ប្រធា​នា​ធិបតី​​Putinបាន​ប្រកាស​​​ដំឡើង​ឃ្លាំង​អា​វុ​ធ​នុយក្លេអ៊ែរ​រប​​ស់​រុស្ស៊ី

ប្រធានាធិបតីVladimirPutinបានប្រកាសថារុស្ស៊ីនឹងធ្វើឱ្យប្រសើរឡើងនូវឃ្លាំងអាវុធនុយក្លេអ៊ែររបស់ខ្លួនព្រោះនេះជាវិធីសាស្ត្រសំខាន់ក្នុងការធានាសន្តិសុខជាតិ។យោងតាមទីភ្នាក់ងារសារព័ត៌មានRTការអត្ថាធិប្បាយកាលពីថ្ងៃទី២១ខែមិថុនារបស់លោកPutinត្រូវបានធ្វើឡើងក្នុងបរិបទនៃភាពតានតឹងកាន់តែខ្លាំងឡើងរវាងទីក្រុងម៉ូស្គូនិងលោកខាងលិចជុំវិញជម្លោះនៅអ៊ុយក្រែនខណៈដែលសហរដ្ឋអាមេរិកនិងសម្ព័ន្ធមិត្តបន្តផ្តល់ជំនួយសព្វាវុធដល់ទីក្រុងគៀវ។ប៉ុន្តែនៅតែបញ្ជាក់ថាវាគឺជាមិនពាក់ព័ន្ធដោយផ្ទាល់នៅក្នុងជម្លោះ។លោកPutinបានព្រមានម្តងហើយម្តងទៀតថារុស្ស៊ីនឹងប្រើគ្រប់មធ្យោបាយដែលមានដើម្បីការពារខ្លួនប្រសិនបើអត្ថិភាពរបស់ប្រទេសនេះត្រូវបានគំរាមកំហែង។ វិមានក្រឹមឡាំងក៏បាននិយាយកាលពីខែឧសភាថា យោធារុស្ស៊ីបានធ្វើសមយុទ្ធដើម្បីដាក់ពង្រាយអាវុធនុយក្លេអ៊ែរដែលមិនមែនជាយុទ្ធសាស្ត្រ។លោកប្រធានាធិបតីPutinបាននិយាយថា “យើងគ្រោងនឹងអភិវឌ្ឍបន្ថែមទៀតនូវប្រព័ន្ធនុយក្លេអ៊ែរជាការធានានៃការទប់ស្កាត់ជាយុទ្ធសាស្ត្រ និងរក្សាតុល្យភាពអំណាចនៅក្នុងពិភពលោក”។

"នុយក្លេអ៊ែរ triad" គឺជាការរួមបញ្ចូលគ្នានៃមីស៊ីលផ្លោងអន្តរទ្វីប(ICBMs) មីស៊ីលផ្លោងបាញ់ចេញពីនាវាមុជទឹកនិងយន្តហោះទម្លាក់គ្រាប់បែកយុទ្ធសាស្ត្រ។ សព្វាវុធ​ទាំង​អស់​នេះ​អាច​បំពាក់​ក្បាល​គ្រាប់​នុយក្លេអ៊ែរ ហើយ​ធានា​ថា​សត្រូវ​មិន​អាច​បំផ្លាញ​កម្លាំង​នុយក្លេអ៊ែរ​របស់​រុស្ស៊ី​ក្នុង​ការ​វាយ​ប្រហារ​លើក​ដំបូង​ឡើយ។យោងតាមលោកPutinជម្លោះណាមួយដែលពាក់ព័ន្ធនឹងការប្រើប្រាស់អាវុធនុយក្លេអ៊ែរ នឹងនាំឲ្យមានផលវិបាកមហន្តរាយដល់មនុស្សជាតិ។ កាលពីដើមខែមិថុនាលោកបាននិយាយថាគោលលទ្ធិនុយក្លេអ៊ែររបស់រុស្ស៊ីចែងថា អាវុធទាំងនេះអាចប្រើប្រាស់បានលុះត្រាតែមាន “ការគំរាមកំហែងដល់អធិបតេយ្យភាពនិងបូរណភាពទឹកដី” របស់រុស្ស៊ី ។ប៉ុន្តែទីក្រុងម៉ូស្គូក៏កំពុងពិចារណាលើវិសោធនកម្មនេះផងដែរ៕