នាយករដ្ឋមន្ត្រីស្នើអាជ្ញាធរជួយប្រជាពលរដ្ឋឱ្យទទួលបានផលពីវិស័យទេសចរណ៍នៅក្នុងសហគមន៍
សម្តេចហ៊ុន ម៉ាណែត នាយករដ្ឋមន្ត្រី នៃកម្ពុជាបានស្នើដល់ក្រសួងពាក់ព័ន្ធ និងអាជ្ញាធរជួយប្រជាពលរដ្ឋនៅមូលដ្ឋានឱ្យទទួលបានផលពីវិស័យទេសចរណ៍នៅក្នុងសហគមន៍ ព្រោះខេត្តកំពង់ស្ពឺមានតំបន់ទេសចរណ៍ធម្មជាតិច្រើន ដែលអាចជួយជំរុញសេដ្ឋកិច្ចប្រជាពលរដ្ឋតាមភូមិឃុំបានមួយកម្រិតទៀត។
សម្ដេចធិបតីបានថ្លែងថា«យើងជួយគាត់យើងជួយផ្សព្វផ្សាយពាណិជ្ជកម្មឱ្យគាត់ដើម្បីឱ្យទេសចរទៅច្រើនតែធ្វើយ៉ាងជួយសហគមន៍មូលដ្ឋានដើម្បីបានផល នេះជាអ្វីនៃការយកចិត្តទុកដាក់ដែលយើងធ្វើ»។សូមបញ្ជាក់ថា ខេត្តកំពង់ស្ពឺមានមានរមណីយដ្ឋានសរុបចំនួន ២៦ទីតាំង ក្នុងនោះ ទេសចរណ៍ប្រវត្តិសាស្ត្រ ១កន្លែង ទេសចរណ៍ធម្មជាតិ១កន្លែង វប្បធម៌២កន្លែង រមណីយដ្ឋានកែច្នៃ៣កន្លែង កីឡាទេសចរណ៍១កន្លែង សហគមន៍ទេសចរណ៍ ៩កន្លែង រមណីយដ្ឋានកសិ-ទេសចរណ៍៣កន្លែង ប្រាសាទបុរាណ ១កន្លែង និង តំបន់គោលដៅទេសចរណ៍ថ្មីកំពុងអភិវឌ្ឍន៍ ៥កន្លែងចំណែកឯ សណ្ឋាគារចំនួន ០៦កន្លែង ស្មើនឹង ២០០បន្ទប់ ផ្ទះសំណាក់មានចំនួន ៥៨កន្លែង ស្មើនឹង ៦៥៥បន្ទប់ ភោជនីយដ្ឋាន-អាហារដ្ឋានចំនួន ៣៧កន្លែង ឌីស្កូតែក(ក្លឹប)ចំនួន ២កន្លែង ខារ៉ាអូខេចំនួន ២១កន្លែង ស្មើនឹង ១៣៧បន្ទប់។
ភ្ញៀវទេសចរចូលទស្សនាតាមរមណីយដ្ឋាននានា និងស្នាក់នៅក្នុងខេត្ត ត្រឹម៩ខែឆ្នាំ២០២៣ មានចំនួន ៤៥៦.៤៩០នាក់ ប្រៀបធៀបរយៈពេលដូចគ្នាឆ្នាំ២០២២ ចំនួន ២៤៥.៣៥៩នាក់ កើនឡើង១% ។ ភ្ញៀវទេសចរជាតិចំនួន ៤៤៩.៦៩៩នាក់ កើនឡើង ១%ភ្ញៀវទេសចរអន្តរជាតិចំនួន ៦.០១៤នាក់ ថយចុះ ១៣%៕ប្រភពAKP
Post a Comment