ម​ហាសេ​ដ្ឋីBillGates​ត្រៀមខ្លួនរួច​ជា​ស្រេចដើម្បីចាក់លុយរាប់​ពាន់លានដុល្លារទៅក្នុងថា​ម​ពលនុ​យក្លេអ៊ែរ

មហាសេដ្ឋីអាមេរិកលោកBillGatesបាននិយាយថាលោកបានត្រៀមខ្លួនក្នុងការវិនិយោគរាប់ពាន់លានដុល្លារនៅក្នុងគម្រោងរោងចក្រថាមពលនុយក្លេអ៊ែរជំនាន់ក្រោយនៅទីក្រុងWyomingដើម្បីបំពេញតម្រូវការអគ្គិសនីដែលកំពុងកើនឡើងរបស់អាមេរិក។កាលពីសប្តាហ៍មុន TerraPower ដែលជាក្រុមហ៊ុនចាប់ផ្តើមបង្កើតឡើងដោយលោក Gates បានបើកការដ្ឋានសាងសង់ម៉ាស៊ីនរ៉េអាក់ទ័រនុយក្លេអ៊ែរពាណិជ្ជកម្មដំបូងគេនៅទីក្រុង Wyoming ដែលជាបេះដូងនៃការផលិតធ្យូងថ្មរបស់អាមេរិក។

ដោយពន្យល់តាមវិទ្យុ CBS នៅថ្ងៃទី១៦ខែមិថុនា លោក Gates បាននិយាយថាក្រុមហ៊ុនTerraPowerបាននិងកំពុងស្រាវជ្រាវម៉ាស៊ីនរ៉េអាក់ទ័រធម្មតានិងថោកជាងចាប់តាំងពីឆ្នាំ២០០៨ហើយគ្រោងនឹងបញ្ចប់ម៉ាស៊ីនរ៉េអាក់ទ័រថ្មីនៅទីក្រុង Wyoming នៅឆ្នាំ២០៣០។មហាសេដ្ឋីអាមេរិករូបនេះបានសង្កត់ធ្ងន់ថា"ខ្ញុំបានបណ្តាក់ទុនជាង១ពាន់លានដុល្លារអាមេរិក ហើយខ្ញុំនឹងវិនិយោគរាប់ពាន់លានបន្ថែមទៀត" ។រោងចក្រនុយក្លេអ៊ែររបស់TerraPowerដែលគាំទ្រដោយក្រសួងថាមពលសហរដ្ឋអាមេរិកត្រូវបានគេរំពឹងថានឹងដំណើរការដំបូងនៅឆ្នាំ២០២៨ជាមួយនឹងឥន្ធនៈនុយក្លេអ៊ែរដែលនាំចូលពីប្រទេសរុស្ស៊ី។ទោះជាយ៉ាងណាក៏ដោយ គម្រោងនេះបានលុបចោលផែនការនេះ ដោយសារតែវា "មិនអាចទទួលយកបាននាពេលបច្ចុប្បន្ន"ដែលបណ្តាលឱ្យមានការពន្យារពេល២ឆ្នាំ។ ជំនួសមកវិញ លោក Gates បាននិយាយថា TerraPower នឹងជាប្រភពប្រេងម៉ាស៊ីនរ៉េអាក់ទ័រពីសហរដ្ឋអាមេរិកនិងសម្ព័ន្ធមិត្តរបស់ខ្លួន។ការរចនាម៉ាស៊ីនរ៉េអាក់ទ័រប្រើសូដ្យូមរាវសម្រាប់ធ្វើឱ្យត្រជាក់ជំនួសឱ្យទឹក ហើយអំបិលរលាយអាចរក្សាទុកកំដៅដើម្បីបង្កើនទិន្នផល។លោក​បាន​បន្ត​ថា​៖ «​ធ្យូង​កំពុង​ត្រូវ​បាន​គ្រប់គ្រង​ដោយ​ឧស្ម័ន​ធម្មជាតិ។ ដូច្នេះ​ហើយ​អ្វី​ដែល​យើង​ត្រូវ​ធ្វើ​គឺ​ការ​ប្រកួត​ប្រជែង​ប្រកប​ដោយ​ប្រសិទ្ធភាព​ជាមួយ​ឧស្ម័ន​ធម្មជាតិ»។ថ្លែងនៅក្នុងពិធីបើកការដ្ឋានសាងសង់នៅថ្ងៃទី១០ ខែមិថុនា លោកGatesក៏បានសង្កត់ធ្ងន់លើតម្រូវការថាមពលស្អាតដើម្បីដោះស្រាយបញ្ហាអាកាសធាតុហើយដើម្បីធ្វើដូច្នេះទាមទារឱ្យមានការបង្កើតថ្មីដើម្បីធ្វើឱ្យថាមពលស្អាតប្រកួតប្រជែងជាមួយឥន្ធនៈហ្វូស៊ីល។ថាមពលនុយក្លេអ៊ែរគ្មានកាបូនត្រូវបានមើលឃើញកាន់តែខ្លាំងឡើងថាជាផ្នែកមួយដ៏សំខាន់ក្នុងការប្រយុទ្ធប្រឆាំងនឹងការប្រែប្រួលអាកាសធាតុ ហើយក្រុមហ៊ុនជាច្រើនទៀតកំពុងជំរុញការអភិវឌ្ឍន៍ម៉ាស៊ីនរ៉េអាក់ទ័រតូចៗ។យោងតាមសារព័ត៌មានBloombergNewsនៅឯសន្និសីទស្តីពីការប្រែប្រួលអាកាសធាតុ COP28 នៅទីក្រុងឌូបៃកាលពីឆ្នាំមុន ប្រទេសចំនួន២៥ បានប្រកាសពីមហិច្ឆតារបស់ពួកគេក្នុងការបង្កើនសមត្ថភាពថាមពលនុយក្លេអ៊ែរ៣ដង។មហាសេដ្ឋីGatesជឿជាក់ថាគម្រោងថាមពលនុយក្លេអ៊ែររបស់លោកទទួលបានការគាំទ្រទ្វេភាគីនៅក្នុងសហរដ្ឋអាមេរិក។ ខណៈពេលដែលអ្នកប្រជាធិបតេយ្យមើលឃើញតម្លៃនៃប្រភពថាមពលស្អាត គណបក្សសាធារណរដ្ឋមានការព្រួយបារម្ភអំពីសន្តិសុខថាមពល។លោក​បាន​និយាយ​ថា មេដឹកនាំ​សហរដ្ឋ​អាមេរិក​ចាប់​អារម្មណ៍​លើ​គម្រោង​នេះ​ដោយ​សារ​តែ "សេដ្ឋកិច្ចវា​ជា​ប្រភព​ដ៏​ធំ​នៃ​ការ​បង្កើត​ការងារ"។ ប៉ុន្តែនៅពេលជាមួយគ្នានេះ"ដោយសារតែសម្ភារៈដែលភ្ជាប់ជាមួយរ៉េអាក់ទ័រទាំងនេះអាចត្រូវបានបង្វែរយើងត្រូវប្រុងប្រយ័ត្នដើម្បីធានាថាវាមិនជាប់ពាក់ព័ន្ធក្នុងសកម្មភាពមួយចំនួនទាក់ទងនឹងយោធា"៕ពុតសាម៉ាត់