រុស្ស៊ី​មិន​​បា​រម្ភ​ថា​ម៉ុងហ្គោលី​នឹង​អនុវត្ត​ដី​កា​ចាប់​ខ្លួន​ប្រធានាធិ​បតី​Putinទេ

អ្នកនាំពាក្យរបស់ប្រធានាធិបតីរុស្ស៊ីលោក Dmitry Peskov បាននិយាយថាវិមានក្រឹមឡាំងមិនព្រួយបារម្ភអំពីប្រទេសម៉ុងហ្គោលីដែលជាសមាជិកនៃតុលាការឧក្រិដ្ឋកម្មអន្តរជាតិ(ICC)ដែលជាទីភ្នាក់ងារដែលបានចេញដីកាចាប់ខ្លួនប្រធានាធិបតីPutinក្នុងខែមីនា ឆ្នាំ២០២៣។

ទីភ្នាក់ងារ Tass បានដកស្រង់សម្តីលោក Peskov ដែលបាននិយាយថា"យើងមិនព្រួយបារម្ភទេ។យើងរក្សាការសន្ទនាដ៏អស្ចារ្យជាមួយមិត្តរបស់យើងនៅក្នុងប្រទេសម៉ុងហ្គោលី" ។មន្ត្រី​រូប​នេះ​បាន​សង្កត់​ធ្ងន់​ថាដំណើរ​ទស្សនកិច្ច​របស់​លោក​ប្រធានាធិបតីPutinទៅកាន់​ប្រទេស​ម៉ុងហ្គោលីត្រូវ​បាន​គ្រោង​ទុក​យ៉ាង​ប្រុង​ប្រយ័ត្ន។មេដឹកនាំរុស្ស៊ីគ្រោងនឹងធ្វើទស្សនកិច្ចជាផ្លូវការនៅម៉ុងហ្គោលីនៅថ្ងៃទី៣ខែកញ្ញាតាមការអញ្ជើញរបស់ប្រធានាធិបតីUkhnaagiin Khurelsukh។នេះ​នឹង​ជា​ដំណើរ​ទស្សនកិច្ច​លើក​ដំបូង​របស់​លោក Putin ទៅ​កាន់​រដ្ឋ​សមាជិក ICC ដែល​បាន​ផ្តល់​សច្ចាប័ន​លើ​លក្ខន្តិកៈ​ទីក្រុង​រ៉ូម។ កិច្ចព្រមព្រៀង​នេះ​អំពាវនាវ​ឱ្យ​សមាជិក​ទាំងអស់​ចាប់ខ្លួន​ប្រធានាធិបតី​Putinប្រសិនបើលោក​ចូល​ទឹកដី​ពួកគេ​។ICCមិនមានយន្តការណាមួយដើម្បីអនុវត្តដីកាចាប់ខ្លួនទេ ខណៈដែលវិមានក្រឹមឡាំងបាននិយាយម្តងហើយម្តងទៀតថាខ្លួនមិនទទួលស្គាល់យុត្តាធិការរបស់ICC ។នៅថ្ងៃទី១៧ខែមីនា ឆ្នាំ២០២៣ តុលាការICCបានចេញដីកាចាប់ខ្លួនលោកប្រធានាធិបតីPutinនិងស្នងការប្រធានាធិបតីសម្រាប់សិទ្ធិកុមារ Maria Lvova-Belova ពីបទ "និរទេសដោយខុសច្បាប់" លើកុមារអ៊ុយក្រែន។ នៅថ្ងៃទី២៥ខែមិថុនា ឆ្នាំ ២០២៤អង្គជំនុំជម្រះសាលាដំបូងICCបានចេញដីកាចាប់ខ្លួនលេខានៃក្រុមប្រឹក្សាសន្តិសុខរុស្ស៊ីលោក Sergey Shoigu និងជាប្រធានអគ្គសេនាធិការនៃកងកម្លាំងប្រដាប់អាវុធរុស្ស៊ី Valery Gerasimov ។យោងតាម ​​Sky News មេដឹកនាំទាំងពីរនៃប្រទេសរុស្ស៊ី និងម៉ុងហ្គោលីនឹងប្រារព្ធខួបលើកទី៨៥នៃសមរភូមិ Khalknin Gol ដែលកងកម្លាំងសូវៀតនិងម៉ុងហ្គោលីបានរួមគ្នាកម្ចាត់ជប៉ុន៕ពុតសាម៉ាត់