លោកសម រង្ស៊ីប្រមុខអតីតបក្សប្រឆាំងប្រកាសស្វែងថវិកាជួលយន្តហោះដឹកនិស្សិតនិងពលរដ្ឋខ្មែរដែលកំពុងជាប់គាំងនៅប្រទេសអ៊ីស្រាអែលវិលមកកម្ពុជាវិញ។នេះបើតាមការចេញរបស់RFI។ ការប្រកាសរបស់លោក សម រង្ស៊ី គឺជាការឆ្លើយតបទៅនឹងសំណួររបស់វិទ្យុអាស៊ីសេរី ដែលថាទាំងលោក ហ៊ុន សែន និងលោក ហ៊ុន ម៉ាណែត បានបញ្ជាក់ជំហរហើយថានឹងមិនទៅដឹកពលរដ្ឋខ្មែរចេញពីអ៊ីស្រាអែលទេដរាបណាមិនមានការស្នើពីអ៊ីស្រាអែល។សម្រាប់ លោក សម រង្ស៊ី ការសម្រេចចិត្តរបស់រដ្ឋាភិបាលកម្ពុជាបែបនេះគឺធ្វើឲ្យលោកមានការងឿងឆ្ងល់ ខណៈដែលបណ្តាប្រទេសជាច្រើនបានយកយន្តទៅជម្លៀសពលរដ្ឋរបស់គេចេញពីអ៊ីស្រាអែល គ្រាដែលប្រទេសនេះកំពុងមានសង្គ្រាមរីកកាន់តែធំ។
 |
លោកសម រង្ស៊ីអតីតប្រធានគណបក្សប្រឆាំងនៅកម្ពុជា ថ្លែងទៅកាន់ប្រព័ន្ធផ្សព្វផ្សាយនៅទីក្រុងកូឡាឡាំពួរក្នុងឆ្នាំ២០១៩។រូបភាពReuters
|
សូមបញ្ជាក់ថា ប្រមុខរដ្ឋាភិបាលកម្ពុជា លោក ហ៊ុន ម៉ាណែត កាលពីម្សិលមិញបានប្រាប់ពលរដ្ឋខ្មែរនៅអ៊ីស្រាអែលឲ្យជឿទុកចិត្តលើរដ្ឋាភិបាលប្រទេសនេះ ក្នុងការធានានូវសុវត្ថិភាពដល់ពួកគេដែលកំពុងជាប់នៅទីនោះគ្រាដែលសង្គ្រាម បានឈានចូលដល់ថ្ងៃទី៤ហើយ។ ការបញ្ជាក់ជំហររបស់លោក ហ៊ុន ម៉ាណែត គឺធ្វើក្រោយពេលលោក ហ៊ុន សែន បានថ្លែងនៅចំពោះមុខកូនប្រុសដែលជានាយករដ្ឋមន្ត្រី ក្នុងពិធីបិទការថតភាពយន្តរបស់លោកថាឲ្យដកពិសោធន៍កាលពីសម័យកូវីដដែលកម្ពុជាមិនព្រមជម្លៀសពលរដ្ឋខ្មែរចេញពីវ៉ូហានប្រទេសចិននិងករណីប្រឈមដាក់គ្នារវាងកូរ៉េខាងត្បូងនិងកូរ៉េខាងជើងអំឡុងឆ្នាំ២០១៣។ លោក ហ៊ុន សែន ព្រមានថាបើរត់ចោលអ៊ីស្រាអែលពេលនេះ គឺកុំសង្ឈឹមទៅសុំអាហាររូបករណ៍ទៅសិក្សាប្រទេសនេះបានទៀតនោះ។ប៉ុន្តែអ្នកតាមដានសភាពការណ៍លើកឡើងថា រដ្ឋាភិបាលកម្ពុជា គួរតែទៅដឹកពលរដ្ឋខ្មែរមកកម្ពុជាវិញ ដើម្បីការពារអាយុជីវិតពួកគេ ខណៈដែលសង្គ្រាមនៅអ៊ីស្រាអែលបានធ្វើឲ្យពលរដ្ឋខ្មែរម្នាក់បានស្លាប់ និងមនុស្សរាប់រយនាក់បានបាត់បង់ជីវិត ចាប់តាំងពីពេលពួកហាម៉ាស់បើកការវាយប្រហារលើអ៊ីស្រាអែល នៅតំបន់ហ្កាស្សាកាលពីថ្ងៃទី៧តុលា។បើតាមលោក សម រង្ស៊ី នៅពេលមានសង្គ្រាមបែបនេះ ការជួយជម្លៀសជនបរទេសចេញពីអ៊ីស្រាអែលគឺជាការជួយសម្រាកបន្ទុករបស់ប្រទេសនេះទៅវិញទេ។ លោកថា សូម្បីសហរដ្ឋអាមេរិក បារាំង ជាដើមគឺសុទ្ធតែបានប្រើយន្តហោះទៅដឹកប្រជាជនគេចេញពីប្រទេសដែលកំពុងតែមានសង្គ្រាម កើតពីព្រោះសង្គ្រាមមានគ្រោះថ្នាក់ខ្លាំងជាងជំងឺឆ្លងដែលមិនអាចសម្ងំនៅតែក្នុងផ្ទះអាចចៀសផុតបានឡើយ។គួររំឭកថា ការផ្ទុះសង្គ្រាមរវាងពួកហាម៉ាសប៉ាលេស្ទីនជាមួយអ៊ីស្រាអែលបានធ្វើនិស្សិតខ្មែរម្នាក់ស្លាប់កាលពីថ្ងៃទី៧តុលា ។បច្ចុប្បន្ននិស្សិតខ្មែរជាច្រើនបានអំពាវនាវឲ្យរដ្ឋាភិបាលកម្ពុជាទៅដឹកពួកគេត្រឡប់មកកម្ពុជាវិញ គ្រាដែលពលរដ្ឋខ្មែរជាង១០០នាក់កំពុងស្ថិតក្នុងតំបន់គ្រោះថ្នាក់ និងជាង៣០០នាក់ត្រូវបានជម្លៀសទៅកាន់កន្លែងមានសុវត្ថិភាព។ នេះបើតាមប្រមុខរដ្ឋាភិបាលកម្ពុជា គិតត្រឹមថ្ងៃម្សិលមិញ៕RFI
/unnamed.png
Post a Comment