វៀតណា​ម​ផ្ញើ​សា​រ​អ​ប​អរសាទរ​​ដល់​កម្ពុជា​ក្នុង​ការ​បោះឆ្នោត​​ជ្រើសតាំង​តំ​ណាងរាស្ត្រ​នីតិកា​ល​ទី​៧​

អគ្គលេខាបក្ស​កុម្មុយនីស្ត​វៀតណាម​ ​លោក​ N​guy​e​n ​P​h​u ​T​ron​g​ ​កាលពី​ថ្ងៃអង្គារ​នេះ​ ​បាន​ផ្ញើ​លិខិត​អប​អរសាទរ​ជូន​ចំពោះ​ប្រធាន​គណបក្សប្រជាជន​កម្ពុជា​ និង​សម្តេច​តេជោ ​ហ៊ុន​ ​សែន​ ​នាយក​រដ្ឋ​ម​ន្រ្តី​នៃ​កម្ពុជា​ ​ក្នុង​ឱកាស​ការបោះឆ្នោត​ជ្រើសតាំង​តំណាង​រា​ស្រ្ត​នីតិកាល​ទី​៧​ ​ដែល​រៀបចំ​ឡើង​នៅ​ថ្ងៃ​ទី​២​៣​ ​ខែ​កក្កដា​ ​ប្រកបដោយជោគជ័យ​ ​។​

សម្តេចនាយក​រដ្ឋមន្ត្រី ហ៊ុន សែនស្ដាំនៃ​គណបក្ស​ប្រជាជន​កម្ពុជាបង្ហាញ​ស្នាម​ម្រាមដៃ​ឈរ​ក្បែរ​ភរិយា ប៊ុន រ៉ានី ខាងឆ្វេងបន្ទាប់ពី​បោះឆ្នោត​នៅ​ការិយាល័យ​បោះឆ្នោត​ក្រុង​តាខ្មៅខេត្តកណ្តាលភាគ​អាគ្នេយ៍​រាជធានី​ភ្នំពេញ កាលពី​ថ្ងៃអាទិត្យ ទី២៣ ខែកក្កដា ឆ្នាំ​២០២៣។(AP)

ទន្ទឹម​នឹង​នោះ​ ​លោក​នាយករដ្ឋមន្ត្រី​ ​P​ham​ ​M​in​h​ C​h​ín​h​ ​ក៏បាន​សន្ទនា​តាម​ទូរស័ព្ទ​ជាមួយ​សម​ភាគី​កម្ពុជា​ ​ដើម្បី​ចូលរួម​សម្តែង​ការ​អប​អរសាទរ​ ​ផង​ដែរ​។​ ​ប្រធានរដ្ឋសភា​វៀតណាម​ ​លោក​ ​V​ươn​g​ Đìn​h​ ​H​uệ ​បាន​ចូលរួម​អប​អរសាទរ​ចំពោះ​សម្តេច​ ​ហេង​ ​សំ​រិន​ ​ប្រធានរដ្ឋសភា​កម្ពុជា​។​លោក​ ​T​rọn​g​ ​អគ្គលេខាបក្ស​ ​និង​ថ្នាក់​ដឹកនាំ​បក្ស​ ​និង​រដ្ឋ​វៀតណាម​ ​បាន​ចូលរួម​អប​អរសាទរ​កម្ពុជា​ចំពោះ​ការរៀបចំ​ការបោះឆ្នោត​ជ្រើសតាំង​តំណាង​រា​ស្រ្ត​នីតិកាល​ទី​៧​ ​ប្រកបដោយជោគជ័យ​ ​ជាពិសេស​ ​អត្រា​អ្នក​ទៅ​បោះឆ្នោត​ខ្ពស់​ ​ហើយ​ការបោះឆ្នោត​ប្រកបដោយ​សុវត្ថិភាព​ ​សេរីភាព​ ​និង​យុត្តិធម៌​ ​ដែល​ឆ្លុះបញ្ចាំង​ពី​ទំនុក​ចិត្ត​របស់​អ្នកបោះឆ្នោត​កម្ពុជា​ចំពោះ​ការ​អភិវឌ្ឍន៍​របស់​ប្រទេស​នា​ពេល​អនាគត​។​ពួកគេ​ក៏បាន​អប​អរសាទរ​ដល់​គណបក្សប្រជាជន​កម្ពុជា​ចំពោះ​ជ័យ​ជម្នះ​ដ៏​ធំធេង​របស់​ខ្លួន​ក្នុង​ការបោះឆ្នោត​ ​ហើយ​បាន​និយាយ​ថា​លទ្ធផល​បោះឆ្នោត​ជាថ្មី​ម្តងទៀត​បាន​បញ្ជាក់​ពី​តួនាទី​ ​និង​ឋានៈ​របស់​គណបក្សប្រជាជន​កម្ពុជា​ ​ក្រោម​ការ​​​ដឹកនាំ​របស់​សម្តេច​តេជោ ​ហ៊ុន​ ​សែន​។​​មេដឹកនាំ​វៀតណាម​បាន​សម្តែង​នូវ​ជំនឿ​ថា​ ​កម្ពុជា​នឹង​បង្កើត​រដ្ឋសភា​ថ្មី​ ​និង​រដ្ឋាភិបាល​ថ្មី​ក្នុងពេលឆាប់ៗ​នេះ​ ​ដើម្បី​បន្ត​ដឹកនាំ​ប្រជាជន​កម្ពុជា​លើ​មាគ៌ា​នៃ​ការ​អភិវឌ្ឍន៍​ប្រទេស​ប្រកបដោយ​សន្តិភាព​ ​ស្ថិរភាព​ ​និង​វិបុលភាព​ ​និង​ប្រកបដោយ​ចីរភាព​ក្នុង​តំបន់​ ​និង​ពិភពលោក​។​អំពី​ទំនាក់ទំនង​វៀតណាម​-​កម្ពុជា​ ​ពួកគេ​ជឿជាក់​ថា​ ​ទំនាក់ទំនង​អ្នកជិតខាង​ល្អ​ ​មិត្តភាព​ប្រពៃណី​ ​កិច្ច​សហប្រតិបត្តិការ​លើ​គ្រប់​វិ​ស័យ​ ​និង​និរន្តរភាព​យូរអង្វែង​រវាងប្រទេស​ទាំង២នឹង​ត្រូវ​បាន​ពង្រឹង​បន្ថែម​ទៀត​ ​និង​រីក​ចម្រើន​ខ្លាំង​ថែមទៀត​ ​ដើម្បី​ជា​ប្រយោជន៍​ដល់​ប្រជាជន​ទាំងពីរ​ ​សហគមន៍​អា​ស៊ាន​ ​ក៏ដូចជា​សន្តិភាព​ ​ស្ថិរភាព​ ​កិច្ច​សហប្រតិបត្តិការ​ ​និង​ការ​អភិវឌ្ឍន៍​ក្នុង​តំបន់​ ​និង​ពិភពលោក​។​ក្នុង​ឱកាស​នេះ​ ​ប្រធាន​គណៈកម្មាធិការមជ្ឈិម​បក្ស​កុម្មុយនីស្ត​វៀតណាម​ទទួលបន្ទុក​កិច្ចការ​បរទេស​ ​លោក​ ​L​ê ​H​oà​i​ ​T​rung​ ​និង​រដ្ឋមន្ត្រីការបរទេស​ Bù​i​ ​Than​h​ Sơn ​ក៏បាន​អប​អរសាទរ​ចំពោះ​ប្រធាន​គណៈ​ទាក់ទង​បរទេស​ ​នៃ​គណៈកម្មាធិការ​កណ្តាល​ ​គណបក្សប្រជាជន​កម្ពុជា​ ​លោក​ ​ប្រាក់​ សុ​ខុន​ ​ឧបនាយករដ្ឋមន្ត្រី​ ​និង​ជា​រដ្ឋមន្ត្រីក្រសួងការបរទេស​ ​និង​សហប្រតិបត្តិការ​អន្តរជាតិ​៕V​NS/KhmerTimes