Bide​nបា​ន​​អំ​​ពាវនាវ​ឲ្យ​អាមេ​រិ​ក​រួបរួម​គ្នាខ​ណៈ​ដែ​ល​លោ​​​ក​បាន​រំឭក​ដល់​​ការ​វាយ​ប្រ​​ហារ​​ថ្ងៃ​ទី៩/១១

 ប្រធានាធិបតីBidenបានអំពាវនាវឱ្យប្រជាជនអាមេរិករួបរួមគ្នាទោះបីជាមានភាពខុសប្លែកគ្នាផ្នែកនយោបាយ ខណៈដែលប្រទេសនេះប្រារព្ធខួបលើកទី ២២នៃការវាយប្រហារភេរវកម្មថ្ងៃទី១១ខែកញ្ញា។លោកប្រធានាធិបតីអាមេរិកJoe Biden បាននិយាយនៅឯមូលដ្ឋានយោធានៅ Anchorage ថា "សូមឱ្យយើងរំលឹកដល់ថ្ងៃទី៩/១១ ដោយរក្សាជំនឿលើគ្នាទៅវិញទៅមក។ យើងមិនត្រូវបាត់បង់ស្មារតីនៃសាមគ្គីភាពជាតិឡើយ។ដូច្នេះសូមឱ្យយើងចាត់ទុកវាជាគោលដៅរួមនៃសម័យកាល" ។ អាឡាស្កា​នៅ​ពេល​ប្រារព្ធ​ខួប​២២​ឆ្នាំ​នៃ​ការ​វាយ​ប្រហារ​ភេរវកម្ម​ថ្ងៃ​ទី​១១​កញ្ញា។

ប្រធានាធិបតីអាមេរិកលោក Joe Biden បាននិយាយនៅក្នុងពិធីខួបលើកទី ២២នៃការវាយប្រហារភេរវកម្មថ្ងៃទី១១ខែកញ្ញានៅឯមូលដ្ឋានយោធានៅ Anchorage រដ្ឋ Alaska ។ រូបថត៖ AFP

ប្រធានាធិបតី​សហរដ្ឋ​អាមេរិក​បាន​បញ្ជាក់​ថាអំពើ​ភេរវកម្ម រួម​ទាំង​អំពើ​ហិង្សា​ផ្នែក​នយោបាយនិង​មនោគមវិជ្ជាប្រឆាំង​នឹង​អ្វី​ដែល​ប្រទេស​នេះ​តំណាង។ប្រធានសេតវិមានក៏បានកត់សម្គាល់នៅក្នុងសុន្ទរកថារបស់លោកថាលោកបានបញ្ជាឱ្យបំផ្លាញ Ayman al-Zawahiri ដែលជាអ្នកស្នងតំណែងរបស់ភេរវករ bin Laden នៅក្នុងការវាយប្រហារតាមអាកាសនៅប្រទេសអាហ្វហ្គានីស្ថានកាលពីឆ្នាំមុន។លោកប្រធានាធិបតីBidenបាននិយាយថា"ព្រលឹងអាមេរិកគឺជាភាពក្លាហានដែលយើងបានបង្ហាញនៅក្នុងការភ័យខ្លាចដ៏អាក្រក់នៃ៩/១១ ។ ភេរវករបានគិតថាពួកគេអាចនាំយើងឱ្យលុតជង្គង់របស់យើង បំបែកការតាំងចិត្តរបស់យើង។ ប៉ុន្តែពួកគេខុស" លោកប្រធានាធិបតី Biden បាននិយាយថា។សុន្ទរកថារបស់លោក Biden ត្រូវបានលើកឡើងក្នុងបរិបទនៃសហរដ្ឋអាមេរិកដែលមានភាពលំអៀងកាន់តែខ្លាំងឡើង ដែលឈានដល់ការបញ្ចប់កុបកម្ម Capitol Hill នៅថ្ងៃទី៦ ខែមករាឆ្នាំ២០២១ដែលនៅតែមានភាពរស់រវើកក្នុងការចងចាំជាសាធារណៈ។កាលពីថ្ងៃទី១១ខែកញ្ញា នៅទីក្រុងញូវយ៉ក វ៉ាស៊ីនតោន និងរដ្ឋ Pennsylvania កន្លែងដែលរងការវាយប្រហារដោយភេរវករកាលពី២២ ឆ្នាំមុន បានបន្លឺកណ្តឹងរំលឹក និងអានឈ្មោះជនរងគ្រោះជិត៣,000 នាក់។នៅទីក្រុងញូវយ៉ក អនុប្រធានាធិបតីសហរដ្ឋអាមេរិក Kamala Harris អភិបាលក្រុងបច្ចុប្បន្ននិងអតីតអភិបាលក្រុងបានចូលរួមជាមួយក្រុមគ្រួសារជនរងគ្រោះដើម្បីចូលរួមពិធីរំលឹកវិញ្ញាណក្ខន្ធនៅអគារភ្លោះដែលត្រូវបានវាយប្រហារកាលពីថ្ងៃទី១១ខែកញ្ញា។នៅថ្ងៃទី១១ខែកញ្ញា ឆ្នាំ២០០១ក្រុមភេវករបានគ្រប់គ្រងយន្តហោះពាណិជ្ជកម្ម ដោយបានធ្លាក់ចូលទៅក្នុងមជ្ឈមណ្ឌលពាណិជ្ជកម្មពិភពលោកនៅទីក្រុងញូវយ៉ក មន្ទីរបញ្ចកោណក្នុងទីក្រុងវ៉ាស៊ីនតោនឌីស៊ី និងវាលមួយនៅរដ្ឋ Pennsylvania ។ ការវាយប្រហារនេះបានធ្វើឱ្យមនុស្សជិត៣,000 នាក់បានស្លាប់និងប៉មភ្លោះកម្ពស់១១0ជាន់នៃមជ្ឈមណ្ឌលពាណិជ្ជកម្មពិភពលោកត្រូវបានបំផ្លាញ៕ប្រភពAFP