រុស្ស៊ី​បញ្ជា​ក់​ពី​​តួ​នាទី​ថ្មី​របស់​អតីត​​រដ្ឋមន្ត្រី​ការពា​រ​ជាតិ​​លោកSergey Shoigu ​

អ្នកនាំពាក្យវិមានក្រឹមឡាំងលោក Dmitry Peskovបាននិយាយថាលោក SergeyShoiguត្រូវបានតែងតាំងជាលេខាធិការនៃក្រុមប្រឹក្សាសន្តិសុខរុស្ស៊ី នឹងត្រួតពិនិត្យទីភ្នាក់ងារសហព័ន្ធសម្រាប់កិច្ចសហប្រតិបត្តិការបច្ចេកទេសយោធា។ប៉ុន្តែនឹងមិនដឹកនាំទីភ្នាក់ងារនេះទេ។

លោកVladimir PutinនិងលោកSergeyShoigu។AFP

ទីភ្នាក់ងារសារព័ត៌មានTass បានដកស្រង់សម្តីលោកPeskovថា"លេខាធិការនៃក្រុមប្រឹក្សាសន្តិសុខរុស្ស៊ី SergeyShoiguនឹងត្រួតពិនិត្យការងាររបស់ទីភ្នាក់ងារសហព័ន្ធសម្រាប់កិច្ចសហប្រតិបត្តិការបច្ចេកទេសយោធា។លោកនឹងមិនដឹកនាំទីភ្នាក់ងារនេះទេ។លោកDmitryShugayevថ្មីគឺជាអ្នកដឹកនាំ"។យោងតាមក្រឹត្យរបស់ប្រធានាធិបតីរុស្ស៊ី លោកVladimir Putinស្តីពីរចនាសម្ព័ន្ធថ្មីនៃស្ថាប័នប្រតិបត្តិ ទីភ្នាក់ងារសហប្រតិបត្តិការបច្ចេកទេស-យោធាសហព័ន្ធពីមុនស្ថិតនៅក្រោមក្រសួងការពារជាតិរុស្ស៊ី។ប៉ុន្តែឥឡូវនេះស្ថិតនៅក្រោមការដឹកនាំផ្ទាល់របស់ប្រធានាធិបតីសហព័ន្ធរុស្ស៊ី។ប្រធានាធិបតីPutin ពីមុនបានតែងតាំងលោក Shoiguអាយុ៦៨ឆ្នាំដែលបានកាន់តំណែងជារដ្ឋមន្ត្រីក្រសួងការពារជាតិរុស្ស៊ីតាំងពីឆ្នាំ២០១២ជាលេខាធិការក្រុមប្រឹក្សាសន្តិសុខរុស្ស៊ីជំនួសលោក NikolayPatrushevដែលត្រូវបានបណ្តេញចេញដោយសារតែការផ្លាស់ប្តូរទៅតំណែងផ្សេងទៀត។ក្រុមប្រឹក្សាសន្តិសុខគឺជាស្ថាប័នផ្តល់ប្រឹក្សាដល់ប្រធានាធិបតីរុស្ស៊ី លើបញ្ហាយោធា និងយុទ្ធសាស្ត្រ។លើសពីនេះ លោក Shoiguក៏កាន់តំណែងជាអនុប្រធានគណៈកម្មាធិការឧស្សាហកម្មការពារជាតិផងដែរ។ តាម​បច្ចេកទេស​នេះ​ជា​ការងារ​ដែល​គេ​ចាត់​ទុក​ថា​មាន​កម្រិត​ខ្ពស់​ជាង​តំណែង​រដ្ឋលេខាធិការ​ការពារ​ជាតិ។ទាក់ទិននឹងការរុះរើគណៈរដ្ឋមន្ត្រីរុស្ស៊ីវិញកាលពីម្សិលមិញ (១៣ ឧសភា) សភាតំណាងរាស្រ្តបានអនុម័តលោក Denis Manturov ជាឧបនាយករដ្ឋមន្ត្រីទី១។លើសពីនេះទីភ្នាក់ងារនេះក៏បានអនុម័តឧបនាយករដ្ឋមន្ត្រីចំនួន៩ រូបផ្សេងទៀត រួមមាន Tatyana Golikova, Alexander Novak, Dmitry Grigorenko, Alexey Overchuk, Dmitry Patrushev, Vitaly Savelyev, Marat Khusnullin, Dmitry Chernyshenko, Yury Trutnev ៕ពុតសាម៉ាត់