ក្រុមហ៊ុន​ភេ​សជ្ជៈ​ថៃ​គ្រោងវិនិ​យោគ​របស់​ខ្លួន​ចំនួន​​៧​​ប៊ី​លាន​បាត​នៅ​កម្ពុជា

 ក្រុមហ៊ុន​អាហារ​និង​ភេសជ្ជៈ​ដែល​ចុះបញ្ជី​នៅ​សិង្ហបុរី​ ​Thai​Be​v​ ​បាន​បង្ហាញ​ផែនការ​វិនិយោគ​របស់​ខ្លួន​ចំនួន​​៧​ប៊ី​លាន​បាត​ដើម្បី​ពង្រីក​ប្រតិបត្តិការ​ក្នុងស្រុកនិង​បរទេស​។​​ការពង្រីក​នេះ​រួម​មានការ​សាងសង់​រោងចក្រ​ផលិត​ភេសជ្ជៈ​ថ្មី​នៅ​ក្នុង​ប្រទេស​កម្ពុជា​ ​ក៏ដូចជា​ឃ្លាំង​ភស្តុភារ​កម្ម​ ​រោងចក្រ​ជី​វ​ឧស្ម័ន​ ​និង​គំនិត​ផ្តួចផ្តើម​យុទ្ធសាស្ត្រ​ផ្សេងៗ​ទៀត​។​ ​ក្រុមហ៊ុន​ ​Thai​Be​v​ ​មាន​គោលបំណង​ពង្រឹង​ម៉ាក​យីហោ​របស់​ខ្លួន​និង​កែ​លម្អ​ជំ​ហ​ប្រកួតប្រជែង​របស់​ខ្លួន​នៅ​ក្នុង​ឧស្សាហកម្ម​នេះ​។​ដោយ​ទទួលស្គាល់​ការ​ស្ទុះ​ងើបឡើង​វិញ​នៃ​វិ​ស​័​យ​ទេសចរណ៍​ ​និង​ឧស្សាហកម្ម​ម្ហូបអាហារ​ ​និង​ភេសជ្ជៈ​ ​លោក​ ​T​hap​an​a​ ​Sir​i​v​a​d​h​a​nab​h​a​k​d​i​ ​នាយក​ប្រតិបត្តិ​ក្រុមហ៊ុន​ ​Thai​Be​v​ ​បាន​និយាយ​ថា​ ​ក្រុមហ៊ុន​កំពុង​ធានា​នូវ​កំណើន​ប្រកបដោយ​និរន្តរភាព​តាមរយៈ​សសរស្តម្ភ​យុទ្ធសាស្ត្រ​ចំនួន​បី​៖​ ​ការ​អភិវឌ្ឍន៍​ ​និរន្តរភាព​ ​និង​ការ​ជ​ម្រុ​ញ​ដំណើរការ​។​ ​នេះ​រួមបញ្ចូល​ទាំង​ការ​ធ្វើ​ពិពិធ​កម្ម​វត្តមាន​ទី​ផ្សារ​ ​ពង្រីក​ផល​ប័ត្រ​ផលិតផល​របស់​ខ្លួន​ ​និង​ការ​បំពេញ​តម្រូវ​ការ​អ្នកប្រើប្រាស់​ដែល​កំពុង​វិវត្ត​។​ក្រុមហ៊ុន​ ​Thai​Be​v​ ​គ្រោង​នឹង​វិនិយោគ​ទឹកប្រាក់​ចំនួន​៤​ប៊ី​លាន​បាត​ក្នុង​ការ​សាងសង់​រោងចក្រ​ផលិត​ភេសជ្ជៈ​ថ្មី​មួយ​នៅ​ក្នុង​ប្រទេស​កម្ពុជា​ ​ដែល​នឹង​ក្លាយ​ជា​រោងចក្រ​ផលិត​ស្រា​បៀរ​ទី​១​របស់​ខ្លួន​។​​រោងចក្រ​នេះ​ត្រូវ​បាន​គេ​រំពឹង​ថា​នឹង​សាងសង់​រួចរាល់​ក្នុងរយៈពេល​២ឆ្នាំ​ ​ហើយនឹង​មាន​សមត្ថភាព​ផលិត​៥​០​លាន​ហិកតូលីត្រ​ក្នុង​មួយ​ឆ្នាំ​។​ ​ការ​វិនិយោគ​នេះ​ឆ្លុះបញ្ចាំង​ពី​ទំនុក​ចិត្ត​របស់​ក្រុមហ៊ុន​ចំពោះ​សក្តានុពល​កំណើន​នៃ​ទី​ផ្សារ​កម្ពុជា​។​ទោះបីជា​មាន​បញ្ហា​ប្រឈម​ក្នុង​អាជីវកម្ម​ស្រា​បៀរ​របស់​ខ្លួន​ក្នុង​ប្រទេស​វៀតណាម​ ​ដោយសារ​តម្រូវ​ការ​តិច​ចំ​ពេល​មានវិបត្តិ​ម៉ា​ក្រូ​សេដ្ឋកិច្ច​ក៏ដោយ​ ​ក៏​ផ្នែក​ស្រា​បៀរ​ ​Thai​Be​v​ ​ក្នុង​ប្រទេស​ថៃ​មានការ​ងើបឡើង​វិញ​ជាមួយនឹង​ការ​ស្ទុះ​ងើបឡើង​វិញ​នៃ​សកម្មភាព​សេដ្ឋកិច្ច​ ​និង​ការ​ត្រឡប់មកវិញ​នៃ​ភ្ញៀវ​ទេសចរ​។​ ​លោក​ ​M​i​c​h​a​e​l​ C​h​y​e​ ​H​in​ ​F​a​h​ ​ប្រធាន​ក្រុម​ផលិតផល​ស្រា​បៀរ​ ​Thai​Be​v​ ​បាន​លើកឡើង​ពី​ទស្សនវិស័យ​វិជ្ជមាន​សម្រាប់​អាជីវកម្ម​ស្រា​បៀរ​ថៃ​។​បន្ថែម​ពីលើ​ការពង្រីក​វត្តមាន​របស់​ខ្លួន​នៅ​ក្នុង​ទី​ផ្សារ​ស្រា​បៀរ​ ​Thai​Be​v​ ​មាន​គោលបំណង​ពង្រឹង​ជំហរ​របស់​ខ្លួន​នៅ​ក្នុង​ទី​ផ្សារ​ស្រា​បៀ​លំដាប់​ខ្ពស់​ជា​លក្ខណៈ​អន្តរជាតិ​។​ ​ក្រុមហ៊ុន​បាន​ពង្រីក​ផល​ប័ត្រ​របស់​ខ្លួន​យ៉ាង​ខ្លាំង​នៃ​ស្រា​បៀ​លំដាប់​ខ្ពស់​ជា​លក្ខណៈ​អន្តរជាតិ​ ​និង​ពង្រឹង​បណ្តាញ​ចែកចាយ​របស់​ខ្លួន​តាមរយៈ​ការ​ទិញ​យក​ដូចជា​ ​L​ar​s​e​n ​Cog​n​a​c ​និង​ ​Card​ron​a​ ​Distillery​ ​។​

ប្រធាន​​និង​ជានា​យក​ប្រតិបត្តិ​ក្រុមហ៊ុន​ភេសជ្ជៈ​ថៃ​ ​Thai​Be​v​ ​លោក​ ​T​hap​an​a​ ​Sir​i​v​a​d​h​a​nab​h​a​k​d​i​ (​រូបថត​៖​ ​Bang​kok ​Post​)

ក្រុមហ៊ុន​ ​Thai​Be​v​ ​ក៏​គ្រោង​នឹង​វិនិយោគ​ពី​ ​៨​០​០​ ​លាន​ទៅ​ ​១​ប៊ី​លាន​បាត​ ​ក្នុង​ការពង្រីក​អាជីវកម្ម​ម្ហូបអាហារ​របស់​ខ្លួន​ ​ដោយ​ផ្តោត​លើ​ម៉ាក​ល្បី​ៗ​ K​F​C ​និង​ O​i​s​h​i​ ​។​ ​ក្រុមហ៊ុន​មានបំណង​បើក​ភោជនីយដ្ឋាន​ថ្មីៗ​ពី​៥​០​ទៅ​៦​០​ ​ក្នុង​ឆ្នាំ​សារពើពន្ធ​បច្ចុប្បន្ន​ ​ដោយ​ពង្រីក​លទ្ធភាព​របស់​ខ្លួន​បន្ថែម​ទៀត​នៅ​ក្នុង​ឧស្សាហកម្ម​ម្ហូបអាហារ​។​ទោះបីជា​មានការ​កើន​ឡើងថ្លៃ​ដើម​ទាក់ទង​នឹង​វត្ថុធាតុដើម​ ​ឧបករណ៍​ប្រើប្រាស់​ ​កម្លាំង​ពលកម្ម​ ​និង​ការ​ចំណាយ​មុន​បើក​ហាង​ថ្មី​ក៏ដោយ​ ​ក៏​អាជីវកម្ម​ម្ហូបអាហារ​របស់​ ​Thai​Be​v​ ​បាន​បង្ហាញ​ពី​កំណើន​គួរ​ឱ្យ​កត់​សម្គាល់​ ​ជាមួយនឹង​ប្រាក់ចំណូល​ចំនួន​១​៤​,​៣​ប៊ី​លាន​បាត​សម្រាប់​រយៈពេល​ប្រាំបួន​ខែ​ដំបូង​នៃ​ឆ្នាំ​សារពើពន្ធ​ដែល​បញ្ចប់​នៅ​ថ្ងៃ​ទី​៣​០​ ​ខែ​មិថុនា​។​ ​ក្រុមហ៊ុន​បាន​បើក​ដំណើរការ​ភោជនីយដ្ឋាន​ចំនួន​៤​៣​ ​ក្នុង​អំឡុង​ពេលនេះ​ ​ដែល​នាំ​ឱ្យ​ចំនួន​ហាង​សរុប​ដល់​៧​៧​១​កន្លែង​។​​ក្រុមហ៊ុន​ ​Thai​Be​v​ ​បាន​រាយការណ៍​ពី​ប្រាក់ចំណូល​ចំនួន​២​១​៦​ពាន់​លាន​បាត​សម្រាប់​រយៈពេល​៩​ខែ​ដំបូង​នៃ​ឆ្នាំនេះ​ ​ដែល​កើន​ឡើង​ ​៣​,​៨​% ​ធៀប​នឹង​រយៈពេល​មួយ​ឆ្នាំ​។​ ​កំណើន​ប្រាក់ចំណូល​អាច​ត្រូវ​បាន​គេ​សន្មត​ថា​បាន​មកពី​ការ​រួមចំណែក​នៃ​ប្រាក់ចំណូល​ពី​កា​រលក់​ដែល​មាន​ភាព​ប្រសើរ​ឡើង​ពី​គ្រប់​ផ្នែក​អាជីវកម្ម​ ​ដែល​ជំរុញ​ដោយ​ការ​កើន​ឡើង​នៃ​សកម្មភាព​សេដ្ឋកិច្ច​ ​និង​ការ​ងើបឡើង​វិញ​នៃ​ឧស្សាហកម្ម​ទេសចរណ៍​របស់​ប្រទេស​ថៃ​៕Thai​g​e​r/KhmerTimes