អ៊ុយ​ក្រែនប្រឈ​មនឹង"សុបិន​អាក្រក់"នៅពេល​ដែលរុស្ស៊ីវាយប្រហារ​Kharkov

ការវាយប្រហារថ្មីរបស់រុស្ស៊ីនៅ​ក្រុងKharkovធ្វើ​ឲ្យប្រធានាធិបតីVolodymyr Zelenskyស្ថិត​ក្នុង​ស្ថានភាព​លំបាក។

កន្លែង​កើត​ហេតុ​បន្ទាប់​ពី​ការ​វាយ​ប្រហារ​របស់​រុស្សី​នៅ​ក្រុង Kharkiv។ រូបថត៖ Reuters

នេះ​ជា​ការ​យល់​ឃើញ​ក្នុង​ការ​វិភាគ​របស់​លោក Nick Paton Walsh អ្នក​ឆ្លើយ​ឆ្លង​ព័ត៌មាន​សន្តិសុខ​អន្តរជាតិ​របស់​ទីភ្នាក់ងារ​ព័ត៌មានCNN។ កន្លងមកក្រសួងការពារជាតិរុស្ស៊ីបាននិយាយថាកងទ័ពរបស់ប្រទេសនេះបានដណ្តើមបានភូមិចំនួន៩ចាប់តាំងពីការបើកការវាយប្រហារលើទីក្រុង Kharkov កាលពីថ្ងៃទី១០ ខែឧសភា។អគ្គសេនាធិការ​អ៊ុយក្រែន​បាន​ទទួល​ស្គាល់​ថាភាគី​រុស្ស៊ី​បាន​ទទួល​ជោគជ័យ​តាម​យុទ្ធសាស្ត្រ ហើយ​ការ​ប្រយុទ្ធ​យ៉ាង​ស្វិតស្វាញ​ដើម្បី​គ្រប់គ្រង​ក្រុង​ព្រំដែន Volchansk កំពុង​កើត​ឡើង។យោងតាមលោក Walshសមិទ្ធផលដែលយោធារុស្ស៊ីសម្រេចបាននៅទីក្រុង Kharkiv"គឺជាការរីកចម្រើនលឿនបំផុតចាប់តាំងពីដើមដំបូងនៃជម្លោះ"។“នេះ​ជា​សុបិន​អាក្រក់​មួយ​សម្រាប់​ក្រុង​គៀវ ដោយសារ​ហេតុផល​២។ ទី១៖ ពួកគេបានរំដោះទឹកដីនេះពីកងកម្លាំងរុស្ស៊ីកាលពី១៨ ខែមុន ។ប៉ុន្តែអ៊ុយក្រែនច្បាស់ណាស់បានបរាជ័យក្នុងការពង្រឹងតំបន់នេះ ដើម្បីរារាំងរុស្ស៊ីពីការងាយស្រួលក្នុងការគ្រប់គ្រងម្តងទៀត” លោក Walsh បាននិយាយ។លោកបានបន្ថែមថា"ទី២៖រុស្ស៊ីកំពុងធ្វើឱ្យមានការលំបាកម្តងទៀតសម្រាប់យោធាអ៊ុយក្រែន ដោយការដាក់សម្ពាធឥតឈប់ឈរ និងកើនឡើងនៅក្នុងទីក្រុងKharkovដោយបានបាញ់ផ្លោងកណ្តាលទីក្រុងដ៏ធំមួយ" ។យោងតាមលោក Walsh លោកZelensky ប្រឈមនឹង "ជម្រើសដ៏គួរឱ្យភ័យខ្លាចអំពីកន្លែងដែលត្រូវបញ្ជូនធនធានមានកម្រិត និងកន្លែងដែលត្រូវលះបង់នៅទីបំផុត"។កន្លងមកមន្ត្រីលោកខាងលិចបានសង្កត់ធ្ងន់ថាការលេចឡើងនៃរណសិរ្សថ្មីគឺមានគ្រោះថ្នាក់ជាពិសេសសម្រាប់ទីក្រុងគៀវដោយសារតែកង្វះគ្រាប់រំសេវយូរនិងការពន្យារពេលក្នុងការផ្តល់ជំនួយពីលោកខាងលិច។ កាលពីថ្ងៃទី១២ខែឧសភា កាសែត New YorkTimesបានរាយការណ៍ថាការឈានទៅមុខដោយជោគជ័យរបស់រុស្ស៊ីនៅទីក្រុងKharkivដែលជាទីក្រុងធំទី២របស់អ៊ុយក្រែននិងជាមជ្ឈមណ្ឌលឧស្សាហកម្មដ៏សំខាន់មួយ "អាចធ្វើអោយប្រជាជនអ៊ុយក្រែន និងសម្ព័ន្ធមិត្តរបស់គៀវបាត់បង់ស្មារតី"។នេះអាចបណ្តាលឱ្យលោកខាងលិចដាក់សម្ពាធលើគៀវឱ្យចូលរួមក្នុងការចរចាកិច្ចព្រមព្រៀងបទឈប់បាញ់ជាមួយទីក្រុងម៉ូស្គូ។នៅឆ្នាំនេះកងកម្លាំងអ៊ុយក្រែនត្រូវបានបង្ខំឱ្យដកថយពីទីក្រុង និងភូមិមួយចំនួននៅក្នុងតំបន់ Donbass រួមទាំងទីក្រុង Avdiivka ក្នុងខេត្ត Donetsk ដែលធ្លាប់ត្រូវបានពង្រឹងយ៉ាងខ្លាំង និងបានឃើញការប្រយុទ្ធគ្នាយ៉ាងខ្លាំងក្លារវាងកងទ័ពរុស្ស៊ីនិងអ៊ុយក្រែនអស់រយៈពេលជាច្រើនខែ។ប្រធានាធិបតី Zelensky មួយផ្នែកបានស្តីបន្ទោសវ៉ាស៊ីនតោនចំពោះការបរាជ័យនាពេលថ្មីៗនេះរបស់ គៀវ។ កាលពីខែមេសា លោក Zelensky បាននិយាយថា អ៊ុយក្រែនគឺជា "ចំណាប់ខ្មាំង"នៅក្នុងយុទ្ធនាការបោះឆ្នោតប្រធានាធិបតីអាមេរិក និងជម្លោះនយោបាយនៅក្នុងសភាសហរដ្ឋអាមេរិកដែលពួកសាធារណរដ្ឋបានរារាំងការអនុម័តជំនួយចំនួន៦១ពាន់លានដុល្លារដល់រដ្ឋាភិបាលក្រុងគៀវអស់រយៈពេលជាច្រើនខែ។ទីបំផុតកញ្ចប់ជំនួយត្រូវបានអនុម័ត ហើយប្រធានាធិបតីJoeBidenបានចុះហត្ថលេខាជាផ្លូវការនៅថ្ងៃទី២៤ខែមេសា៕ពុតសាម៉ាត់