លោ​ក​ប្រធានា​ធិបតី​Putinបាន​និ​យាយ​ថា​លោក​ខាង​​លិ​ច​បាន​ធ្វើ​បាប​​ខ្លួន​ឯង

ប្រធានាធិបតីVladimirPutinបាននិយាយថាទណ្ឌកម្មសេដ្ឋកិច្ចលោកខាងលិចគឺជាការប្រឆាំង ហើយបានព្រមានពីហានិភ័យនៃការបំផ្លិចបំផ្លាញ ដែលផ្តោតលើហេដ្ឋារចនាសម្ព័ន្ធសំខាន់ៗ។យោងតាមសារព័ត៌មានRT កាលពីថ្ងៃទី១ខែវិច្ឆិកាប្រធានាធិបតីPutinបានដឹកនាំកិច្ចប្រជុំសេដ្ឋកិច្ចជាមួយមន្ត្រីកំពូលរុស្ស៊ី។ នៅទីនេះម្ចាស់វិមានក្រឹមឡាំងបានអះអាងថា ទណ្ឌកម្មសេដ្ឋកិច្ចរបស់លោកខាងលិចប្រឆាំងនឹងរុស្ស៊ីគឺគ្មានប្រសិទ្ធភាពទាំងស្រុង។"ក្នុងរយៈពេលប៉ុន្មានឆ្នាំកន្លងមកនេះដៃគូមួយចំនួនរបស់យើងបានដាក់ទណ្ឌកម្មខុសៗគ្នារាប់មិនអស់។ទោះជាយ៉ាងណាក៏ដោយ ពួកគេកំពុងបង្កគ្រោះថ្នាក់ដល់ខ្លួនឯង។នេះអាចមើលឃើញយ៉ាងច្បាស់។ 

ប្រធានាធិបតីVladimirPutin។TASS

លោកPutinបានបង្ហើបថាប្រជាជនលោកខាងលិចក៏មានអារម្មណ៍ជ្រួលប្របល់ផងដែរចំពោះការរឹតបន្តឹងទាក់ទងនឹងទំនិញរបស់រុស្ស៊ីហើយការហាមឃាត់ការនាំចូលរបស់របរដូចជាវីសនិងម្ជុលដេរគឺមិនសមហេតុផលទេ។នៅក្នុងសុន្ទរកថារបស់លោកប្រធានាធិបតីរុស្ស៊ីក៏បានស្នើឱ្យមន្ត្រីត្រូវចាត់វិធានការយ៉ាងសកម្ម ដើម្បីដោះស្រាយជាមួយនឹងវិធានការបន្ទាប់របស់បស្ចិមប្រទេស ខណៈពេលដែលមានការប្រុងប្រយ័ត្នផងដែរចំពោះហានិភ័យនៃការបំផ្លិចបំផ្លាញហេដ្ឋារចនាសម្ព័ន្ធ។

លោកPutinបាននិយាយថា "ដោយសារតែទណ្ឌកម្មមិនមានប្រសិទ្ធភាព ពួកគេអាចអនុវត្តផែនការបំផ្លិចបំផ្លាញដែលផ្តោតលើហេដ្ឋារចនាសម្ព័ន្ធសំខាន់ៗ។ យើងនៅតែមិនដឹងថាមានអ្វីកើតឡើងចំពោះបំពង់បង្ហូរNord Stream" ។កាលពីខែកញ្ញា ប្រធានាធិបតីPutinបានអះអាងថា រុស្ស៊ីអាចដោះស្រាយបញ្ហាដែលនៅសេសសល់ទាំងអស់។ទន្ទឹមនឹងនោះក៏បង្ហាញពីសមត្ថភាពអភិវឌ្ឍន៍សេដ្ឋកិច្ចដ៏រឹងមាំផងដែរ។ម្ចាស់វិមានក្រឹមឡាំងបាននិយាយថាសេដ្ឋកិច្ចរុស្ស៊ីបានទប់ទល់នឹងសម្ពាធពីប្រទេសលោកខាងលិច ដោយមានការព្យាករណ៍ថា GDP នឹងឈានដល់២.៥-២.៨% នៅចុងឆ្នាំនេះ។ចាប់តាំងពីទីក្រុងម៉ូស្គូបានចាប់ផ្តើមយុទ្ធនាការយោធាពិសេស លោកខាងលិចបានដាក់ទណ្ឌកម្មច្រើនជាង១០,០០០ លើប្រទេសរុស្ស៊ី៕ពុតសាម៉ាត់