តើ​លោ​​កT​haksinអាច​ត្រូវ​លើក​លែង​​​ទោស​ដោយ​រ​​បៀប​ណា?

ទោះបីជាត្រូវបានកាត់ទោសឱ្យជាប់ពន្ធនាគាររយៈពេល៨ឆ្នាំក៏ដោយ អតីតនាយករដ្ឋមន្ត្រីថៃ លោក Thaksin Shinawatra អាចស្នើសុំការលើកលែងទោសពីព្រះមហាក្សត្រ។កាសែតបាងកកប៉ុស្តិ៍បានដកស្រង់សម្តីលោកNasteeThongpladនាយកមជ្ឈមណ្ឌលឃុំឃាំងទីក្រុងបាងកក ដែល Thaksin កំពុងជាប់ទោសដោយនិយាយថា លោក Thaksin ដូចអ្នកទោសទាំងអស់អាចស្នើសុំការលើកលែងទោសពីព្រះមហាក្សត្រ។

 អតីតនាយករដ្ឋមន្ត្រីថៃ លោក Thaksin Shinawatra។AFP

បន្ទាប់មកពាក្យសុំនឹងត្រូវដាក់ទៅក្រសួងយុត្តិធម៌លេខាធិការដ្ឋាននៃគណៈរដ្ឋមន្ត្រីនិងចុងក្រោយទៅកាន់ការិយាល័យលេខាធិការរបស់ព្រះមហាក្សត្រថៃ ដែលនឹងស្នើសុំការលើកលែងទោសពីព្រះមហាក្សត្រ។ពាក្យស្នើសុំលើកលែងទោសនឹងត្រូវបានអមដោយឯកសារផ្សេងទៀតដែលបញ្ជាក់ពីការរួមចំណែកពីមុនរបស់អ្នកស្នើសុំក៏ដូចជាស្ថានភាពសុខភាពរបស់អ្នកដាក់ពាក្យ។លោកThaksinអាយុ៧៤ឆ្នាំត្រូវបានកាត់ទោសឲ្យជាប់ពន្ធនាគាររយៈពេល៨ ឆ្នាំ សម្រាប់ការកាត់ទោសចំនួន ៣កាលពីថ្ងៃទី ២២ ខែសីហាបន្ទាប់ពីបានត្រឡប់មកប្រទេសកំណើតវិញជាលើកដំបូងក្នុងរយៈពេលជាង១៥ ឆ្នាំក្នុងការនិរទេសខ្លួននៅក្រៅប្រទេស។លោកត្រូវ​បាន​គេ​យក​ទៅ​គុក​នៅ​បាងកក។ទោះយ៉ាងណាក៏ដោយនៅយប់ដំបូងនៃការកាត់ទោសលោកត្រូវបានបញ្ជូនទៅមន្ទីរពេទ្យដោយសារតែបញ្ហាសុខភាពមួយចំនួន។អាជ្ញាធរ​ថៃ​បាន​បដិសេធ​ថា លោក Thaksin មិន​មាន​សិទ្ធិ​ពិសេស ដោយ​កំពុង​ស្ថិត​ក្នុង​បន្ទប់ VIP នៅ​មន្ទីរពេទ្យ Police General Hospital។លោក Nastee បាននិយាយថា ចាប់ពីសប្តាហ៍នេះ សាច់ញាត្តិអាចទៅសួរសុខទុក្ខលោក Thaksinនៅមន្ទីរពេទ្យ ។ប៉ុន្តែចំនួនភ្ញៀវមិនលើសពី១០ នាក់/ថ្ងៃទេ។ ភ្ញៀវ​ត្រូវ​ចុះឈ្មោះ​ជាមុន ហើយ​មិន​ត្រូវ​បាន​អនុញ្ញាត​ឲ្យ​ផ្តល់​អំណោយ​ណាមួយ​ដល់​លោក Thaksinឡើយ៕ប្រភព Bangkok Post