កម្ពុជាប្រកាសថាខ្លួននឹងបើកជើងហោះហើរត្រង់ពីខេត្តសៀមរាបទៅកាន់ទីក្រុងសេអ៊ូល
ក្រុមហ៊ុនអាកាសចរណ៍ Sky Angkor Airlinesរបស់កម្ពុជាបានប្រកាសថាខ្លួននឹងបើកជើងហោះហើរត្រង់ពីខេត្តសៀមរាបទៅកាន់ទីក្រុងសេអ៊ូល សាធារណរដ្ឋកូរ៉េ នៅចុងឆ្នាំនេះ ក្នុងគោលបំណងទាក់ទាញភ្ញៀវទេសចរកូរ៉េមកកម្ពុជា។ការហោះហើរត្រង់ទៅកាន់អាកាសយានដ្ឋានអន្តរជាតិ Incheon ទីក្រុងសេអ៊ូល នឹងចាប់ផ្តើមនៅខែធ្នូ ឆ្នាំ២០២៣។
| រូបថត៖ Sky Angkor Airlines |
/KhmerTimes
សេចក្តីប្រកាសនេះជាព័ត៌មានដ៏រំភើបសម្រាប់ប្រតិបត្តិករទេសចរក្នុងខេត្តសៀមរាប ដែលជាទីតាំងឧទ្យានបុរាណអង្គរដ៏ល្បីល្បាញលើពិភពលោក ខណៈដែលវិស័យទេសចរណ៍បានទទួលរងផលប៉ះពាល់យ៉ាងខ្លាំងដោយសារជំងឺកូវីដ-១៩។ទោះបីជាកម្ពុជាបានបើកប្រទេសយ៉ាងពេញលេញអស់រយៈពេលជាងមួយឆ្នាំក៏ដោយ ប៉ុន្តែភ្ញៀវទេសចរដែលទៅទស្សនាប្រាសាទអង្គរវត្តនៅតែមិនទាន់ត្រលប់មកកម្រិតដូចមុនពេលមានរាតត្បាតនៅឡើយ។ យោងតាមគ្រឹះស្ថានអង្គរដែលគ្រប់គ្រងការលក់សំបុត្រចូលទស្សនា ភ្ញៀវទេសចរអន្តរជាតិសរុបចំនួន ៥៥៦.៨៧៩នាក់ បានទិញសំបុត្រចូលទស្សនាប្រាសាទនានាចាប់ពីថ្ងៃទី១ ខែមករា ដល់ថ្ងៃទី២ ខែតុលា ឆ្នាំ២០២៣។ ដោយឡែក រយៈពេលដូចគ្នាក្នុងឆ្នាំ ២០១៩តំបន់នេះទទួលបានភ្ញៀវទេចរជាង ១,៦៦ លាននាក់។អភិបាលរងខេត្តសៀមរាប លោក យន់ លីនណេ បាននិយាយថា វាជាដំណឹងល្អសម្រាប់ខេត្ត ដោយសារជើងហោះហើរត្រង់ថ្មីនឹងកាត់បន្ថយថ្លៃធ្វើដំណើរសម្រាប់ភ្ញៀវទេសចរ និងចំណេញពេលវេលា។ លោកសង្ឃឹមថាចំនួនភ្ញៀវទេសចរនឹងកើនឡើងបន្ទាប់ពីការបើកអោយមានជើងហោះហើរត្រង់៕ VNA/KhmerTimes
/unnamed.png
Post a Comment