បារាំ​ង​ស​ង​សឹ​ក​រុស្ស៊ីសព្វាវុធ​ល្បី​រាប់សិប​​ដើម​កំពុង​មកដល់​​អាមេនី៖រុស្ស៊ី​និង​កម្លាំង​ទ័​ព​៣៨០.០០០​នាក់​ព្រមា​ន​យ៉ាង​ក្តៅ​គគុក

យោងតាមDefense24តាមរយៈអាមេនីបារាំងកំពុងសងសឹករុស្ស៊ី។បន្ថែមពីលើសព្វាវុធដែលបានចែកចាយប្រព័ន្ធដ៏ល្បីរបស់បារាំងរាប់សិបនឹងត្រូវនាំយកទៅYerevan ។

លោក Macronសងសឹករុស្ស៊ីសព្វាវុធ​របស់​បារាំង​មក​ដល់​អាមេនី

យោងតាមPoliticoរដ្ឋមន្ត្រីការពារជាតិបារាំងលោក Sébastien Lecornu បានប្រកាសក្នុងសប្តាហ៍នេះថាទីក្រុងប៉ារីសនិងYerevanបានឈានដល់កិច្ចព្រមព្រៀងមួយក្នុងការផ្គត់ផ្គង់ប្រព័ន្ធកាំភ្លើងធំCAESAR 155mm ចំនួន ៣៦ដែលជាអាវុធដ៏ល្បីល្បាញផលិតដោយប្រទេសបារាំងដែលធ្លាប់បានកត់ត្រាកំណត់ត្រាចុងក្រោយបំផុតនៅឆ្នាំ២០២២នៅពេលដែលវាវាយប្រហារគោលដៅនៅចម្ងាយជាង៤៦គីឡូម៉ែត្រហើយកំពុងប្រយុទ្ធយ៉ាងធំនៅអ៊ុយក្រែន។លោកLecornuបានបញ្ជាក់ថាកិច្ចព្រមព្រៀងនេះបានកត់សម្គាល់នូវ "ព្រឹត្តិការណ៍សំខាន់ថ្មី" ក្នុងទំនាក់ទំនងរវាងប្រទេសទាំងពីរ និងបានគូសបញ្ជាក់បន្ថែមអំពីការចុះខ្សោយនៃទំនាក់ទំនងរុស្ស៊ី-អាមេនី។គិតត្រឹមចុងឆ្នាំមុនបន្ទាប់ពីមានការខកចិត្តដោយអង្គការសន្ធិសញ្ញាសន្តិសុខសមូហភាពដឹកនាំដោយរុស្ស៊ី(CSTO)ខ្វះការឆ្លើយតបចំពោះការវាយប្រហារដោយយោធារបស់អាស៊ែបៃហ្សង់។អាមេនីបានងាកទៅរកអ្នកផ្គត់ផ្គង់អាវុធថ្មីៗជាពិសេសបារាំង។នៅខែតុលាឆ្នាំ២០២៣អាមេនីបានចុះហត្ថលេខាលើកិច្ចសន្យាទិញរ៉ាដាឃ្លាំមើលពីលើអាកាសGM200របស់បារាំងចំនួន៣គ្រឿងរថយន្តល្បាត៥០គ្រឿងនិងបានចុះហត្ថលេខាលើអនុស្សរណៈនៃការយោគយល់គ្នាស្តីពីការផ្គត់ផ្គង់កាំជ្រួចការពារដែនអាកាស Mistral ។ មួយខែក្រោយមកបន្ទាយទីមួយបានចូលទៅក្នុងប្រទេសអាមេនី។នៅក្នុងខែកុម្ភៈឆ្នាំនេះក្នុងអំឡុងពេលទស្សនកិច្ចរបស់លោកទៅកាន់ប្រទេសអាមេនីលោកLecornuបានបន្តនាំយកនូវវ៉ែនតាសម្រាប់មើលពេលយប់មួយឈុតសម្រាប់កងទ័ពអាមេនី។គួរកត់សម្គាល់ថាកិច្ចព្រមព្រៀងសព្វាវុធចុងក្រោយបង្អស់រវាងអាមេនី និងបារាំងបានធ្វើឡើងមិនយូរប៉ុន្មានទេ បន្ទាប់ពីនាយករដ្ឋមន្ត្រីអាមេនីNikolPashinyanបានប្រកាសថាលោកនឹងដកខ្លួនចេញពីCSTOហើយភាពតានតឹងរុស្ស៊ី-បារាំងបាននឹងកំពុងកើនឡើងនាពេលថ្មីៗនេះ ដោយសារស្ថានភាពរបស់អ៊ុយក្រែន។"យើងនឹងដកខ្លួន។ យើងនឹងសម្រេចចិត្តថាពេលណាត្រូវដក... កុំបារម្ភ យើងនឹងមិនត្រឡប់មកវិញទេ"។Reuters នៅថ្ងៃទី១២ខែមិថុនាបានដកស្រង់សម្តីលោក Pashinyan បាននិយាយ។ យោងតាមទីភ្នាក់ងារសារព័ត៌មានអង់គ្លេសនេះជាលើកទីមួយហើយដែលលោក Pashinyan បានបញ្ជាក់ថាអាមេនីនឹងដកខ្លួនចេញពី CSTO ចាប់តាំងពីការប្រកាសជាឯកតោភាគីអំពីការព្យួរសមាជិកភាពរបស់ប្រទេសក្នុងសម្ព័ន្ធភាព។ចំណែកបារាំងវិញ បើយោងតាម ​​Defense 24 តាមរយៈ Armeniaជាពិសេសនិងតំបន់Caucasusជាទូទៅប៉ារីសកំពុងសងសឹករុស្ស៊ី។ឆ្លៀតយកប្រយោជន៍ពីការជាប់គាំងរបស់រុស្ស៊ីចំពោះស្ថានការណ៍នៅអ៊ុយក្រែនហើយមិនបានយកចិត្តទុកដាក់ច្រើនចំពោះការប្តេជ្ញាចិត្តរបស់ខ្លួននៅក្នុង CSTO បារាំងបានសម្រេចចិត្តពង្រឹងគោលនយោបាយរបស់ខ្លួនជាមួយ Yerevan។គ្រាន់តែ២សប្តាហ៍បន្ទាប់ពីអាស៊ែបៃហ្សង់ទទួលបានការគ្រប់គ្រង Nagorno-Karabakh ក្នុងខែកញ្ញាឆ្នាំ២០២៣(តំបន់ជម្លោះជាមួយអាមេនី) លោកស្រី Catherine Colonna រដ្ឋមន្ត្រីការបរទេសបារាំងនៅពេលនោះបានទៅទស្សនា Yerevan ដោយសង្កត់ធ្ងន់លើសារៈសំខាន់នៃអធិបតេយ្យភាពនិងបូរណភាពទឹកដីនៃប្រទេសអាមេនី។បន្ទាប់ពីដំណើរទស្សនកិច្ចរបស់លោកស្រី Colonna ប្រធានាធិបតីបារាំង EmmanuelMacronបានប្រកាសថា"បារាំងនឹងមិនបោះបង់អាមេនីឡើយ"។

រុស្ស៊ីព្រមានក្តៅ

Politicoបាននិយាយថារុស្ស៊ីនិងអាស៊ែបៃហ្សង់បានចេញការឆ្លើយតបជាផ្លូវការចំពោះកិច្ចព្រមព្រៀងសព្វាវុធចុងក្រោយបំផុតរវាងបារាំងនិងអាមេនី។ទីក្រុងម៉ូស្គូបានចោទប្រកាន់ទីក្រុងប៉ារីសពីបទញុះញង់ឱ្យមានចលាចលនៅក្នុងតំបន់SouthCaucasusដោយយល់ព្រមលក់ប្រព័ន្ធកាំភ្លើងធំដ៏ល្បីល្បាញរបស់ខ្លួនទៅឱ្យអាមេនីចំពេលមានភាពតានតឹងអាមេនី-អាស៊ែបៃហ្សង់កើនឡើង។"ទីក្រុងប៉ារីសកំពុងបង្កឱ្យមានការប្រឈមមុខដាក់គ្នាដោយប្រដាប់អាវុធមួយផ្សេងទៀតនៅCaucasusខាងត្បូងហើយពួកគេកំពុងធ្វើវាតាមរបៀបផ្សេងៗគ្នា។ កិច្ចព្រមព្រៀងនេះគឺជាមួយក្នុងចំណោមពួកគេ"។អ្នកនាំពាក្យក្រសួងការបរទេសរុស្ស៊ីMariaZakharovaបានបញ្ជាក់យ៉ាងច្បាស់។យោងតាមអ្នកការទូតរុស្ស៊ីបារាំងមិនធ្វើសកម្មភាពដើម្បីផលប្រយោជន៍អាមេនីនិងប្រជាជនរបស់ខ្លួនទេ គឺគ្រាន់តែស្វែងរក "ទាញយកផលប្រយោជន៍ពីការមិនចុះសម្រុង និងជម្លោះរវាងប្រទេសនានាជាឧបករណ៍ដើម្បីសម្រេចបាននូវគោលដៅឱកាសនិយមដោយខ្លួនឯង" ។"ខ្ញុំមិនត្រឹមតែចង់និយាយអំពីផលប្រយោជន៍ផ្ទាល់ខ្លួនរបស់វិមាន Élysée ប៉ុណ្ណោះទេ។ប៉ុន្តែក៏មានប្រទេសបារាំងផងដែរជាទូទៅក្នុងនាមជាមេដឹកនាំនៃមនោគមវិជ្ជាណាតូ"។ លោកស្រី Zakharova បានសង្កត់ធ្ងន់។ទន្ទឹមនឹងនេះ អនុរដ្ឋមន្ត្រីការបរទេសរុស្ស៊ី លោក Mikhail Galuzin បានរិះគន់ថាបារាំងនិងលោកខាងលិចជាទូទៅ "កំពុងប្រើអាមេនីជាកូនអុក" នៅក្នុងជម្លោះរបស់ពួកគេជាមួយរុស្ស៊ី ហើយបានព្រមានថា អាមេនី កំពុងប្រឈមមុខនឹងហានិភ័យនៃ"ការបំផ្លាញអធិបតេយ្យភាព និងសន្តិសុខបន្ថែមទៀត" ។

អាស៊ែបៃហ្សង់អាចប្រើអំណាចនយោបាយនិងយោធា ដើម្បីបន្សាបឥទ្ធិពលបារាំង

ដោយយល់ស្របជាមួយរុស្ស៊ីអាស៊ែបៃហ្សង់បានចោទប្រកាន់ទីក្រុងប៉ារីសថា"បំផ្លាញស្ថិរភាពក្នុងតំបន់"។ក្រសួងការពារជាតិអាស៊ែបៃហ្សង់បាននិយាយថា"ការពិតដែលថាប្រទេសបារាំងបានបំពាក់អាមេនីជាមួយនឹងប្រព័ន្ធកាំភ្លើងធំវាយលុក និងប្រឆាំងមនុស្ស ក៏ដូចជាអាវុធប្រភេទផ្សេងទៀត ទោះបីជាមានការព្រមានពីអាស៊ែបៃហ្សង់ក៏ដោយគឺជាភស្តុតាងបន្ថែមទៀតនៃសកម្មភាពបង្កហេតុរបស់បារាំងនៅ Caucasus ខាងត្បូង"។ទីភ្នាក់ងារនេះបានសង្កត់ធ្ងន់ថា "រដ្ឋបាលរបស់ប្រធានាធិបតី Macron ជាមួយនឹងគោលដៅរបស់ខ្លួនក្នុងការបន្តគោលនយោបាយយោធាភាវូបនីយកម្ម និងការទាក់ទាញភូមិសាស្ត្រនយោបាយនៅ Caucasus ខាងត្បូង គឺជាឧបសគ្គដល់ដំណើរការនៃការធ្វើឱ្យទំនាក់ទំនងរវាងអាមេនី-អាស៊ែបៃហ្សង់មានលក្ខណៈធម្មតានិងដំណើរការធានាសន្តិភាពយូរអង្វែងនៅក្នុងតំបន់"។

កិច្ចព្រមព្រៀង​សព្វាវុធ​រវាង​បារាំង​និង​អាមេនី​បាន​រុញច្រាន​ភាព​តានតឹង​រវាង​បារាំង​និង​អាស៊ែបៃហ្សង់​ឡើង​ដល់​ចំណុច​កំពូល

កាលពីមុនBaku មានការខឹងសម្បារ នៅពេលដែលទីក្រុងប៉ារីស ចោទប្រកាន់អាស៊ែបៃហ្សង់ ពីការញុះញង់ឲ្យមានកុប្បកម្មនៅ New Caledoniaដែលជាទឹកដីក្រៅប្រទេសដ៏ធំបំផុតមួយរបស់បារាំងនៅប៉ាស៊ីហ្វិក។ក្រសួងការបរទេសអាស៊ែបៃហ្សង់បានរិះគន់យ៉ាងចាស់ដៃចំពោះការចោទប្រកាន់របស់ទីក្រុងប៉ារីសថាជា"ការបញ្ចេញមតិប្រមាថប្រឆាំងនឹងអាស៊ែបៃហ្សង់"។1news.az (អាស៊ែបៃហ្សង់) បានដកស្រងអ្នកវិភាគថា ចំណាត់ការរបស់បារាំងគឺជា"ទង្វើដែលមិនប្រុងប្រយ័ត្ន"។ ប្រសិនបើទីក្រុងប៉ារីសនៅតែបន្តបង្កភាពតានតឹង "ក្នុងករណីណាក៏ដោយ អាស៊ែបៃហ្សង់មានអំណាចនយោបាយ ការទូតនិងយោធាគ្រប់គ្រាន់ ដើម្បីបន្សាបឥទ្ធិពលបារាំងនៅក្នុងតំបន់Caucasusខាងត្បូង។

និយាយជាពិសេសអំពីកម្លាំងយោធា 

អាស៊ែបៃហ្សង់គឺជាកម្លាំងដ៏សម្បើមមួយនៅCaucasus ខាងត្បូង ដែលមានកម្លាំងយោធាខ្លាំងបំផុតនៅក្នុងតំបន់ដែលមានកងទ័ពសរុបចំនួន ៣៨០,០០០នាក់ (រួមទាំងទាហានសកម្មចំនួន៦៥,០០០នាក់ ទាហានបម្រុង៣០០,០០០នាក់និងមនុស្សចំនួន១៥,០០០នាក់នៅក្នុងកងកម្លាំងប៉ារ៉ាយោធា)៕ពុតសាម៉ាត់