ក្រុង​គៀវ​​អំ​ពា​​វនាវ​ឲ្យ​ម៉ិ​កស៊ិក​​ចាប់​លោក​Put​inអាល្លឺម៉ង់​និយា​យ​ពី​អ៊ុយក្រែន​វាយ​​ឆ្មក់​​ចូល​ទឹ​​ក​ដី​រុស្ស៊ី

អ៊ុយក្រែនបានអំពាវនាវឱ្យម៉ិកស៊ិកចាប់ខ្លួនប្រធានាធិបតីរុស្ស៊ី Vladimir Putin។ប្រសិនបើលោកចូលរួមពិធីស្បថចូលកាន់តំណែងមេដឹកនាំថ្មីនៃប្រទេសអាមេរិកខាងជើង។

ភាគីអ៊ុយក្រែនបានធ្វើការអំពាវនាវខាងលើបន្ទាប់ពីកាសែត Izvestia បានរាយការណ៍កាលពីថ្ងៃទី៦ខែសីហាថារដ្ឋាភិបាលម៉ិកស៊ិកបានអញ្ជើញលោកPutin ឱ្យចូលរួមក្នុងពិធីសម្ពោធប្រធានាធិបតីជាប់ឆ្នោតថ្មី Claudia Sheinbaum នៅថ្ងៃទី១ខែតុលា។ ស្ថានទូតរុស្ស៊ីប្រចាំនៅម៉ិកស៊ិកបានបញ្ជាក់ពីព័ត៌មាននេះ។ជាមួយគ្នានេះ ស្ថានទូតម៉ិកស៊ិក ប្រចាំប្រទេសរុស្ស៊ី បាននិយាយថា លោកPutin  មិនទាន់សម្រេចចិត្តថាលោកនឹងចូលរួមព្រឹត្តិការណ៍នេះ ដោយផ្ទាល់ ឬបញ្ជូនមន្ត្រីជាន់ខ្ពស់មកជំនួសលោកនោះទេ។នៅឆ្នាំ២០២៣តុលាការឧក្រិដ្ឋកម្មអន្តរជាតិ(ICC)បានបញ្ជាឱ្យចាប់ខ្លួនមេដឹកនាំវិមានក្រឹមឡាំងដោយចោទប្រកាន់ពីបទ"និរទេសកុមារអ៊ុយក្រែនដោយខុសច្បាប់ទៅកាន់ប្រទេសរុស្ស៊ី"។ម៉ិកស៊ិកទទួលស្គាល់យុត្តាធិការរបស់តុលាការនេះដែលមានមូលដ្ឋាននៅទីក្រុងឡាអេប្រទេសហូឡង់។នៅក្នុងសេចក្តីថ្លែងការណ៍ថ្មីមួយដែលបានបង្ហោះនៅលើបណ្តាញសង្គមស្ថានទូតអ៊ុយក្រែនប្រចាំប្រទេសម៉ិកស៊ិកបានសម្តែងទំនុកចិត្តថារដ្ឋាភិបាលនៃប្រទេសអាមេរិកខាងជើងនេះនឹងគោរពតាមបញ្ជារបស់ ICC និង "ប្រគល់" លោកPutin ទៅឱ្យ "អំណាចតុលាការ" នៃអង្គការសហប្រជាជាតិ ហាក់ដូចជាសំដៅទៅលើតុលាការយុត្តិធម៌អន្តរជាតិ (ICJ)។ប្រធានាធិបតីម៉ិកស៊ិក Manuel Lopez Obrador ដែលផុតអាណត្តិធ្លាប់បានអះអាងថាប្រទេសនេះនឹងរក្សាជំហរអព្យាក្រឹតចំពោះជម្លោះរុស្ស៊ី-អ៊ុយក្រែន។ លោក Obrador ក៏​បាន​រិះគន់​អាមេរិក​ដែល​បាន​ផ្តល់​ជំនួយ​យោធា​ដល់​ក្រុង​គៀវ ហើយ​មិន​គាំទ្រ​ទណ្ឌកម្ម​អន្តរជាតិ​ប្រឆាំង​នឹង​ក្រុង​ម៉ូស្គូ។ កាសែត Izvestia បានដកស្រង់សម្តីអ្នកជំនាញថា វិធីសាស្រ្តរបស់ម៉ិកស៊ិកនឹងមិនផ្លាស់ប្តូរក្រោមការដឹកនាំរបស់ប្រធានាធិបតីស្នងតំណែងរបស់លោក Obrador នោះទេ។

អាល្លឺម៉ង់​បាន​និយាយ​អំពី​អ៊ុយក្រែន​ដែល​ប្រើ​ជំនួយ​អាវុធ​ដើម្បី​វាយប្រហារ​រុស្ស៊ី

នៅក្នុងបទសម្ភាសន៍ជាមួយទីភ្នាក់ងារសារព័ត៌មាន Funke Mediengruppe នៅថ្ងៃទី៨ខែសីហា លោក Marcus Faber ប្រធានគណៈកម្មាធិការការពារនៃសភាអាល្លឺម៉ង់ (Bundestag) បាននិយាយថាទីក្រុងប៊ែរឡាំងមិនចាត់ទុកកងទ័ពអ៊ុយក្រែនប្រើប្រាស់អាវុធដែលផលិតដោយអាល្លឺម៉ង់ដើម្បីវាយប្រហារតំបន់ព្រំដែន Kursk របស់រុស្ស៊ីជាបញ្ហានោះទេ។តាម​លោក Faber អាវុធ​របស់​អាល្លឺម៉ង់​បាន​ក្លាយ​ជា​អាវុធ​របស់​អ៊ុយក្រែន​បន្ទាប់​ពី​ផ្ទេរ​ទៅ​ក្រុង​គៀវ។ នេះអនុវត្តចំពោះអាវុធគ្រប់ប្រភេទ រួមទាំងរថក្រោះប្រយុទ្ធ Leopard 2 ផងដែរ។“ដោយសារតែរុស្ស៊ីបានចាប់ផ្តើមយុទ្ធនាការយោធាពិសេសនៅអ៊ុយក្រែន ទឹកដីនៃប្រទេសទាំងពីរគឺជាតំបន់ជម្លោះ។ លោក Faber បានពន្យល់ថាការប្រើប្រាស់អាវុធត្រូវតែគោរពតាមបទប្បញ្ញត្តិនៃច្បាប់អន្តរជាតិ។មន្ត្រី​រុស្ស៊ី​មិន​ទាន់​ធ្វើ​អត្ថាធិប្បាយ​លើ​សេចក្តី​ថ្លែងការណ៍​របស់​ប្រធាន​គណៈកម្មាធិការ​ការពារ​ជាតិ​ Bundestag នៅឡើយ​ទេ៕