អ៊ីស្រា​អែល​មាន​ជម្លោះ​ជុំវិញ​បទ​​ឈប់​បាញ់​យុទ្ធសាស្ត្រដោ​យ​ព្រមាន​ពី​គ្រោះថ្នាក់​ពី​​ក្រុម​ហេស​បូឡា

នាយក​រដ្ឋមន្ត្រី Netanyahuបាន​រិះគន់​យោធា​អ៊ីស្រាអែល​ចំពោះ​បទ​ឈប់​បាញ់​យុទ្ធសាស្ត្រ​នៅ​តំបន់ហ្គាហ្សាស្រ្ទីប។ IDF ព្រមាន​ពី​ការ​កើនឡើង​នៃ​ភាព​តានតឹង​ធ្ងន់ធ្ងរ​ជាមួយ​ក្រុម​ហេសបូឡា។

នាយករដ្ឋមន្ត្រីអ៊ីស្រាអែល Benjamin Netanyahu។ រូបថត៖ X

យោងតាមកាសែត The Guardian កាលពីថ្ងៃទី១៦ខែមិថុនា នាយករដ្ឋមន្ត្រីBenjaminNetanyahuបានរិះគន់ការប្រកាសរបស់យោធាអ៊ីស្រាអែលអំពីផែនការបទឈប់បាញ់ប្រចាំថ្ងៃនៅតាមបណ្តោយផ្លូវសំខាន់ដែលឈានទៅដល់ហ្គាហ្សាស្រ្ទីបដើម្បីសម្រួលដល់ការដឹកជញ្ជូនមនុស្សធម៌។មន្ត្រី​អ៊ីស្រាអែល​ម្នាក់​បាន​លាតត្រដាង​ថា​៖ «​នៅពេល​នាយករដ្ឋមន្ត្រី​បានដឹង​អំពី​ផែនការ​ឈប់​បាញ់​គ្នា​នៅពេល​ព្រឹកលោកបាន​ប្រាប់​យោធា​ថា នេះ​ជា​រឿង​មិនអាច​ទទួលយក​បាន​ទេ​»​។ប្រព័ន្ធផ្សព្វផ្សាយក្នុងស្រុកបាននិយាយថាការសម្រេចចិត្តរបស់យោធាហាក់ដូចជាមិនត្រូវបានបង្ហាញដល់គណៈរដ្ឋមន្ត្រីទេហើយវាបានធ្វើឱ្យមន្ត្រីមួយចំនួនតូចចិត្ត។យោធាក្រោយមកបានធានាដល់នាយករដ្ឋមន្ត្រី Netanyahu ថាប្រតិបត្តិការយោធានៅRafah នឹងបន្ត។ស្ថានីយ៍ទូរទស្សន៍អ៊ីស្រាអែលបានដកស្រង់សម្តីលោកNetanyahu ថា "យើងជាប្រទេសដែលមានយោធាមិនមែនជារបបយោធាដែលគ្រប់គ្រងរដ្ឋនោះទេ។កន្លងមក កងទ័ពអ៊ីស្រាអែលបានប្រកាសថា ខ្លួននឹងផ្អាកប្រតិបត្តិការយោធាជាបណ្តោះអាសន្នចាប់ពីម៉ោង៨:០០ ព្រឹក ដល់ម៉ោង ៧:០០ យប់នៅតំបន់ច្រកព្រំដែន Kerem Shalom ដែលឆ្ពោះទៅផ្លូវSalah al-Din។ ផ្លូវនេះដើរតួនាទីយ៉ាងសំខាន់ក្នុងការដឹកជញ្ជូនជំនួយមនុស្សធម៌ទៅកាន់តំបន់ហ្គាហ្សាស្ទ្រីបដែលត្រូវបានជាប់គាំងចាប់តាំងពីកងទ័ពអ៊ីស្រាអែលចូលក្រុងរ៉ាហ្វាក្នុងខែឧសភា។

អ៊ីស្រាអែល​ព្រមាន​ពី​ការ​បង្កើន​ភាព​តានតឹង​ជាមួយ​ក្រុម​ហេសបូឡា

យោងតាមកាសែត Times of Israel នៅថ្ងៃទី១៦ខែមិថុនា អ្នកនាំពាក្យកងកម្លាំងការពារអ៊ីស្រាអែល (IDF) លោក Daniel Hagari បានព្រមានថា ការប្រយុទ្ធជាបន្តបន្ទាប់រវាងកងកម្លាំងនេះ និងក្រុម ហេសបូឡាអាចបង្កឱ្យមាន "ផលវិបាកធ្ងន់ធ្ងរសម្រាប់តំបន់" ។"ហេសបូឡាកំពុងបង្កើនភាពញឹកញាប់នៃការវាយឆ្មក់ប្រឆាំងនឹងអ៊ីស្រាអែល។ចាប់តាំងពីសង្រ្គាមជាមួយក្រុមហាម៉ាសបានផ្ទុះឡើងក្រុមហេសបូឡាបានបាញ់មីស៊ីលជាង៥,០០០គ្រាប់ និង UAVនៅក្នុងតំបន់ព្រំដែនលីបង់។ សកម្មភាពរបស់អង្គការនេះបង្កើនភាពតានតឹងអាចបណ្តាលឱ្យមានផលវិបាកធ្ងន់ធ្ងរសម្រាប់លីបង់និងតំបន់។ លោក Hagari បាននិយាយ។អ្នកនាំពាក្យ IDF បានសង្កត់ធ្ងន់ថា កងទ័ពអ៊ីស្រាអែលនឹងចាត់វិធានការទាំងអស់ដើម្បីការពារប្រជាជនរហូតដល់សន្តិសុខនៅតាមព្រំដែនជាមួយប្រទេសលីបង់ត្រូវបានស្តារឡើងវិញ។ថ្មីៗ​នេះ អាមេរិក និង​បារាំង​បាន​សម្រុះសម្រួល​គ្នា​ដើម្បី​កាត់​បន្ថយ​ភាព​តានតឹង​នៅ​ព្រំដែន​អ៊ីស្រាអែល-លីបង់។ ទោះបីជាយ៉ាងណាក៏ដោយ កងកម្លាំងហេសបូឡាបានប្រកាសថាពួកគេនឹងមិនបញ្ឈប់ការបាញ់ប្រហារឡើយ រហូតដល់ទីក្រុង Tel Aviv បញ្ចប់យុទ្ធនាការរបស់ខ្លួន នៅតំបន់ហ្គាហ្សា៕ពុតសាម៉ាត់