លោ​កXiប្រហែលជា​​មិនមកប្រទេស​ឥណ្ឌាដើម្បីចូលរួម​​កិច្ចប្រជុំកំពូល​G2​0​ទេ

 ប្រធានាធិបតីចិនលោកXi Jinping ប្រហែលជាមិនចូលរួមកិច្ចប្រជុំកំពូល G20នៅប្រទេសឥណ្ឌានៅសប្តាហ៍ក្រោយនេះទេ។ប៉ុន្តែហេតុផលមិនទាន់ដឹងនៅឡើយ។មន្ត្រីឥណ្ឌា២នាក់ដែលមិនបញ្ចេញឈ្មោះ រួមទាំងអ្នកការទូតម្នាក់ដែលធ្វើការនៅក្នុងប្រទេសចិនបាននិយាយថា នាយករដ្ឋមន្ត្រី Li Qiang នឹងដឹកនាំគណៈប្រតិភូចិនទៅកាន់កិច្ចប្រជុំកំពូល G20 ក្នុងនាមលោក Xi Jinping ជំនួសលោកប្រធានាធិបតី Xi Jinping នៅថ្ងៃទី៩-១០ខែកញ្ញា Reuters បានរាយការណ៍នៅថ្ងៃនេះ។

ប្រធានាធិបតីចិនលោកXi Jinping ។Reuters

មន្ត្រីជាន់ខ្ពស់រដ្ឋាភិបាលឥណ្ឌាម្នាក់ក៏បាននិយាយផងដែរថា "យើងដឹងថានាយករដ្ឋមន្រ្តីចិននឹងមក" ដើម្បីចូលរួមសន្និសីទក្នុងនាមលោក Xi ។នៅក្នុងប្រទេសចិន អ្នកការទូតបរទេស២នាក់ និងមន្ត្រីរដ្ឋាភិបាលមកពីប្រទេស G20 ផ្សេងទៀតក៏បាននិយាយផងដែរថា លោក Xi ប្រហែលជាមិនចូលរួមកិច្ចប្រជុំកំពូលនោះទេ។ ប្រភព​បាន​និយាយ​ថាពួក​គេ​ត្រូវ​បាន​មន្ត្រី​ចិន​ជូន​ដំណឹង​អំពី​រឿង​នេះ។ ប៉ុន្តែ​គេ​មិន​ច្បាស់​ថា​ហេតុ​អ្វី​បាន​ជា​លោក Xi អវត្តមាន​ពី​កិច្ច​ប្រជុំ។ក្រសួងការបរទេសចិន និងក្រសួងការបរទេសឥណ្ឌាមិនទាន់ឆ្លើយតបចំពោះព័ត៌មាននេះនៅឡើយទេ។សារព័ត៌មានក្យូដូរបស់ជប៉ុនបានរាយការណ៍ថានាយករដ្ឋមន្ត្រី Li Qiang ក៏អាចចូលរួមកិច្ចប្រជុំកំពូលអាស៊ាន និងដៃគូនៅទីក្រុងហ្សាកាតា ប្រទេសឥណ្ឌូនេស៊ី នៅថ្ងៃទី ៥-៧ ខែកញ្ញា។កិច្ចប្រជុំកំពូលG20នៅក្នុងប្រទេសឥណ្ឌាត្រូវបានគេមើលឃើញយ៉ាងទូលំទូលាយថាជាកន្លែងដែលលោក Xi អាចជួបជាមួយប្រធានាធិបតីអាមេរិក Joe Bidenខណៈដែលប្រទេសមហាអំណាចទាំងពីរស្វែងរកស្ថិរភាពទំនាក់ទំនងដែលបែកបាក់ដោយសារភាពតានតឹងផ្នែកពាណិជ្ជកម្ម និងភូមិសាស្ត្រនយោបាយ។លើកចុងក្រោយដែលមេដឹកនាំអាមេរិក និងចិនបានជួបគ្នាគឺនៅក្នុងព្រឹត្តិការណ៍មួយនៅខាងក្រៅកិច្ចប្រជុំកំពូលG20 នៅទីក្រុងបាលី ប្រទេសឥណ្ឌូនេស៊ី កាលពីខែវិច្ឆិកាឆ្នាំមុន។ប្រធានាធិបតីរុស្ស៊ី លោកVladimir Putinបានបញ្ជាក់ទៅកាន់នាយករដ្ឋមន្ត្រីឥណ្ឌា លោក Narendra Modi ថា លោកនឹងមិនធ្វើដំណើរទៅទីក្រុង New Delhi សម្រាប់កិច្ចប្រជុំកំពូល G20 នោះទេ។ ប៉ុន្តែលោកនឹងទៅជួបរដ្ឋមន្ត្រីការបរទេស Sergey Lavrov ជំនួសវិញ។លោក Xi បានធ្វើដំណើរទៅក្រៅប្រទេសតិចតួចណាស់ ចាប់តាំងពីប្រទេសចិនបានដកការរឹតបន្តឹងដើម្បីការពារCovid-19 នៅឆ្នាំនេះ។ទោះជាយ៉ាងណាក៏ដោយលោកបានចូលរួមកិច្ចប្រជុំកំពូលនៃក្រុម BRICS ដែលរួមមានប្រទេសដែលមានសេដ្ឋកិច្ចកំពុងរីកចម្រើនដូចជា ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូងនៅទីក្រុង Johannesburg ប្រទេសអាហ្វ្រិកខាងត្បូងកាលពីសប្តាហ៍មុន។លោក Xi និងលោក Modi មានការសន្ទនាដ៏កម្រមួយនៅក្រៅកិច្ចប្រជុំកំពូល BRICS នៅទីក្រុង Johannesburg ហើយបានពិភាក្សាអំពីការបន្ធូរបន្ថយភាពតានតឹងក្នុងទំនាក់ទំនងទ្វេភាគី ដែលបានក្លាយជាធ្ងន់ធ្ងរបន្ទាប់ពីការប៉ះទង្គិចគ្នានៅតាមព្រំដែនជម្លោះនៅសមុទ្រចិនខាងត្បូងHimalayasក្នុងឆ្នាំ២០២០បានបន្សល់ទុកទាហាន២៣នាក់ ស្លាប់។G20 គឺជាប្រទេសដែលមានសេដ្ឋកិច្ចកំពូលទាំង២០របស់ពិភពលោក ដែលស្មើនឹងជាង៩០% នៃសេដ្ឋកិច្ចពិភពលោកសរុប។ កិច្ចប្រជុំកំពូល G20 គឺជាកន្លែងដែលមេដឹកនាំពិភាក្សាអំពីបញ្ហាសេដ្ឋកិច្ចសំខាន់ៗ ជំរុញគោលនយោបាយទាក់ទងនឹងស្ថិរភាពស្ថានភាពហិរញ្ញវត្ថុអន្តរជាតិ ក៏ដូចជាការអភិវឌ្ឍន៍ទិសដៅសម្រាប់សេដ្ឋកិច្ចពិភពលោក។ ឥណ្ឌាជាប្រធានG20 នៅឆ្នាំនេះ។កិច្ចប្រជុំថ្នាក់រដ្ឋមន្ត្រី G20 ជាច្រើននៅក្នុងប្រទេសឥណ្ឌា នៅមុនកិច្ចប្រជុំកំពូលមានភាពចម្រូងចម្រាស ខណៈដែលរុស្ស៊ី និងចិនបានប្រឆាំងសេចក្តីថ្លែងការណ៍រួម រួមទាំងការថ្កោលទោសទីក្រុងម៉ូស្គូចំពោះសង្គ្រាមនៅអ៊ុយក្រែន៕ប្រភព Reuters