តាមការព្យាករណ៍តំបន់វា​​លទំនា​បអាចមាន​ភ្លៀងធ្លាក់​​ជាមួយផ្គររន្ទះនិងខ្យល់​កន្ត្រាក់គ្រប​ដណ្ដប់លើ​ផ្ទៃដី១​០%សម្រាប់​ថ្ងៃទី៧ខែកក្កដា​នេះ

សេចក្តីជូនដំណឹងរបស់ក្រសួងធនធានទឹកនិងឧតុនិយមបានឲ្យដឹងថាតំបន់វាលទំនាបអាចមានភ្លៀងធ្លាក់ជាមួយផ្គររន្ទះនិងខ្យល់កន្ត្រាក់គ្របដណ្ដប់លើផ្ទៃដី១០% ។ តំបន់ខ្ពង់រាប គ្របដណ្ដប់លើផ្ទៃដី ២០% និង តំបន់មាត់សមុទ្រគ្របដណ្ដប់លើផ្ទៃដី១៥%។ការប្រែប្រួលអាកាសធាតុដែលអាចមានភ្លៀងធ្លាក់នេះគឺអាស្រ័យដោយសម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។