អាល្លឺម៉ង់​​មិ​​ន​គាំទ្រ​បទ​ឈ​ប់​បាញ់​អ៊ុយក្រែន​ទេរុស្ស៊ី​បដិ​សេធ​ការ​ពិភាក្សា​ជាមួយ​​លោកTrump

អាល្លឺម៉ង់​មិន​គាំទ្រ​បទ​ឈប់​បាញ់​អ៊ុយក្រែននិង​ចុះចាញ់​រុស្ស៊ី។វិមានក្រឹមឡាំងបានបដិសេធមិនពិភាក្សាអំពីស្ថានភាពជម្លោះជាមួយលោកTrump ។យោងតាម ​​Pravda កាលពីថ្ងៃទី៣ខែកក្កដា នាយករដ្ឋមន្ត្រី Olaf Scholz បានធ្វើសុន្ទរកថាទៅកាន់សភាអាល្លឺម៉ង់ ដោយសង្កត់ធ្ងន់ថាទីក្រុងប៊ែរឡាំងមិនគាំទ្របទឈប់បាញ់របស់អ៊ុយក្រែនទេ។លោកScholzបាននិយាយថា"លក្ខខណ្ឌបទឈប់បាញ់របស់រុស្ស៊ីនឹងនាំទៅដល់ការចុះចាញ់របស់អ៊ុយក្រែនដែលអាល្លឺម៉ង់មិនដែលគាំទ្រ។ ជាការពិតវិធានការសន្តិភាពដែលរុស្ស៊ីបានស្នើឡើងគឺសំដៅលើការអូសបន្លាយជម្លោះ ហើយពួកគេនឹងមិនអនុញ្ញាតឱ្យរឿងនេះកើតឡើងទេ" ។នៅក្នុងសុន្ទរកថារបស់លោកនាយករដ្ឋមន្ត្រី Scholz ក៏បានបញ្ជាក់ផងដែរថាអាល្លឺម៉ង់នឹងមិនក្លាយជាភាគីផ្ទាល់នៃជម្លោះនោះទេ។ លោក Scholz បាន​បន្ថែម​ថា៖«ខ្ញុំ​ប្តេជ្ញា​ចំពោះ​រឿង​នេះ​ក្នុង​នាម​ជា​នាយក​រដ្ឋមន្ត្រី។កន្លងមកនាយករដ្ឋមន្ត្រីហុងគ្រី លោក Viktor Orban ក៏បានជំរុញទីក្រុងគៀវឱ្យទទួលយកបទឈប់បាញ់ជាមួយរុស្ស៊ីផងដែរ។ យ៉ាងណាក៏ដោយភាគីអ៊ុយក្រែនបានច្រានចោលគំនិតនេះដោយបញ្ជាក់ថា បទឈប់បាញ់មិនផ្តល់ផលប្រយោជន៍ដល់ទីក្រុងគៀវហើយនឹងបន្តស្វែងរកដំណោះស្រាយដោយសន្តិវិធីដោយផ្អែកលើ"រូបមន្ត១០ចំណុច" របស់ប្រធានាធិបតីZelensky។

នាយករដ្ឋមន្ត្រី Olaf Scholz។AFP

រុស្ស៊ីបានបដិសេធមិនពិភាក្សាអំពីស្ថានភាពជម្លោះជាមួយលោកTrump

យោងតាមសារព័ត៌មានRTកាលពីថ្ងៃទី៣ខែកក្កដាអ្នកនាំពាក្យវិមានក្រឹមឡាំង លោក Dmitry Peskov បានបញ្ជាក់ថាលោកប្រធានាធិបតី Putin និងលោក Trump មិនបានពិភាក្សាគ្នាអំពីបញ្ហាអ៊ុយក្រែននោះទេ។"នេះមិនមែនជាការពិតទេ"លោកPeskovបានឆ្លើយតបនៅពេលត្រូវបានសួរឱ្យធ្វើអត្ថាធិប្បាយលើព័ត៌មានដែលថាលោក Trump កំពុងមានកិច្ចសន្ទនាជាមួយប្រធានាធិបតីពូទីនអំពីលក្ខខណ្ឌសន្តិភាពនៅអ៊ុយក្រែន។កន្លងមក ប្រភពរបស់ Politico បានលាតត្រដាងថា អតីតប្រធានាធិបតី Trump កំពុងពិចារណាលើការប្តេជ្ញាចិត្តមិនពង្រីក ណាតូទៅភាគខាងកើតខណៈកំពុងចរចា"ថាតើទឹកដីប៉ុន្មានដែលរុស្ស៊ីត្រូវគ្រប់គ្រងដើម្បីបញ្ចប់ជម្លោះ"។ចំណែក​អ៊ុយក្រែនប្រធានាធិបតី Zelensky បាន​អំពាវនាវ​ឲ្យ​លោក Trump បញ្ជាក់​ពី​ផែនការ​សន្តិភាព​របស់​លោក។"ខ្ញុំចង់ដឹងពីរបៀបបញ្ចប់ជម្លោះឱ្យបានឆាប់រហ័ស។ប្រសិនបើលោក Trump ដឹងពីរបៀបលោកគួរតែប្រកាសវាឥឡូវនេះ។ យើងក៏ត្រូវដឹងថាតើអ៊ុយក្រែននឹងនៅតែទទួលបានការគាំទ្រពីសហរដ្ឋអាមេរិកឬនឹង "ឈរតែម្នាក់ឯង" លោក Zelensky បាននិយាយ៕ពុតសាម៉ាត់