រុស្ស៊ី-កូរ៉េ​ខាង​​ជើង'មិន​បាន​ចុះហត្ថលេ​ខា​លើកិច្ចព្រមព្រៀងមួយ​'​ក្នុងអំឡុងពេ​លទស្សនកិច្ចរប​ស់លោកKim Jon​g-un

វិមានក្រឹមឡាំងបាននិយាយថាគ្មានកិច្ចព្រមព្រៀងណាមួយត្រូវបានចុះហត្ថលេខារវាងទីក្រុងម៉ូស្គូនិងទីក្រុងព្យុងយ៉ាងនៅពេលដែលមេដឹកនាំKim Jong-unបំពេញទស្សនកិច្ចនៅប្រទេសរុស្ស៊ី។

ប្រធានាធិបតី Putin ចាប់ដៃជាមួយមេដឹកនាំកូរ៉េខាងជើង លោកKimជុងអ៊ុន ក្នុងកិច្ចប្រជុំមួយនៅ Far East នៅថ្ងៃទី១៣ខែកញ្ញា។ រូបថត៖ KCNA

អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅថ្ងៃនេះថា"ទេភាគីទាំង២មិនបានចុះហត្ថលេខាលើកិច្ចព្រមព្រៀងណាមួយទេ ទាំងក្នុងវិស័យយោធានិងវិស័យផ្សេងទៀត។ យើងមិនមានគម្រោងចុះហត្ថលេខាលើកិច្ចព្រមព្រៀងទេ" ។ សេចក្តីថ្លែងការណ៍នេះ ត្រូវបានធ្វើឡើងបន្ទាប់ពីសហរដ្ឋអាមេរិក និងកូរ៉េខាងត្បូងបានព្រមានថា កិច្ចសហប្រតិបត្តិការយោធារវាងរុស្ស៊ី និងកូរ៉េខាងជើងមានហានិភ័យនៃការរំលោភលើទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ។បន្ទាប់មកប្រធានាធិបតីVladimir Putinបានប្រកាសថារុស្ស៊ីនិងកូរ៉េខាងជើងមិនបង្កការគំរាមកំហែងដល់ប្រទេសដទៃឡើយ ហើយបានសង្កត់ធ្ងន់ថា ទីក្រុងម៉ូស្គូគ្មានចេតនារំលោភលើបទដ្ឋាននិងកិច្ចព្រមព្រៀងអន្តរជាតិ ក្នុងកិច្ចខិតខំប្រឹងប្រែងកសាងទំនាក់ទំនងជាមួយរុស្ស៊ី នៅទីក្រុងព្យុងយ៉ាង។ចៅហ្វាយវិមានក្រឹមឡាំងបាននិយាយថា"យើងមិនបង្កហេតុបង្កើនភាពតានតឹងឬគំរាមកំហែងនរណាម្នាក់ទេ។ យើងតែងតែពិភាក្សាដោយបើកចំហ ហើយនឹងមិនបំពានលើបទប្បញ្ញត្តិណាមួយឡើយ។ ពិតណាស់ ភាគីទាំង២នឹងស្វែងរកឱកាសដើម្បីអភិវឌ្ឍទំនាក់ទំនងរុស្ស៊ី-កូរ៉េខាងជើង" ។កាលពីថ្ងៃទី១២ខែកញ្ញាមេដឹកនាំកូរ៉េខាងជើងបានមកដល់រុស្ស៊ីតាមរថភ្លើងតាមការអញ្ជើញរបស់ប្រធានាធិបតីPutin។ នេះជាដំណើរទៅក្រៅប្រទេសលើកដំបូងរបស់លោកKim Jong-unចាប់តាំងពីឆ្នាំ២០១៩។ នៅក្នុងកិច្ចប្រជុំកំពូលនៅ Far East កាលពីថ្ងៃទី ១៣ខែកញ្ញា លោកប្រធានាធិបតី Putin បានលើកឡើងពីលទ្ធភាពនៃកិច្ចសហប្រតិបត្តិការបច្ចេកទេសយោធាជាមួយកូរ៉េខាងជើងខណៈនៅតែគោរពយ៉ាងពេញលេញជាមួយនឹងការរឹតបន្តឹងអន្តរជាតិ។លោកPutinបានត្រឡប់ទៅទីក្រុងម៉ូស្គូវិញដើម្បីជួបសមភាគីបេឡារុស លោក Alexander Lukashenko ខណៈដែលលោកKim Jong-un នឹងបន្តដំណើរទស្សនកិច្ចរបស់លោកទៅកាន់ប្រទេសរុស្ស៊ី «នៅប៉ុន្មានថ្ងៃខាងមុខ»។អ្នកនាំពាក្យក្រសួងការបរទេសអាមេរិក លោក Matthew Millerបានពណ៌នាសកម្មភាពសហប្រតិបត្តិការណាមួយរវាងរុស្ស៊ី និងកូរ៉េខាងជើងថា"មានបញ្ហានិងទំនងជាបំពានលើដំណោះស្រាយជាច្រើនរបស់ក្រុមប្រឹក្សាសន្តិសុខអង្គការសហប្រជាជាតិ"។កូរ៉េខាងត្បូងបានសម្តែង "ការព្រួយបារម្ភយ៉ាងខ្លាំង និងការសោកស្តាយដែលកូរ៉េខាងជើង និងរុស្ស៊ីបានពិភាក្សាអំពីបញ្ហាកិច្ចសហប្រតិបត្តិការយោធា ទោះបីជាមានការព្រមានពីសហគមន៍អន្តរជាតិក៏ដោយ"៕ប្រភពInterfax, Reuters