ក្នុង​ស​ប្តាហ៍​​នេះ​កម្ពុជា​នឹង​មា​ន​ភ្លៀង​ធ្លាក់​នៅ​​ទូទាំងប្រទេស

 ក្រសួង​ធនធាន​ទឹក​ ​និង​ឧតុនិយម​ ​បាន​បង្ហាញ​ពី​ការ​ព្យាករណ៍​អាកាសធាតុ​ថ្មី​ថា​ ​ប្រទេស​កម្ពុជា​នឹង​មាន​ភ្លៀង​ធ្លាក់​បន្ថែម​ទៀត​នៅ​ទូទាំង​ប្រទេស​ក្នុង​ស​ប្តាហ៍​នេះ​ ​ជាពិសេស​ចាប់ពី​ថ្ងៃ​ទី​៤​ ​ដល់​ថ្ងៃ​ទី​៦​ ​ខែ​តុលា​។​យោង​តាម​ក្រសួង​បានឲ្យ​ដឹង​ថា​ ​ក្នុង​អំឡុង​ពេលនេះ​ ​នឹង​មាន​ភ្លៀង​ធ្លាក់​ពី​តិច​ទៅ​មធ្យម​ ​ក្នុង​រាជធានី​ភ្នំពេញ​ ​និង​តាម​បណ្តា​ខេត្ត​នានា​ ​ដោយ​គ្របដណ្តប់​លើ​ផ្ទៃដី​ ​៤​០​% ​ទៅ​ ​៦​០​% ​។​

ក្រសួង​បាន​បន្ថែម​ថា​ ​ព្យុះ​ទី​ ​១​៤​ ​ឈ្មោះ​ “Ko​in​u” ​នៅ​មហាសមុទ្រ​ប៉ាស៊ីហ្វិក​ ​នឹង​ឆ្លងកាត់​ទីក្រុង​តៃ​ប៉ិ​ ​នៅ​ភាគ​ខាងត្បូង​ ​មុន​អស់​ឥទ្ធិពល​នៅ​ពេល​ទៅដល់​ភាគ​ខាងកើត​នៃ​ទីក្រុង​ហុងកុង​ ​ហើយនឹង​មិន​ប៉ះពាល់​ដល់​ប្រទេស​កម្ពុជា​ឡើយ​។​​អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ​ ​លោក​ ​សុទ្ធ​ ​គឹម​កុ​ល​មុនី​ ​បាន​និយាយ​ថា​ចាប់ពី​ខែ​មករា​ ​ដល់​ថ្ងៃ​ទី​២​៥​ ​ខែកញ្ញា​ ​ខេត្ត​ចំនួន​ ​១​៩​ ​និង​រាជធានី​ភ្នំពេញ​ ​បាន​រង​ផល​ប៉ះពាល់​ដោយ​ទឹកជំនន់​ ​និង​ផ្ទះ​ចំនួន​ ​១​៥​,​៥​៤​៩​ ​ខ្នង​ត្រូវ​បាន​ជន់​លិច​ ​ខណៈ​ផ្ទៃដី​ស្រែ​ចំនួន​ ​២​២​,​៧​១​៣​ ​ហិកតា​ ​ត្រូវ​បាន​ជន់​លិច​។​ខេត្ត​ដែល​រងគ្រោះ​ដោយ​ទឹកជំនន់​ ​មាន​ដូចជា​៖​ ​ខេត្ត​ពោធិ៍សាត់​ ​សៀមរាប​ ​កំពង់ធំ​ ​ព្រះវិហារ​ ​រតនគិរី​ ​មណ្ឌលគិរី​ ​ក្រចេះ​ ​ស្ទឹង​ត្រែង​ ​កំពង់ចាម​ ​ត្បូងឃ្មុំ​ ​កណ្តាល​ ​កំពង់ឆ្នាំង​ ​កំពង់ស្ពឺ​ ​តាកែវ​ ​ព្រះ​សី​ហ​នុ ​កំពត​ ​កោះ​កុង​ ​កែប​ ​និង​ឧត្តរមានជ័យ​។​ខេត្ត​ដែល​រង​ផល​ប៉ះពាល់​ធ្ងន់ធ្ងរ​ជាងគេ​គឺ​ខេត្ត​កំពង់ធំ​ ​បាត់​ដំបង​ ​ពោធិ៍សាត់​ ​និង​សៀមរាប​៕​A​K​P​/​Khmer​ ​Time​s