ជនឆរបោកជនជាតិជប៉ុន២នាក់នៅកម្ពុជាអាចនឹងត្រូវប្រឈមនឹងកាត់ទោសក្នុងប្រទេសខ្លួននាពេលឆាប់ៗខាងមុខ។ប្រភពនានាបាននិយាយថាអាជ្ញាធរគ្រោងនឹងបញ្ជូនពួកគេទៅប្រទេសជប៉ុនវិញដោយត្រូវប្រឈមនឹងបទចោទប្រកាន់ពីបទឆបោក។
 |
| សណ្ឋាគារដែលជនសង្ស័យបានលាក់ខ្លួន។ NHK/KhmerTimes |
បុរសទាំងនោះត្រូវបានចោទប្រកាន់ពីបទរៀបចំរគម្រោងវិនិយោគក្លែងក្លាយពីសណ្ឋាគារមួយនៅភាគខាងជើងប្រទេសកម្ពុជា។នៅក្នុងប៉ុន្មានឆ្នាំចុងក្រោយនេះតំបន់នេះត្រូវបានគេស្គាល់ថាមានសណ្ឋាគារនិងកាស៊ីណូជាច្រើន។ប្រភពបានឲ្យដឹងថា មន្ត្រីស៊ើបអង្កេតកម្ពុជាបានឃុំខ្លួនបុរសជនជាតិជប៉ុនចំនួន៧នាក់បន្ទាប់ពីទទួលបានព័ត៌មានក្នុងអំឡុងខែឧសភា។ ពួកគេមានអាយុពី ៣០ ទៅ ៥០ឆ្នាំ។ពួកគេ៣នាក់គ្មានលិខិតឆ្លងដែន។ ប្រភពបាននិយាយថាពួកគេប្រហែលជាធ្វើការឱ្យអ្នកផ្សេងដោយឯកសារធ្វើដំណើររបស់ពួកគេត្រូវអ្នកទាំងនោះរក្សាទុក។ជនសង្ស័យ២នាក់ត្រូវបានចោទប្រកាន់ពីបទបញ្ចុះបញ្ចូលបុរសម្នាក់នៅខេត្ត សាហ្គា (Saga) ភាគនិរតីនៃប្រទេសជប៉ុន ឱ្យវិនិយោគលើកិច្ចព្រមព្រៀងប្រឌិតមួយ។នគរបាលជប៉ុនគ្រោងនឹងមកកាន់ប្រទេសកម្ពុជានិងបញ្ជូនពួកគេត្រឡប់ទៅប្រទេសវិញ។ករណីស្រដៀងគ្នានេះបានកើតឡើងកាលពីខែមេសា នៅពេលដែលអាជ្ញាធរកម្ពុជាបានចាប់ខ្លួនជនជាតិជប៉ុន១៩ នាក់។ ពួកគេត្រូវបានចោទប្រកាន់ពីបទរត់ការគម្រោងក្លែងបន្លំសម្រាប់រមណីយដ្ឋានមួយ។អាជ្ញាធរកម្ពុជាបានបញ្ជូនជនសង្ស័យជនជាតិជប៉ុនទាំង១៩នាក់ត្រឡប់ទៅប្រទេសកំណើតវិញនៅថ្ងៃទី១១ ខែមេសាជុំវិញការជាប់ពាក់ព័ន្ធនឹងការឆបោកតាមទូរស័ព្ទ ខណៈនគរបាលជប៉ុនបន្តបង្ក្រាបក្រុមឆរបោកដែលមានមូលដ្ឋាននៅតាមបណ្តាប្រទេសក្នុងតំបន់អាស៊ីអាគ្នេយ៍។បុរសទាំងនោះដែលបានធ្វើសកម្មភាពពីសណ្ឋាគារមួយកន្លែងនៅភាគខាងត្បូងប្រទេសកម្ពុជាត្រូវបានចាប់ខ្លួនតាមជើងហោះហើរពិសេស (chartered flight) ទៅប្រទេសជប៉ុន។នេះបើយោងតាមនគរបាលក្រុងតូក្យូ។ យន្តហោះបានមកដល់អាកាសយានដ្ឋាន Haneda នៅថ្ងៃបន្ទាប់។បុរសទាំងនោះត្រូវបានគេសង្ស័យថាបានឆបោកស្ត្រីអាយុ ៦២ ឆ្នាំម្នាក់ដែលរស់នៅក្នុងទីក្រុងតូក្យូ នៃប្រាក់អេឡិចត្រូនិក BitCash តម្លៃ ២៥០,០០០ យ៉េនក្នុងខែមករា។ ប្រភពពីនគរបាលស៊ើបអង្កេតបាននិយាយថា ពួកគេមានអាយុចន្លោះពី២៥ទៅ៥៥ឆ្នាំដោយជនសង្ស័យម្នាក់ត្រូវបានគេគិតថាជាសមាជិកនៃក្រុមឆរបោក៕ NHK/KYODO/KhmerTimes
/unnamed.png
Post a Comment