រថភ្លើង​ពិ​សេស​ផ្តល់​នូវ​ការធ្វើដំ​ណើរ​ក​ម្សាន្ត​ដ៏​អស្ចារ្យ​ដើ​ម្បី​ស្វែងយល់​ពី​ទី​​ជនបទ​របស់​ប្រទេ​ស​កម្ពុជា​

ការ​ជិះ​លើ​រថភ្លើង​ពិសេស​(​Chairman​’s ​Train​) ​ដែល​ត្រូវ​បាន​កែ​លម្អ​រយ៉ា​ង​ល្អិតល្អន់​បាន​ផ្តល់​នូវ​មធ្យោបាយ​ដ៏​ប្រណិត​ ​និង​អស្ចារ្យ​ដើម្បី​ទទួល​បាន​នូវ​បទពិសោធន៍​ពី​ទី​ជនបទ​របស់​ប្រទេស​កម្ពុជា​។​ដំណើរ​ក​ម្សាន្ត​តាម​រថភ្លើង​ (​Railway​ ​Adventure​s) ​ដែល​ល្បីល្បាញ​សម្រាប់​ដំណើរ​ទេសចរណ៍​តាមផ្លូវ​ដែក​ជា​លក្ខណៈ​ឯកជន​និង​គួរ​ឱ្យ​ទាក់ទាញ​ ​បាន​ក្លាយ​ជា​ប្រតិបត្តិ​ករ​អូស្ត្រាលី​ដំបូង​គេ​ដែល​ជួល​ផ្តាច់មុខ​នូវ​រថភ្លើង​ពិសេស​ដែល​មាន​ប្រវត្តិ​យូរលង់​នេះ​។​

រូប​ថតនៃ​ទូរ​រថភ្លើង​ពិសេស​ក្បែរ​ឧទ្យាន​ជាតិ​បូកគោ​។​ ​P​i​c​tur​e​ s​up​p​lie​d​/KhmerTimes

ដើម្បី​អប​អរសាទរ​ព្រឹត្តិការណ៍​ដ៏​សំខាន់​នេះ​ ​ដំណើរ​ក​ម្សាន្ត​តាម​រថភ្លើង​ (​Railway​ ​Adventure​s) ​កំពុង​បង្ហាញ​បទពិសោធន៍​ទេសចរណ៍​ថ្មី​ដែល​នឹង​ប្រព្រឹត្តទៅ​នៅ​ឆ្នាំក្រោយ​។​ដោយ​ចាប់ផ្តើម​នៅ​ក្នុង​រាជធានី​ភ្នំពេញ​ដែល​មាន​ភាព​អ៊ូអរ​នៅ​ថ្ងៃ​ទី​៦​ ​ខែ​មីនា​ ​ដំណើរ​ទេសចរណ៍​ជា​ក្រុម​តូច​នឹង​ធ្វើដំណើរ​តាម​បណ្តាញ​ផ្លូវដែក​​Royal​ ​Cam​bo​d​i​a​ ​ដែល​ទើបនឹង​ត្រូវ​បាន​កែ​លម្អ​រ​ឡើងវិញ​ ​ដោយធ្វើ​ការ​ឈប់ចត​នៅ​គោលដៅ​ដែល​មាន​ទេសភាព​ដ៏​ស្រស់​ស្អាត​ដូចជា​នៅ​ខេត្ត​សៀមរាប​ ​ព្រះ​សី​ហ​នុ ​កែប​ ​និង​បាត់​ដំបង​។​ ​ដោយ​ត្រូវ​បាន​សាងសង់​ក្នុង​ទ​ស្ស​វត្សរ៍​ឆ្នាំ​១​៩​៣​០​ ​រថភ្លើង​ប្រវត្តិសាស្ត្រ​នេះ​ធ្លាប់​ត្រូវ​បាន​ប្រើប្រាស់​ដោយ​អតីត​ព្រះមហាក្សត្រ​នៃ​ព្រះរាជាណាចក្រកម្ពុជា​ ​ដោយមាន​ទូរ​បម្រើ​ម្ហូបអាហារ​ជា​លក្ខណៈ​ឯកជន​ ​ទូរ​ទទួល​ភ្ញៀវ​ ​និង​ទូ​រថភ្លើង​ឯកជន​ដើម​របស់​ព្រះមហាក្សត្រ​។​​តម្លៃ​មាន​ចាប់ពី​ ​៧​៨​៩​៥​ដុល្លារ​ ​ក្នុង​ម្នាក់​ ​សម្រាប់​បន្ទប់​រួម​ (​twin​ ​share​) ​ហើយ​ដំណើរ​ទេសចរណ៍​រួម​មានការ​ស្នាក់​នៅ​រយៈពេល​៩​យប់​ប្រកបដោយ​គុណភាព​ ​កន្លែង​ស្នាក់​នៅ​ដែល​មាន​ទីតាំង​ចំកណ្តាល​ ​ជាមួយនឹង​អាហារ​ពេលព្រឹក​ប្រចាំថ្ងៃ​និង​អាហារ​ក្នុងស្រុក​ផ្សេងៗ​។​ ​ភ្ញៀវ​នឹង​ត្រូវ​បាន​ទទួលស្វាគមន៍​ ​និង​រៀបចំ​អាហារ​ពេលល្ងាច​ជូនដំណើរ​ ​រួម​ជាមួយនឹង​ភេសជ្ជៈ​។​ ​ពេញ​មួយ​ការធ្វើដំណើរ​ ​ពួកគេ​នឹង​ប្រើប្រាស់​រថភ្លើង​ពិសេស​នេះ​ផ្តាច់មុខ​ដែល​ធ្វើ​ឱ្យ​អ្នកទទួល​បាន​នូវ​បទពិសោធន៍​ដ៏​ស្និទ្ធស្នាល​ ​និង​អស្ចារ្យ​។​ដំណើរ​ទេសចរណ៍​អម​ដោយ​ម​គ្គុទេ្ទ​សក៍ផ្តល់​ជូន​នូវ​ដំណើរ​កំសាន្ត​ដ៏​សម្បូរ​បែប​​ដែល​ដឹកនាំ​ដោយ​មគ្គុទ្ទេសក៍​ក្នុងស្រុក​ដែល​មានចំណេះ​ដឹង​ដើម្បី​បង្កើន​ការ​ស្វែងយល់​នៃ​គោលដៅ​នីមួយៗ​។​ ​ប្រធាន​ដឹកនាំ​នឹង​នៅចាំ​ជូន​ភ្ញៀវ​នៅ​ថ្ងៃ​ធ្វើដំណើរ​តាមផ្លូវ​ដែក​ផង​ដែរ​ ​ដោយ​ធានា​បាន​នូវ​បទពិសោធន៍​ប្រកបដោយ​ផាសុកភាព​ ​និង​ដោយ​រលូន​។​ ​ការ​ជូនដំណើរ​ត្រឡប់​ទៅកាន់​អាកាសយានដ្ឋាន​វិញ​នៅ​ក្នុង​ប្រទេស​កម្ពុជា​ក៏​ត្រូវ​បាន​រួមបញ្ចូល​ផង​ដែរ​។ ​ដែល​ធ្វើឲ្យ​ការរៀបចំ​ការធ្វើដំណើរ​មិន​មាន​ការពិបាក​នោះ​ឡើយ​។​សម្រាប់​អ្នក​ដែល​កំពុង​ស្វែងរក​ដំណើរ​ក​ម្សាន្ត​តាម​រថភ្លើង​នៅ​អាស៊ី​ ​Railway​ ​Adventure​s ​ផ្តល់​ជម្រើស​ក្នុង​ការធ្វើដំណើរ​បន្ត​ពី​ខេត្ត​សៀមរាប​ទៅ​ទីក្រុង​ហូ​ជី​មិញ​ ​ដើម្បី​ភ្ជាប់​ដំណើរ​ក​ម្សាន្ត​តាមផ្លូវ​ដែក​វៀតណាម​ (​Vietnam​ ​Railway​ ​Adventure​)​។​ ​ចេញដំណើរ​នៅ​ល្ងាច​ថ្ងៃ​ទី​១​៥​ ​ខែ​មីនា​ ​ការ​ព​ន្យា​នេះ​ផ្តល់​ឱកាស​ដើម្បី​បន្ត​ស្វែងយល់​ពី​ទេសភាព​ចម្រុះ​ក្នុង​តំបន់​ ​និង​បេតិកភណ្ឌ​វប្បធម៌​ដ៏​សម្បូរ​បែប​។​ដោយ​រួមបញ្ចូល​គ្នា​នូវ​ភាព​ទាក់ទាញ​នៃ​ការធ្វើដំណើរ​តាម​រថភ្លើង​ជាមួយនឹង​ភាព​ទាក់ទាញ​នៃ​ជនបទ​របស់​ប្រទេស​កម្ពុជា​ ​ដំណើរ​ក​ម្សាន្ត​តាម​រថភ្លើង​ ​Chairman​’s ​Train​ ​បង្ហាញ​ពី​បទពិសោធន៍​ដ៏​ពិសេស​មួយ​។​ ​ជាមួយនឹង​ប្រវត្តិ​សា​ស្រ្ត​ដ៏​សម្បូរ​បែប​ ​និង​ការ​កែ​លម្អ​រ​ដ៏​ល្អឥតខ្ចោះ​ ​ការធ្វើដំណើរ​ផ្តាច់មុខ​នេះ​សន្យា​ថា​នឹង​បង្កើត​នូវ​អនុ​ស្សា​វ​រី​យ៍​ដែល​មិន​អាច​បំភ្លេច​បាន​សម្រាប់​អ្នក​ធ្វើដំណើរ​។​អ្នកនាំពាក្យ​ ​Railway​ ​Adventure​s ​បាន​និយាយ​ថា​ “​ដំណើរ​ក​ម្សាន្ត​តាម​រថភ្លើង​ ​Chairman​’s ​Train​ ​ដែល​ត្រូវ​បាន​កែ​លម្អ​រយ៉ា​ង​ល្អិតល្អន់​ ​អនុញ្ញាត​ឱ្យ​អ្នក​ធ្វើដំណើរ​ទទួល​បាន​នូវ​ភាព​ស្រស់​ស្អាត​នៃ​ទី​ជនបទ​នៃ​ប្រទេស​កម្ពុជា​ ​បង្កើត​បទពិសោធន៍​ដែល​មិន​អាច​បំភ្លេច​បាន​” ៕​ប្រភព​៖​ ​T​h​e​ ​Senior/KhmerTimes