អ្នកការទូតកម្ពុជានិងអ្នកជំនាញម្នាក់បាននិយាយថាគំនិតផ្តួចផ្តើមខ្សែក្រវាត់ និងផ្លូវ (BRI) បានជួយជំរុញសន្តិភាព និងការអភិវឌ្ឍន៍ ដោយមិនប្រឆាំងប្រទេសណាមួយ រួមទាំងគាំទ្រសណ្តាប់ធ្នាប់អន្តរជាតិ។
|
រូបភាពXinhua |
លោក អ៊ុន ឃាង រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានលើកឡើងក្នុងវេទិកាកម្រិតខ្ពស់កម្ពុជា-ចិនលើកទី៣ នៅទីក្រុងប៉េកាំងថា“កម្ពុជាគាំទ្រ BRI ព្រោះវាលើកកម្ពស់គោលការណ៍គ្រឹះទាំង៣ដែលខ្ញុំបានលើកឡើងខាងលើ។លោកបានបន្ថែមថា “BRI លើកកម្ពស់កិច្ចសហប្រតិបត្តិការឈ្នះឈ្នះនិងភាពជាដៃគូស្មើភាពគ្នា ដោយគិតពីបំណងប្រាថ្នារបស់ប្រទេសនីមួយៗសម្រាប់ឯករាជ្យ អធិបតេយ្យភាព និងកិច្ចសហប្រតិបត្តិការជាមួយដៃគូផ្សេងទៀតដោយសមភាពការគោរពគ្នាទៅវិញទៅមក និងបរិយាប័ន្ន”។លោកបានបន្ថែមថា គម្រោង BRI គឺស្របតាមយុទ្ធសាស្ត្រអភិវឌ្ឍន៍របស់កម្ពុជា ដែលរួមចំណែកដល់ការអភិវឌ្ឍន៍ហេដ្ឋារចនាសម្ព័ន្ធរូបវន្តរបស់កម្ពុជា ដូចជាផ្លូវថ្នល់ ស្ពាន និងអាកាសយានដ្ឋាន។លោកបានគូសបញ្ជាក់ទៀតថា បច្ចុប្បន្ន គម្រោង BRI ស្របតាមយុទ្ធសាស្ត្រអភិវឌ្ឍន៍របស់កម្ពុជាក្នុងការអភិវឌ្ឍន៍មូលធនមនុស្ស ពាណិជ្ជកម្មអេឡិចត្រូនិក ពាណិជ្ជកម្មឌីជីថល ភស្តុភារ និងសង្វាក់ផ្គត់ផ្គង់។BRI ដែលជាគំនិតផ្តួចផ្តើមបន្ថែមពីលើក្រវាត់សេដ្ឋកិច្ចផ្លូវសូត្រ និងផ្លូវសូត្រសមុទ្រសតវត្សរ៍ទី២១ ត្រូវបានបង្កើតឡើងដោយប្រទេសចិនក្នុងឆ្នាំ២០១៣ ដើម្បីកសាងបណ្តាញពាណិជ្ជកម្មនិងហេដ្ឋារចនាសម្ព័ន្ធតភ្ជាប់អាស៊ីជាមួយអឺរ៉ុប និងអាហ្រ្វិក បន្ថែមពីលើផ្លូវពាណិជ្ជកម្មសូត្របុរាណ។ថ្លែងក្នុងវេទិកានេះ លោក គិន ភា អគ្គនាយកវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជាបាននិយាយថា ក្រោមក្របខណ្ឌ BRI ប្រទេសចិនបានដើរតួនាទីយ៉ាងសំខាន់ក្នុងការគាំទ្រដល់កិច្ចខិតខំប្រឹងប្រែងអភិវឌ្ឍន៍របស់កម្ពុជា ហើយរំពឹងថានឹងបន្តធ្វើដូច្នេះក្នុងពេលអនាគត។លោកបានបន្តថា BRI ជួយជំរុញដល់ចក្ខុវិស័យរបស់កម្ពុជាក្នុងការក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០។ទាក់ទិននឹងចំណងមិត្តភាពកម្ពុជា-ចិន លោកបានគូសបញ្ជាក់ថា ទំនាក់ទំនងទ្វេភាគីផ្អែកលើគោលការណ៍ ៥ យ៉ាងនៃការរួមរស់ជាមួយគ្នាដោយសន្តិភាព គឺការគោរពគ្នាទៅវិញទៅមកចំពោះបូរណភាពទឹកដី និងអធិបតេយ្យភាព ការមិនឈ្លានពាន ការមិនជ្រៀតជ្រែកក្នុងកិច្ចការផ្ទៃក្នុងរបស់គ្នាទៅវិញទៅមក សមភាព និងផលប្រយោជន៍ទៅវិញទៅមកនិងការរួមរស់ដោយសន្តិភាព។លោកបាននិយាយទៀតថា “ទំនាក់ទំនងពិសេស និងមិនអាចបំបែកបានរបស់កម្ពុជា-ចិន គឺជា “គំរូតែមួយគត់” នៃទំនាក់ទំនងអន្តររដ្ឋ ដែលអាចយកទៅអនុវត្តបានទាំងក្នុងតំបន់ និងសកលលោក។កាលពីខែកុម្ភៈ ភាគីទាំងពីរបានឯកភាពបង្កើតក្របខ័ណ្ឌកិច្ចសហប្រតិបត្តិការ “ត្បូងពេជ្រ” ជាមួយនឹងវិស័យអាទិភាពចំនួនប្រាំមួយ រួមមានកិច្ចសហប្រតិបត្តិការនយោបាយ សមត្ថភាពផលិតកម្ម និងគុណភាព កសិកម្ម ថាមពល សន្តិសុខ និងការផ្លាស់ប្តូររវាងប្រជាជន និងប្រជាជន។លោកបាននិយាយទៀតថា “ក្របខណ្ឌកិច្ចសហប្រតិបត្តិការត្បូងពេជ្រត្រូវបានបង្កើតឡើងក្នុងយុគសម័យថ្មីនៃការកសាងសហគមន៍ចិន-កម្ពុជា ដែលមានគុណភាពខ្ពស់ កម្រិតខ្ពស់ និងស្តង់ដារខ្ពស់ ជាមួយជោគវាសនារួមគ្នា ដើម្បីបន្តទំនាក់ទំនងមិត្តភាពដ៏មានតម្លៃបំផុតតទៅថ្ងៃខាងមុខ៕ប្រភព Xinhua
Post a Comment