កាលពីថ្ងៃសុក្ររដ្ឋមន្ត្រីការបរទេសចិន លោកWang Yiបានជួបពិភាក្សាការងារជាមួយលោក សុខ ចិន្តាសោភា ឧបនាយករដ្ឋមន្ត្រីនិងជារដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជានៅទីក្រុងប៉េកាំង។នេះបើតាមការចេញផ្សាយXinhua។
 |
| រដ្ឋមន្ត្រីការបរទេសចិនលោកWangYiដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិនជួបពិភាក្សាជាមួយលោក សុខ ចិន្តាសោភា ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅទីក្រុងប៉េកាំង រដ្ឋធានីនៃប្រទេសចិន កាលពីខែឧសភាថ្ងៃទី២៤,២០២៤ ។Xinhua |
លោកWang Yiបានមានប្រសាសន៍ថាក្នុងនាមជាមិត្តដ៏ជិតស្និទប្រទេសចិនគាំទ្រយ៉ាងម៉ឺងម៉ាត់ចំពោះកម្ពុជាក្នុងការស្វែងរកមាគ៌ាអភិវឌ្ឍន៍ដែលសមស្របទៅនឹងលក្ខខណ្ឌជាតិរបស់ខ្លួន ក្នុងការរក្សាស្ថិរភាព ជំរុញការអភិវឌ្ឍន៍ និងការកែលម្អជីវភាពរស់នៅរបស់ប្រជាជនរបស់ខ្លួន ព្រមទាំងការដើរតួនាទីយ៉ាងសំខាន់ក្នុងកិច្ចការអន្តរជាតិ និងតំបន់។លោកបានបន្ថែមទៀតថា ប្រទេសចិនត្រៀមខ្លួនជាស្រេចក្នុងការធ្វើការជាមួយកម្ពុជាដើម្បីរក្សាប្រពៃណីដ៏ល្អនៃសាមគ្គីភាព និងការជួយគ្នាទៅវិញទៅមក អនុវត្តការឯកភាពជាយុទ្ធសាស្ត្រដែលមេដឹកនាំប្រទេសទាំងពីរសម្រេចបាន ព្រមទាំងកសាងសហគមន៍ជោគវាសនារួម ចិន-កម្ពុជា ក្នុងទិសដៅត្រឹមត្រូវ។ លោកបានកត់សម្គាល់ថា ការជឿទុកចិត្តគ្នាទៅវិញទៅមកជាយុទ្ធសាស្ត្រ ជំរុញកិច្ចសហប្រតិបត្តិការដែលជាផលប្រយោជន៍ទៅវិញទៅមក ចែករំលែកការអភិវឌ្ឍន៍ កាលានុវត្តភាព និងរួមគ្នាដើរឆ្ពោះទៅរកការធ្វើទំនើបកម្ម។លោកបានលើកឡើងទៀតថា ប្រទេសចិននឹងលើកទឹកចិត្តសហគ្រាសចិនបន្ថែមទៀតអោយមកបណ្តាក់ទុននៅកម្ពុជា និងចែករំលែកបទពិសោធន៍ក្នុងការកសាងតំបន់សេដ្ឋកិច្ចពិសេស។ លោកបានបន្ថែមថា ប្រទេសចិនត្រៀមខ្លួនជាស្រេចដើម្បីជួយកម្ពុជាពន្លឿនឧស្សាហូបនីយកម្ម គាំទ្រកម្ពុជាក្នុងការសម្រេចបាននូវការអភិវឌ្ឍន៍បៃតង កាបូនទាប និងពង្រីកការនាំចូលផលិតផលកសិកម្មពីកម្ពុជា។លោកបានសង្កត់ធ្ងន់ថា ប្រទេសចិនត្រៀមខ្លួនសម្របសម្រួលកិច្ចសហប្រតិបត្តិការជាមួយកម្ពុជា ដើម្បីកសាងសហគមន៍មេគង្គ-ឡានឆាង ឱ្យកាន់តែជិតស្និទ្ធជាមួយនឹងជោគវាសនារួមគ្នា ដោយសហការជាមួយកម្ពុជា និងប្រទេសដទៃទៀតនៅក្នុងតំបន់ ដើម្បីចាប់យកឱកាសអភិវឌ្ឍន៍និងកិច្ចសហប្រតិបត្តិការក្នុងតំបន់ លុបបំបាត់ការជ្រៀតជ្រែក និងការបំផ្លិចបំផ្លាញ ដោយកងកម្លាំងខាងក្រៅ រួមគ្នារក្សាសន្តិភាព និងស្ថិរភាពក្នុងតំបន់ និងការពារផលប្រយោជន៍ស្របច្បាប់របស់ប្រទេសទាំងអស់។ដោយឡែក លោក សុខ ចិន្តាសោភា បានលើកឡើងផងដែរថា កម្ពុជាយកចិត្តទុកដាក់យ៉ាងខ្លាំងចំពោះទំនាក់ទំនងកម្ពុជា-ចិន ហើយគិតគូរខ្ពស់ចំពោះសមិទ្ធិផលនៃកិច្ចសហប្រតិបត្តិការកម្ពុជា-ចិន។កម្ពុជាគោរពគោលការណ៍ចិនតែមួយ និងគាំទ្រយ៉ាងម៉ឺងម៉ាត់ចំពោះកិច្ចប្រឹងប្រែងរបស់ចិនក្នុងការការពារផលប្រយោជន៍ស្នូលរបស់ខ្លួន។ភាគីទាំងពីរបានឯកភាពពន្លឿនការអនុវត្តក្របខ័ណ្ឌកិច្ចសហប្រតិបត្តិការត្បូងពេជ្រ ជំរុញការកសាងច្រករបៀងត្រី និងស្រូវ និងច្រករបៀងអភិវឌ្ឍន៍ឧស្សាហកម្ម ព្រមទាំងពង្រឹងកិច្ចសហប្រតិបត្តិការលើវិស័យកសិកម្ម ការកសាងហេដ្ឋារចនាសម្ព័ន្ធ ការតភ្ជាប់សេដ្ឋកិច្ចឌីជីថល បញ្ញាសិប្បនិម្មិត ធនធានមនុស្ស និងការអភិវឌ្ឍន៍តំបន់សេដ្ឋកិច្ចពិសេស។ភាគីទាំងពីរនឹងចាត់ទុកឆ្នាំផ្លាស់ប្តូរប្រជាជនចិន-កម្ពុជាឆ្នាំ២០២៤ ជាឱកាសដើម្បីពង្រឹងកិច្ចសហប្រតិបត្តិការលើវិស័យអប់រំ ទេសចរណ៍ យុវជន និងការបណ្តុះបណ្តាលជំនាញវិជ្ជាជីវៈ និងជំរុញការកសាងសហគមន៍ជោគវាសនារួម ចិន-កម្ពុជា ឱ្យដល់កម្រិតថ្មីមួយទៀត។ប្រទេសទាំងពីរបានឯកភាពពង្រឹងទំនាក់ទំនង និងការសម្របសម្រួលបន្ថែមទៀតលើកិច្ចការតំបន់ និងអន្តរជាតិ រួមទាំងកិច្ចសហប្រតិបត្តិការចិន-អាស៊ាន កិច្ចសហប្រតិបត្តិការមេគង្គ-ឡានឆាង និងកិច្ចសហប្រតិបត្តិការក្នុងតំបន់អាស៊ីបូព៌ាក្នុងទិសដៅដ៏ត្រឹមត្រូវ៕
/unnamed.png
Post a Comment