សហរដ្ឋអាមេ​​រិក​បានអនុម័​តច្បា​ប់ផ្តល់ជំនួយស​ម្រា​ប់ទីក្រុងTel Aviv​ហើយអ៊ីស្រាអែ​ល​និងក្រុម​ហេសបូឡាបា​នប្រយុទ្ធយ៉ា​ងស្វិតស្វាញ

 សភាតំណាងសហរដ្ឋអាមេរិកបានអនុម័តច្បាប់ជំនួយបរទេសដែលមានតម្លៃ ៩៥ពាន់លានដុល្លាររួមទាំងជំនួយយោធាចំនួន១៧ពាន់លានដុល្លារសម្រាប់អ៊ីស្រាអែល។

ទាហាន​អ៊ីស្រាអែល​ប្រយុទ្ធ​នៅ​តំបន់ West Bank។ រូបថត៖ Times of Israel

កាសែត The Times of Israel បាននិយាយថា នៅក្នុងច្បាប់ជំនួយបរទេសដែលបានអនុម័តដោយសភាតំណាងអាមេរិកកាលពីថ្ងៃទី២០ខែមេសា (ម៉ោងនៅទីក្រុង Washington DC) មាន១៧ពាន់លានដុល្លារសម្រាប់ជំនួយការពារជាតិសម្រាប់អ៊ីស្រាអែល និងប្រហែល៩ពាន់លានដុល្លារសម្រាប់ការងារមនុស្សធម៌នៅតំបន់ហ្គាហ្សាស្ទ្រីបនិងតំបន់ផ្សេងទៀតដែលហែកហួរដោយសង្រ្គាម។ទោះជាយ៉ាងណាក៏ដោយ ការសម្រេចចិត្តចុងក្រោយនឹងជាកម្មសិទ្ធិរបស់ថ្នាក់ដឹកនាំសេតវិមាន ហើយអ្នកជំនាញបាននិយាយថាថវិកាសម្រាប់ការសង្គ្រោះនៅតំបន់ហ្គាហ្សាមានត្រឹមតែប្រហែល២ពាន់លានដុល្លារអាមេរិកប៉ុណ្ណោះ។មេដឹកនាំអ៊ីស្រាអែល បន្ទាប់ពីទទួលបានព័ត៌មានអំពីសភាតំណាងរាស្រ្តអាមេរិក អនុម័តច្បាប់ជំនួយបរទេសរួមទាំងទឹកប្រាក់ប្រហែល១៧ពាន់លានដុល្លារសម្រាប់ទីក្រុងTelAvivបានស្វាគមន៍ចំពោះចំណាត់ការខាងលើរបស់សមាជិកសភាអាមេរិក។“សភាអាមេរិកទើបតែអនុម័តច្បាប់ជំនួយមួយជាមួយនឹងលទ្ធផលដ៏លើសលប់។នេះបង្ហាញពីការគាំទ្រទ្វេភាគីដ៏រឹងមាំសម្រាប់អ៊ីស្រាអែល។សូមអរព្រះគុណនិងអរគុណអាមេរិក” នាយករដ្ឋមន្ត្រីអ៊ីស្រាអែល លោក Benjamin Netanyahu បានសរសេរនៅលើបណ្តាញសង្គម X កាលពីព្រឹកមិញ(ថ្ងៃទី២១ខែមេសា)។ទន្ទឹមនឹងនេះរដ្ឋមន្ត្រីការបរទេសអ៊ីស្រាអែលIsraelKatzបានចាត់ទុកចំណាត់ការខាងលើរបស់សភាតំណាងរាស្រ្តអាមេរិកថាជា"សារដ៏រឹងមាំដែលត្រូវបានផ្ញើទៅកាន់គូប្រជែងរបស់អ៊ីស្រាអែល"។“សូមអរគុណ ប្រធានសភាអាមេរិក លោក Mike Johnson សម្រាប់ការដឹកនាំរបស់អ្នកដែលនាំទៅដល់ការអនុម័តច្បាប់ជំនួយ។ ការបោះឆ្នោតលើកញ្ចប់ជំនួយនេះ ដោយមានការគាំទ្រទ្វេភាគីដ៏លើសលប់ បានបង្ហាញពីទំនាក់ទំនងដ៏រឹងមាំនិងភាពជាដៃគូយុទ្ធសាស្ត្ររវាងអ៊ីស្រាអែល និងសហរដ្ឋអាមេរិកហើយបានផ្ញើសារដ៏រឹងមាំមួយទៅកាន់សត្រូវរបស់យើង” ការបង្ហោះរបស់លោក Katz នៅលើបណ្តាញសង្គម។យោងតាមកាសែត TimesofIsraelសេចក្តីព្រាងច្បាប់ជំនួយបរទេសខាងលើត្រូវបានអនុម័តដោយសភាតំណាងសហរដ្ឋអាមេរិកត្រឹមតែមួយសប្តាហ៍បន្ទាប់ពីអ៊ីរ៉ង់បានធ្វើការវាយប្រហារដោយមីស៊ីលនិងយន្តហោះគ្មានមនុស្សបើកលើទឹកដីអ៊ីស្រាអែល។

អ៊ីស្រាអ៊ែលនិងហេសបូឡាបានប្រយុទ្ធយ៉ាងស្វិតស្វាញ

CNN បាននិយាយថាការប្រយុទ្ធគ្នារវាងកងកម្លាំងការពារអ៊ីស្រាអែល (IDF) និងក្រុមប្រដាប់អាវុធហេសបូឡានៅក្នុងប្រទេសលីបង់ កាលពីថ្ងៃទី២០ខែមេសា បានបន្តផ្ទុះឡើងយ៉ាងសាហាវ។យោងតាមហេសបូឡាក្រុមនេះបានវាយប្រហារហេដ្ឋារចនាសម្ព័ន្ធ IDF ចំនួនពីរនៅក្នុងតំបន់ Shlomi ភាគខាងជើងនៃប្រទេសអ៊ីស្រាអែល ដើម្បីឆ្លើយតបទៅនឹងការវាយប្រហារតាមអាកាសរបស់ IDF ទៅលើសង្កាត់ Aita al-Shaab និង Kfar Kila ។ បណ្តាញព័ត៌មានរដ្ឋលីបង់បានដកស្រង់សេចក្តីថ្លែងការណ៍របស់ ហេសបូឡាថា "ភាគីអ៊ីស្រាអែលបានវាយប្រហារផ្ទះជនស៊ីវិលជាច្រើន" ។ទន្ទឹមនឹងនេះ ការបង្ហោះរបស់ IDF នៅលើបណ្តាញសង្គម Telegram បានបញ្ជាក់ថាគោលដៅនៃការវាយប្រហារតាមអាកាសរបស់កងកម្លាំងនេះគឺ "ហេដ្ឋារចនាសម្ព័ន្ធហេសបូឡានៅក្នុងតំបន់លំនៅដ្ឋាន Aita al-Shaab និងជាកន្លែងដែលខ្មាន់កាំភ្លើងរបស់ក្រុមប្រដាប់អាវុធនេះមានទីតាំងនៅ Kfar Kila នៅភាគខាងត្បូងប្រទេសលីបង់ ”។យោងតាម ​​CNN ការវាយប្រហារតាមអាកាសរបស់យោធាអ៊ីស្រាអែលប្រឆាំងនឹងក្រុម ហេសបូឡាបានកើនឡើងយ៉ាងខ្លាំងក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីក្រុមប្រដាប់អាវុធនេះបានបាញ់មីស៊ីលប្រហែល៤០គ្រាប់ចូលទៅក្នុងទឹកដីអ៊ីស្រាអែលក្នុងពេលតែមួយដែលអ៊ីរ៉ង់វាយប្រហារនៅព្រឹកព្រលឹមថ្ងៃទី ១៤ខែមេសា៕ពុតសាម៉ាត់