សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជាបានមានប្រសាសន៍ថា កម្ពុជាបាននាំចេញអង្ករទៅកាន់ប្រទេសឥណ្ឌូនេស៊ីជាលើកដំបូង ខណៈដែលការនាំចេញលើកដំបូងបានមកដល់ទីក្រុង Semarang នៃខេត្ត Central Java របស់ប្រទេសឥណ្ឌូនេស៊ីកាលពីថ្ងៃព្រហស្បតិ៍ម្សិលមិញ។
 |
|
សម្តេចធិបតីបានលើកឡើងដូច្នេះនៅក្នុងបណ្តាញ Telegram ផ្លូវការថា “នេះគឺជាលទ្ធផលនៃការចរចាប្រកបដោយផ្លែផ្កាដើម្បីបើកទីផ្សារ (របស់ឥណ្ឌូនេស៊ី) សម្រាប់អង្កររបស់យើង” ។ការនាំចេញអង្ករទៅប្រទេសឥណ្ឌូណេស៊ីនឹងជួយបង្កើនទំហំនាំចេញរបស់កម្ពុជានិងរួមចំណែកលើកកម្ពស់ជីវភាពកសិករ។អង្ករប្រមាណ ៣,៥០០ តោនត្រូវបាននាំចេញទៅកាន់ប្រទេសឥណ្ឌូនេស៊ីក្នុងការដឹកជញ្ជូនលើកដំបូង។ការនាំចេញនេះធ្វើឡើងបន្ទាប់ពីប្រទេសឥណ្ឌូនេស៊ីបានព្រមព្រៀងកាលពីខែសីហាក្នុងការទិញអង្ករចំនួន ១២៥០០០តោនពីកម្ពុជា។យោងតាមសហព័ន្ធស្រូវអង្ករកម្ពុជា បានឱ្យដឹងថា កម្ពុជាបាននាំចេញអង្ករសរុបចំនួន ៤៥៦.៥៨១ តោនទៅកាន់ ៥៧ ប្រទេស និងតំបន់ក្នុងរយៈពេល ៩ ខែដំបូងនៃឆ្នាំ ២០២៣ ដោយទទួលបានចំណូលប្រមាណ ៣២៧,៤ លានដុល្លារ។ប្រទេសចិន និងអឺរ៉ុបគឺជាទីផ្សារដ៏សំខាន់សម្រាប់អង្កររបស់កម្ពុជា៕ប្រភពXinhua
/unnamed.png
Post a Comment