សុខ​ភា​​ព​​លោក​Thaks​in​គួ​រ​ឲ្យ​បារ​ម្ភ

 វេជ្ជបណ្ឌិតថៃបាននិយាយថាសុខភាពរបស់លោកThaksinគឺ "គួរឱ្យព្រួយបារម្ភ"ខណៈដែលអតីតនាយករដ្ឋមន្ត្រីបានបន្តសម្រាកព្យាបាលនៅមន្ទីរពេទ្យចាប់តាំងពីចូលពន្ធនាគារ។លោកវេជ្ជបណ្ឌិត Sophonrat Singhajaru ប្រធានមន្ទីរពេទ្យទូទៅប៉ូលីសថៃ បាននិយាយកាលពីថ្ងៃទី២៥ខែសីហាដោយប្រកាសពីស្ថានភាពសុខភាពរបស់លោកថា "លោកកំពុងក្អក។ 

អតីត​នាយក​រដ្ឋមន្ត្រី​ថៃលោកThaksin Shinawatra នៅ​អាកាសយានដ្ឋាន​ដនមឿង ក្រុង​បាងកក រាជធានី​ថៃ កាល​ពី​ថ្ងៃ​ទី​២២ ខែ​សីហា។រូបថត៖ AFP

លទ្ធផល X-ray ដើមទ្រូង បារម្ភពីអ្នកឯកទេសខាងជំងឺបេះដូង" ។លោកThaksinត្រូវ​បាន​គេ​បញ្ជូន​ទៅ​មន្ទីរពេទ្យ​នៅ​ក្នុង​ពន្ធនាគារ​ក្នុង​យប់​ដំបូង​របស់​លោក​ដោយ​សារ​មាន​ការ​តឹង​ទ្រូងសម្ពាធ​ឈាម​ឡើង​ខ្ពស់ អុកស៊ីហ្សែន​ក្នុង​ឈាម​ទាប និង​ពិបាក​គេង។ នៅ​ថ្ងៃ​ទី​២៥ សីហាលោកនៅ​សម្រាក​ព្យាបាល​នៅ​មន្ទីរពេទ្យ​នៅឡើយ ។លោក Sitthi Sutivong បាននិយាយថា "លោកមានជំងឺជាច្រើនដែលត្រូវការការថែទាំ។ជាពិសេសជំងឺបេះដូង ខណៈដែលមន្ទីរពេទ្យពន្ធនាគារមិនមានឧបករណ៍ត្រឹមត្រូវ។នេះ​បើ​តាម​អ្នក​នាំ​ពាក្យ​នាយកដ្ឋាន​កែ​តម្រូវ​នៃ​ប្រទេស​ថៃ។លោកThaksinអាយុ៧៤ឆ្នាំបានធ្វើជានាយករដ្ឋមន្ត្រីថៃតាំងពីឆ្នាំ២០០១។ប៉ុន្តែត្រូវបានទម្លាក់ចេញពីរដ្ឋប្រហារយោធាឆ្នាំ២០០៦។ក្រោយមកលោកបានចាកចេញពីប្រទេសដោយរស់នៅនិរទេសខ្លួនតាំងពីឆ្នាំ២០០៨ដើម្បីគេចពីគុកដោយចោទប្រកាន់ពីបទពុករលួយ។ លោកThaksinបាន​បដិសេធ​ការ​ចោទ​ប្រកាន់​នេះ ដោយ​និយាយ​ថាពួក​គេ​ធ្វើ​ឡើង​ដោយ​របប​យោធានិង​មាន​ហេតុផល​នយោបាយ។អតីត​នាយក​រដ្ឋមន្ត្រី​បាន​វិល​ត្រឡប់​ទៅ​ប្រទេស​ថៃ​វិញ​នៅ​ថ្ងៃ​ទី ២២ ខែ​សីហាដោយ​ទទួល​ទោស​ដាក់​ពន្ធនាគារ។ បន្ទាប់​ពី​តុលាការ​កំពូល​បាន​កាត់​ទោស​ឱ្យ​ជាប់​ពន្ធនាគារ​រយៈ​ពេល ៨ ឆ្នាំ លោកThaksinត្រូវ​បាន​គេ​នាំ​ទៅ​កាន់​មន្ទីរ​ឃុំឃាំង​បាងកក នៃ​ពន្ធនាគារ Klong Prem។វេជ្ជបណ្ឌិតនៅមន្ទីរពេទ្យនៃនាយកដ្ឋានកែតម្រូវនៃប្រទេសថៃបានពិនិត្យនិងធ្វើរោគវិនិច្ឆ័យលោកThaksinមានបញ្ហាសុខភាពចំនួន៤ទាក់ទងនឹងបេះដូង សួត សម្ពាធឈាមខ្ពស់ និងជំងឺឆ្អឹងខ្នង។ លោក Wattanachai Mingbancherdsuk ប្រធានមន្ទីរពេទ្យបាននិយាយថា លោកThaksinត្រូវបានចាត់ថ្នាក់ជាក្រុមងាយរងគ្រោះ។ហើយត្រូវការការត្រួតពិនិត្យយ៉ាងជិតស្និទ្ធសម្រាប់ការថែទាំវេជ្ជសាស្រ្តសមស្រប។បន្ទាប់ពីលោក Thaksinចូលសម្រាកព្យាបាលនៅមន្ទីរពេទ្យប៉ូលីសកាលពីថ្ងៃទី ២៣ ខែសីហាប្រព័ន្ធផ្សព្វផ្សាយសង្គមថៃបានផ្សព្វផ្សាយព័ត៌មានថាលោកស្ថិតនៅក្នុងបន្ទប់VIPឯកជនមួយនៅជាន់ទី១៤ដែលអាចមើលឃើញទីលានវាយកូនហ្គោលនៅកណ្តាលទីក្រុងបាងកក។ សកម្មជនមួយចំនួនបានស្នើឱ្យបញ្ជូនវេជ្ជបណ្ឌិតខាងក្រៅទៅពិនិត្យលោកThaksinដើម្បីមើលថាតើលោក "ក្លែងបន្លំ"ឬយ៉ាងណា ដើម្បីគេចពីការជាប់គុក។មន្ទីរពេទ្យ​ប៉ូលីស​បាន​បដិសេធ​ការ​ចោទ​ប្រកាន់​ដោយ​ទទូច​ថា​ខ្លួន​មិន​បាន​ព្យាបាល​លោកThaksin​ខុស​ពី​គេ​ទេ។ លោកវេជ្ជបណ្ឌិត Singhajaru បាននិយាយថា "បន្ទប់ទាំងអស់នៅក្នុងមន្ទីរពេទ្យប៉ូលីសមានទិដ្ឋភាពនេះ។ ចូរផ្តោតលើការព្យាបាល។នោះគឺជាការទទួលខុសត្រូវរបស់យើង"៕ប្រភពReuters