuters
 |
| កាំភ្លើងធំគ្រាប់រ៉ុក្កែតទុកក្នុងរថយន្តរបស់កងជីវពលកូរ៉េខាងជើងក្នុងការដង្ហែក្បួនយោធាកាលពីយប់ថ្ងៃទី៨ខែកញ្ញា។ រូបថត៖ KCNA |
/unnamed.png
Post a Comment