លោ​​កTrumpបានស​​​ន្យាថានឹ​ងដោះ​ស្រាយ​ជម្លោះ​រុស្ស៊ី-អ៊ុយក្រែនក្នុងរយៈពេ​​​ល២ខែប្រសិនបើ​ជាប់ឆ្នោត

 លោកTrumpបានសន្យាថានឹងដោះស្រាយជម្លោះរវាងរុស្ស៊ីនិងអ៊ុយក្រែន មុនពេលចូលការិយាល័យOvalនៅខែមករាឆ្នាំ២០២៥។ប្រសិនបើលោកជាប់ឆ្នោតជាប្រធានាធិបតីនៅខែវិច្ឆិកាខាងមុខ។ការប្តេជ្ញាចិត្តនេះត្រូវបានធ្វើឡើងដោយអតីតប្រធានាធិបតីDonaldTrumpក្នុងអំឡុងពេលយុទ្ធនាការបោះឆ្នោតនៅទីក្រុង Philadelphia (Pennsylvania) នៅថ្ងៃទី២២ ខែមិថុនា។ នេះ​ជា​ព្រឹត្តិការណ៍​យុទ្ធនាការ​ចុងក្រោយ​របស់​លោក Trump មុន​ពេល​ចូល​ទៅ​ក្នុង​ការ​ជជែក​ដេញដោល​ជាមួយ​ប្រធានាធិបតី​បច្ចុប្បន្ន Joe Biden នៅ​ថ្ងៃ​ទី ២៧ ខែ​មិថុនា។លោក Trump បានបញ្ជាក់យ៉ាងម៉ឺងម៉ាត់ថា"មុនពេលខ្ញុំចូលទៅក្នុងការិយាល័យOval (កន្លែងធ្វើការរបស់ប្រធានាធិបតីអាមេរិកនៅសេតវិមាន) ភ្លាមៗបន្ទាប់ពីយើងឈ្នះការបោះឆ្នោតប្រធានាធិបតីខ្ញុំនឹងដោះស្រាយជម្លោះដ៏គួរឱ្យភ័យខ្លាចរវាងរុស្ស៊ីនិងអ៊ុយក្រែន"។យោងតាមទីភ្នាក់ងារសារព័ត៌មានTassរបស់រុស្ស៊ីអតីតប្រធានាធិបតីអាមេរិករូបនេះក៏បានសន្យាទប់ស្កាត់សង្គ្រាមលោកលើកទី៣ផងដែរ។

លោក Trump នៅឯយុទ្ធនាការបោះឆ្នោតនៅទីក្រុង Philadelphia ថ្ងៃទី ២២ខែមិថុនា។ រូបថត: REUTERS

គណបក្ស​សាធារណរដ្ឋ​នឹង​រៀបចំ​សន្និបាត​ថ្នាក់ជាតិ​នៅ​ខែកក្កដា ហើយ​តែងតាំង​លោក Trump ជា​បេក្ខជន​ប្រធានាធិបតី​របស់​គណបក្ស​នេះ​ជា​ផ្លូវការ​។ប្រជាជនអាមេរិករាប់រយលាននាក់នឹងបោះឆ្នោតជ្រើសរើសប្រធានាធិបតីនៅថ្ងៃទី៥ខែវិច្ឆិកា។អ្នកឈ្នះនឹងស្បថចូលកាន់តំណែងនៅថ្ងៃទី២០ខែមករា ឆ្នាំ ២០២៥។ដូច្នេះហើយ ប្រសិនបើលោក Trump ជាប់ឆ្នោតលោកមានពេលតែប្រហែល២ខែប៉ុណ្ណោះក្នុងការដោះស្រាយជម្លោះដែលអូសបន្លាយជាងពីរឆ្នាំរវាងរុស្ស៊ីនិងអ៊ុយក្រែន។លោក Trump បាន​បង្ហាញ​ទស្សនៈ​របស់​លោក​ម្តង​ហើយ​ម្តង​ទៀត​អំពី​ជម្លោះ​ខាង​លើ។នៅពាក់កណ្តាលខែមិថុនា ក្នុងយុទ្ធនាការបោះឆ្នោតនៅទីក្រុង Detroit (រដ្ឋ Michigan)លោកបានរិះគន់ប្រធានាធិបតីអ៊ុយក្រែន លោក Volodymyr Zelensky ម្តងហើយម្តងទៀតដែលស្នើសុំឱ្យសហរដ្ឋអាមេរិកផ្តល់ជំនួយ។លោកTrumpបាននិយាយថា"លោកបានមកអាមេរិកត្រឡប់មកផ្ទះវិញជាមួយនឹងទឹកប្រាក់៦០ពាន់លានUSDហើយបន្ទាប់មកបានប្រកាសថាលោកត្រូវការ៦០ពាន់លាន USD ទៀត។ វានឹងមិនមានទីបញ្ចប់នោះទេ" ។ជាច្រើនលើកច្រើនសារសមាជិកសភាមកពីគណបក្សសាធារណរដ្ឋបានប្រឆាំងនឹងការបង្កើនជំនួយដល់អ៊ុយក្រែនដោយចោទជាសំណួរថា តើអ្វីជាផលប្រយោជន៍របស់អាមេរិក។យោងតាមអ្នកសង្កេតការណ៍ សេចក្តីថ្លែងការណ៍របស់លោកTrump អំពីអ៊ុយក្រែន ធ្វើឱ្យប្រជាជនកាន់តែព្រួយបារម្ភថាក្រុងវ៉ាស៊ីនតោននឹងបញ្ឈប់ ឬកាត់បន្ថយជំនួយដល់ក្រុងគៀវ។ប្រសិនបើលោកជាប់ឆ្នោត។រដ្ឋបាលរបស់លោកប្រធានាធិបតីBidenបានធ្វើការដើម្បីធានាដល់អ៊ុយក្រែននូវការគាំទ្ររយៈពេលវែងរបស់អាមេរិកសម្រាប់ប្រទេសនេះ។ក្នុងអំឡុងកិច្ចប្រជុំកំពូល G7 នៅប្រទេសអ៊ីតាលីកាលពីថ្ងៃទី១៣ខែមិថុនា ប្រធានាធិបតីអាមេរិក និងអ៊ុយក្រែនបានចុះហត្ថលេខាលើកិច្ចព្រមព្រៀងរយៈពេល១០ឆ្នាំដើម្បីធានាសន្តិសុខរបស់អ៊ុយក្រែន។ទោះជាយ៉ាងណាក៏ដោយ យោងទៅតាមអ្នកវិភាគ កិច្ចព្រមព្រៀងនេះគឺអាចផ្លាស់ប្តូរបានទាំងស្រុង ។ប្រសិនបើលោក Trump សម្រេចចិត្តធ្វើដូច្នេះ៕ពុតសាម៉ាត់