មានប្រសាសន៍ក្នុងពិធីសម្ពោធ “អគារមណ្ឌលផ្តល់សេវាផ្នែកវះកាត់”នៅមន្ទីពេទ្យបង្អែកខេត្តសៀមរាបកាលពីថ្ងៃទី២០ ខែមេសា ឆ្នាំ២០២៤សម្តេចនាយករដ្ឋមន្ត្រី ហ៊ុន ម៉ាណែត បានសម្រេចផ្តល់ថវិកាជាង១៧០លានដុល្លារ ដើម្បីពង្រឹងសមត្ថភាពមណ្ឌលសុខភាពនៅទូទាំងប្រទេស។នេះបើតាមដឹងពីAKP។
 |
|
សម្តេចបានបន្ថែមថា រាជរដ្ឋាភិបាលបានដាក់ចេញនូវផែនការយុទ្ធសាស្ត្រពង្រឹងមណ្ឌលសុខភាពទាំងអស់ក្នុងប្រទេស ដោយបែងចែកថវិកាបន្ថែម ធ្វើទំនើបកម្ម និងបង្កើនចំនួនបុគ្គលិកសុខាភិបាល ដែលមានគ្រូពេទ្យបំពេញការងារ២៤ម៉ោងក្នុងមួយថ្ងៃ។សម្តេចបានបន្តថា មណ្ឌលសុខភាពក៏នឹងត្រូវបានបំពាក់ដោយរថយន្តសង្គ្រោះដើម្បីដឹកអ្នកជំងឺទៅកាន់មន្ទីរពេទ្យបង្អែកឬមន្ទីរពេទ្យផ្សេងទៀត។សម្តេចក៏បានគូសបញ្ជាក់អំពីសារៈសំខាន់នៃការពង្រឹងមន្ទីរពេទ្យក្នុងតំបន់ ដើម្បីធានាប្រសិទ្ធភាពនៃការព្យាបាល និងកាត់បន្ថយការមកព្យាបាលនៅរាជធានីភ្នំពេញ ដើម្បីសង្គ្រោះជីវិតប្រជាពលរដ្ឋឱ្យបានទាន់ពេលវេលា។សម្តេចក៏បានណែនាំដល់គ្រូពេទ្យទាំងអស់ត្រូវផ្តល់សេវាសុខភាពជូនប្រជាពលរដ្ឋប្រកបដោយក្រមសីលធម៌វិជ្ជាជីវៈ មិនលំអៀង ធានាមិនឲ្យមានការរើសអើងប្រជាពលរដ្ឋដោយហេតុផលណាមួយឡើយ៕
/unnamed.png
Post a Comment