ប្រមុខរដ្ឋាភិបាលកម្ពុជាសម្តេចមហាបវរធិបតីហ៊ុនម៉ាណែតបានអះអាងថារាជរដ្ឋាភិបាលខ្ចីលុយបរទេសមកដើម្បីអភិវឌ្ឍន៍ហេដ្ឋារចនាសម្ព័ន្ធធំៗបម្រើឱ្យសេដ្ឋកិច្ច បម្រើឱ្យជាតិ មិនមែនយកមកចាយវាយឥតប្រយោជន៍នោះឡើយ។
 |
|
សម្ដេចធិបតី បានច្រានចោលចំពោះមតិលើកឡើងថាការខ្ចីមកអភិវឌ្ឍន៍ប្រទេសនាំឱ្យបាត់បងអធិតេយ្យភាពប្រទេស។សម្ដេចធិបតី បានមានប្រសាសន៍ថា«មិនមែនយកលុយមកដើម្បីទិញឡាន មិនមែនយកលុយមកដើម្បីទិញកប៉ាល់ហោះយកលុយមកដើម្បីទិញស្អីអត់ដំណើរការនោះទេ គឺយើងយកលុយមកដើម្បីវិនិយោគទៅលើហេដ្ឋារចនាសម្ព័ន្ធធំៗ បម្រើឱ្យសេដ្ឋកិច្ចបម្រើឱ្យជាតិរបស់យើង ឥឡូវកន្លែងខ្លះយើងអត់ខ្ចីលុយទៀត យើងឱ្យអ្នកវិនិយោគ គេមកដាក់ទុន ដោយអ្នកវិនិយោគទៅខ្ចីលុយដោយខ្លួនឯងតែយើងឱ្យសិទ្ធិគេធ្វើអាជីវកម្មដូចជា ផ្លូវល្បឿនលឿនជាដើម»។សម្ដេចធិបតីបានប្រកាសធានាមិនឱ្យបាត់បង់អធិបតេយ្យភាពជាតិនោះឡើយ។សូមជម្រាបជូនថាការថ្លែងរបស់សម្តេចធិបតីហ៊ុនម៉ាណែតក្នុងពិធីជួបសំណេះសំណាលជាមួយបងប្អូនកម្មករនិយោជិត នៅតាមបណ្តារោងចក្រ សហគ្រាសចំនួន ២៩រោងចក្រ ដែលមានមូលដ្ឋានក្នុងស្រុកកណ្តាលស្ទឹងនិងក្រុងតាខ្មៅខេត្តកណ្តាល នាព្រឹកថ្ងៃទី២ខែវិច្ឆិកាឆ្នាំ២០២៣នេះ៕ប្រភពSTPM
/unnamed.png
Post a Comment