ប្រេស៊ី​ល​​បា​​ននិយាយថាលោ​កPutinនឹ​ងមិន​ត្រូវបា​នចាប់ខ្លួនទេ​ប្រសិ​ន​បើគា​ត់ចូលរួម​G20នៅ​ឆ្នាំ២០​​២៤

ប្រធានាធិបតីប្រេស៊ីល លោក Luiz Inacio Lula da Silva បានបញ្ជាក់ថា លោកPutinនឹងមិនត្រូវបានគេចាប់ខ្លួនក្រោមការបញ្ជារបស់ICC ប្រសិនបើលោកចូលរួមកិច្ចប្រជុំកំពូលនៅទីក្រុង Rio de Janeiro នៅឆ្នាំក្រោយ។នៅក្នុងបទសម្ភាសន៍មួយនៅខាងក្រៅកិច្ចប្រជុំកំពូល G20 នៅទីក្រុងដេលី ប្រទេសឥណ្ឌាកាលពីថ្ងៃទី៩ខែកញ្ញា ប្រធានាធិបតីប្រេស៊ីល Lula បាននិយាយថា ប្រធានាធិបតីរុស្ស៊ីលោក Vladimir Putin នឹងត្រូវបានអញ្ជើញឱ្យចូលរួមក្នុងព្រឹត្តិការណ៍ឆ្នាំក្រោយនៅទីក្រុង Rio de Janeiro ។ លោក​ផ្ទាល់​ក៏​មាន​គម្រោង​ទៅ​ចូលរួម​សន្និសីទ BRICS ដែល​គ្រោង​នឹង​ធ្វើ​នៅ​រុស្ស៊ី​ឆ្នាំ​ក្រោយ។

 ប្រធានាធិបតីប្រេស៊ីល Luiz Inacio Lula da Silva នៅរដ្ឋធានី Brasilia កាលពីថ្ងៃទី៧ខែកញ្ញា។ រូបថត៖ AFP

លោក​ប្រធានាធិបតី Lula បាន​និយាយ​ថា​៖ «​ខ្ញុំ​ជឿ​ថា​លោក​Putinអាច​ទៅ​ប្រទេស​ប្រេស៊ីល​បាន​យ៉ាង​ងាយ។ អ្វី​ដែល​ខ្ញុំ​អាច​ប្រាប់​អ្នក​រាល់​គ្នា​បាន​គឺ​ថា ពេល​ខ្ញុំ​ក្លាយ​ជា​ប្រធានាធិបតី​ប្រេស៊ីល ប្រធានាធិបតី​រុស្ស៊ី​នឹង​មិន​អាច​ត្រូវ​គេ​ចាប់​ខ្លួន​បាន​ទេ ប្រសិន​បើ​គាត់​មក​ប្រទេស​យើង»។G20 គឺជាក្រុមដែលមានសេដ្ឋកិច្ចឈានមុខគេចំនួន២០នៅលើពិភពលោក ដែលស្មើនឹងជាង៩០% នៃទំហំសេដ្ឋកិច្ចពិភពលោកសរុប។ កិច្ចប្រជុំកំពូល G20 គឺជាកន្លែងដែលមេដឹកនាំពិភាក្សាអំពីបញ្ហាសេដ្ឋកិច្ចសំខាន់ៗ ជំរុញគោលនយោបាយទាក់ទងនឹងស្ថិរភាពស្ថានភាពហិរញ្ញវត្ថុអន្តរជាតិ ក៏ដូចជាការតម្រង់ទិសការអភិវឌ្ឍន៍សេដ្ឋកិច្ចពិភពលោក។ ប្រទេសប្រេស៊ីលគឺជាប្រធាន G20 ក្នុងឆ្នាំ២០២៤ ។តុលាការឧក្រិដ្ឋកម្មអន្តរជាតិ (ICC) កាលពីខែមីនា បានចេញដីកាចាប់ខ្លួនលោកប្រធានាធិបតីPutinក្រោមបទចោទប្រកាន់ «ការដកយកចេញដោយខុសច្បាប់» លើកុមារអ៊ុយក្រែន។ យោងតាមលក្ខន្តិកៈទីក្រុងរ៉ូម ប្រទេសសមាជិកទាំង១២៣របស់ ICC រួមទាំងប្រេស៊ីល មានកាតព្វកិច្ចចាប់ខ្លួនមេដឹកនាំរុស្ស៊ី ហើយផ្ទេរលោកទៅហូឡង់ដើម្បីកាត់ទោសប្រសិនបើលោកដើរលើទឹកដីរបស់ពួកគេ។ទីក្រុងម៉ូស្គូ ហៅដីកាចាប់ខ្លួន ICC ថាគ្មានន័យ។ រុស្ស៊ីធ្លាប់ចូលរួមក្នុងICC។ប៉ុន្តែបានដកខ្លួននិងមិនទទួលស្គាល់ទីភ្នាក់ងារនេះទេ។ លោកPutinបានពណ៌នាការចោទប្រកាន់នេះថាជាការបំផ្លើស ហើយថាទីក្រុងម៉ូស្គូបានត្រៀមខ្លួនរួចជាស្រេចក្នុងការប្រគល់កុមារទៅឱ្យសាច់ញាតិនៅអ៊ុយក្រែន។លោកPutinថ្មីៗនេះមិនបានមកអាហ្វ្រិកខាងត្បូងដើម្បីចូលរួមកិច្ចប្រជុំកំពូលBRICSបន្ទាប់ពីប្រទេសម្ចាស់ផ្ទះមានការអាម៉ាស់ចំពោះដីកាចាប់ខ្លួនរបស់ ICC ។លោកក៏បានអវត្តមានពីកិច្ចប្រជុំកំពូល G20 ដែលកំពុងបន្តនៅប្រទេសឥណ្ឌា។G20 កាលពីថ្ងៃទី៩ខែកញ្ញាបានអនុម័តសេចក្តីថ្លែងការណ៍រួមមួយដោយបញ្ជាក់ជាថ្មីអំពីការព្រួយបារម្ភអំពីសង្គ្រាមនៅអ៊ុយក្រែន។ប៉ុន្តែមិនបានរិះគន់រុស្ស៊ីដោយផ្ទាល់ទេ។ផ្ទុយទៅវិញឯកសារនេះអំពាវនាវឱ្យ“ប្រទេសទាំងអស់ប្រព្រឹត្តទៅតាមគោលបំណងនិងគោលការណ៍នៃអត្ថបទពេញលេញនៃធម្មនុញ្ញអង្គការសហប្រជាជាតិ” ប្រឆាំងនឹង“ការគំរាមកំហែង ឬការប្រើប្រាស់កម្លាំងដើម្បីទទួលបានទឹកដី រំលោភលើបូរណភាពទឹកដី អធិបតេយ្យភាព និង ឯករាជ្យភាពនយោបាយនៃប្រទេសផ្សេងៗ”។សេចក្តីថ្លែងការណ៍រួមបានទទួលស្គាល់ថាបញ្ហាអ៊ុយក្រែននៅតែមាន "ទស្សនៈ និងការវាយតម្លៃផ្សេងៗគ្នា" ក្នុងចំណោមសមាជិក G20 ។ប៉ុន្តែបានយល់ស្របថាសម័យបច្ចុប្បន្នមិនអាចទទួលយកសង្រ្គាមបានទេ៕ប្រភពReuters